HAGGAI 1:4 - Edisana ñwed Abasi Ibom

⁴ Nte edi ini eke mbufo ekpeduŋde ke ufɔk mbufo eke ekɔŋde ke obukpɔk, ndien ufɔk emi abiara?

HAGGAI 1:4 ပူးပေါင်းရင်းမြစ်များ

2 SAMUEL 7:2

ndien edidem ɔdɔhɔ Nathan prophet, ete, Mbɔk, se ami nduŋ ke ufɔk cedar, edi ekebe Abasi oduŋ ke ufɔt ikpehe oro.

2 NDIDEM 5:26

Ndien enye ɔdɔhɔ enye, ete, Nte esit mi ikakaha, ke ini owo oro otode ke chariot esie afiak edisobo ye afo? Nte emi edi ini nte owo ɔkpɔbɔde okuk, okponyuŋ ɔbɔde ɔfɔŋ-idem, ye iŋwaŋ olive, ye iŋwaŋ vine, ye erɔŋ, ye enaŋ, ye ifin iren, ye ifin iban?

ŊWED MME PSALM 102:14

Koro mme itiat esie enemde ikɔt fo esit, mmɔ enyuŋ etua ntan ŋwure esie mbɔm.

ŊWED MME PSALM 74:7

Mmɔ emekim ikaŋ ke edisana ebiet fo emewuri ebiet iduŋ enyiŋ fo, eduɔk ke isɔŋ.

ECCLESIASTES 3:3

ini eke ewotde, ye ini eke ekɔkde (unan); ini eke ewuride, ye ini eke ediɔŋde;

JEREMIAH 22:14

eke ɔdɔhɔde, ete, Nyebɔp akwa ufɔk ye ikpɔ ubet enyɔŋ nnɔ idem mi; ndien enye asiak window ɔnɔ idem esie, onyuŋ ɔkɔŋ enye ke cedar, onyuŋ eyet ididuot ke esit.

JEREMIAH 26:18

Micaiah Morashtite eketiŋ prophecy ke eyo Hezekiah edidem Judah, onyun ɔdɔhɔ ofuri mbio Judah, ete, Ntem ke Jehovah mme udim ɔdɔhɔ, ete, Ke eyefuŋ Zion nte iŋwaŋ, Jerusalem eyenyuŋ akabare edi ndon, obot ufɔk eyenyuŋ akabare edi ibombom akai.

JEREMIAH 26:6

ndien nyenam ufɔk emi ebiet Shiloh, nyenyuŋ nnim obio emi ke ŋkpɔ isuŋi nnɔ kpukpru mme idut ererimbot.

JEREMIAH 33:10

Ntem ke Jehovah ɔdɔhɔ, ete, Ke ebiet emi mbufo edɔhɔde ete ke enye omosobo, anana owo, onyuŋ anana ufene, ke mme obio Judah ye ke mme efak Jerusalem, emi ebiarade enana owo, enyuŋ enana andiduŋ, enyuŋ enana ufene,

JEREMIAH 33:12

Ntem ke Jehovah mme udim ɔdɔhɔ, ete, Ke iduŋ mme ɔbɔk-erɔŋ emi enamde ufene mmɔ esukhɔre ena, editɔŋɔ ntak edu ke ebiet emi osobode ntem, anana owo, onyuŋ anana ufene, ye ke kpukpru mme obio mmɔ.

JEREMIAH 52:13

ndien ɔfɔp ufɔk Jehovah ye ufɔk edidem; onyuŋ ɔfɔp kpukpru mme ufɔk Jerusalem, ye kpukpru ikpɔ ufɔk ke ikaŋ.

ŊWED ESEME 2:7

Ɔbɔŋ ɔmɔduɔk itie-uwa esie, amasua edisana ebiet esie, ada ibibene ikpɔ ufɔk esie esin mbon usua ke ubɔk; mmɔ emenere uyo ke ufɔk Jehovah, kpa nte eke usen ederi.

ŊWED ESEME 4:1

GOLD anam didie akabare ebire! ata eti gold anam didie ɔkpuhɔre! Mme itiat edisana ebiet emeduɔŋɔ ke ibuot kpukpru mme efak.

EZEKIEL 24:21

Ntem ke Ɔbɔŋ Jehovah ɔdɔhɔ ete, Sese, ami, mmɔŋ mbiat edisana ebiet mi, ubɔŋ odudu mbufo, ŋkpɔ emi enyin mbufo emade, ye se ukpɔŋ mbufo enyenede mbɔm ke esit: ndien nditɔ-iren mbufo ye nditɔ mbufo iban emi mbufo ekpɔŋde eye-duɔŋɔ ke ofut.

LEVITICUS 19:25

Ndien edia mfri esie ke ɔyɔhɔ isua ition, man mbuŋwum esie ɔtɔt ɔnɔ mbufo: ami ndi Jehovah Abasi mbufo.

MICAH 3:12

Mmɔdo eyefuŋ Zion nte iŋwaŋ ebaŋa mbufo, Jerusalem eyenyuŋ akabare edi ibombom ŋko, obot ufɔk emi eyenyuŋ akabare edi ŋkokoŋo ebiet akai.

HAGGAI 1:3

Ndien uyo Jeho-vah oto ke ubɔk Haggai prophet edi, ete,

HAGGAI 1:5

Jehovah mme udim ɔdɔhɔ kemi, ndien, ete, Mbufo etim ekere usuŋ mbufo.

HAGGAI 1:9

Mbufo ke edori enyin ke uwak, ndien sese esisit; ndien ke ini mbufo edade enye edi ke ufɔk, ami mfuri ke esit. Ke abaŋa nso? Jehovah mme udim ɔdɔhɔ. Ke abaŋa ufɔk mi emi abiarade ntem; ndien mbufo kpukpru efeŋe eka ufɔk mbufo.

MATTHEW 6:33

Ekam ebem iso eyom Obio Ubɔŋ Esie ye edinen ido Esie; ndien eyedian kpukpru ŋkpɔ emi enɔ mbufo.

ŊWED MBON PHILIPPI 2:21

Koro kpukpru owo ke eyoyom ŋkpɔ idem mmɔ, idige ŋkpɔ Jesus Christ.