HAGGAI 1:14 - Edisana ñwed Abasi Ibom

¹⁴ Ndien Jehovah edemere spirit Zerubbabel eyen Shealtiel, ɔbɔŋ Judah, ye spirit Joshua eyen Jehozadak, akamba oku, ye spirit kpukpru mmɔ eke esuhɔde; ndien mmɔ edi edinam utom ke ufɔk Jehovah mme udim, Abasi mmɔ,

HAGGAI 1:14 ပူးပေါင်းရင်းမြစ်များ

1 CHRONICLES 5:26

Ekem Abasi Israel edemere esit Pul edidem Assyria, ye spirit Tilgath-pilneser edidem Assyria, ndien enye ataŋ mmɔ efep, kpa mme Reubenite, ye mme Gadite, ye ibio esien Manasseh, onyuŋ ada mmɔ aka ke Halah, ye ke Habor, ye ke Hara, ye ke mben akpa Gozan, tutu osim mfin emi.

2 CHRONICLES 36:22

Ekem ke akpa isua Cyrus edidem Persia, man se Jehovah akadade inua Jeremiah ɔdɔhɔ ekpekem, Jehovah edemere Cyrus edidem Persia spirit, ndien enye ɔdɔŋ ewuhɔ ke ofuri edem emi enye akarade, onyuŋ esin ke ŋwed ŋko, ete,

EZRA 1:1

EDIKEM ke akpa isua Cyrus edidem Persia, man se Jehovah akadade inua Jeremiah ɔdɔhɔ ekpekem, Jehovah edemere spirit Cyrus, edidem Persia, ndien enye owuk ofuri edem emi enye akarade, onyuŋ esin ke ŋwed ŋko, ete,

EZRA 1:5

Ndien mme etubom mme ete Judah ye Benjamin, ye mme oku, ye mme Levite, ye kpukpru mmɔ eke Abasi edemerede esit mmɔ, edaha ke enyɔŋ, ete idɔk ikɔbɔp ufɔk Jehovah emi odude ke Jerusalem.

EZRA 5:2

Ndien Zerubbabel eyen Shealtiel, ye Jeshua eyen Jozadak, edaha ke enyɔŋ etɔŋɔ ndibɔp ufɔk Abasi emi odude ke Jerusalem: mme prophet Abasi enyuŋ eŋwam mmɔ ŋko.

EZRA 5:8

Yak edidem ɔfiɔk, ete ke nnyin ima ika ke province Judah, isim ufɔk akwa Abasi, ndien mmɔ ebɔp enye ke ikpɔ itiat, enyuŋ edori eto ke ibibene, mmɔ enyuŋ esin idem enam utom emi, utom onyuŋ aka iso ke ubɔk mmɔ.

NEHEMIAH 4:6

Ntem ke nnyin idiɔŋ ibibene; inyuŋ idian ofuri ibibene tutu osim ke ufɔt esie; koro esit kpukpru owo odude ke utom.

ŊWED MME PSALM 110:3

Ikɔt fo edi enɔ ima-esit ke usen odudu fo, ke edisana mbanaoto ke idibi usiere, afo emenyene mbara uyen fo.

HAGGAI 1:1

KE udiana-akpa isua Darius edidem, ke ɔyɔhɔ ɔfiɔŋ itio-kiet, ke akpa usen ɔfiɔŋ, uyo Jehovah ke ubɔk Haggai prophet osim Zerubbabel eyen Shealtiel, ɔbɔŋ Judah, ye Joshua eyen Jehozadak akamba oku, ete,

HAGGAI 1:12

Ndien Zerubbabel eyen Shealtiel, ye Joshua eyen Jehozadak, akamba oku, ye kpukpru owo eke esuhɔde, ekop uyo Jehovah Abasi mmɔ, ye ikɔ Haggai prophet, kpa nte Jehovah Abasi mmɔ ɔkɔdɔŋde enye utom, ndien kpukpru owo efehe ndik ke iso Jehovah.

HAGGAI 1:15

ke ɔyɔhɔ usen edip ye inaŋ, ke ɔyɔhɔ ɔfiɔŋ itiokiet, ke udiana-akpa isua Darius edidem.

HAGGAI 2:2

Dɔhɔ ndien Zerubbabel eyen Shealtiel ɔbɔŋ Judah, ye Joshua eyen Jehozadak, akwa oku, ye mbio-obio emi esuhɔde, ete.

HAGGAI 2:21

Dɔhɔ Zerubbabel, ɔbɔŋ Judah, ete, Ami mmɔŋ nnyeŋe enyɔŋ ye isɔŋ;

1 ŊWED CORINTH 15:58

Mmɔdo ndima nditɔ-ete mi, esɔŋɔ eda, ekuyak ŋkpɔ esehere mbufo; eyɔhɔ kpukpru ini ke utom Ɔbɔŋ; sia emɔfiɔk ete utom eke mme imɔ inamde idiwɔrɔke idi ikpikpu ke Ɔbɔŋ.

2 ŊWED CORINTH 8:16

Edi ekɔm enyene Abasi, emi ɔdɔŋde ke esit Titus ekikere mbaŋa mbufo nte nnyenede.

MME HEBREW 13:21

kpa Ɔbɔŋ nnyin Jesus Christ akpakam ɔnɔ mbufo kpukpru nti ŋkpɔ eda enam se Enye amade, onyuŋ anam utom ke esit nnyin, nte ɔfɔnde Enye ke enyin, oto ke Jesus Christ. Ubɔŋ enyene Enye ke nsinsi-nsinsi. Amen.