HAGGAI 1:13 - Edisana ñwed Abasi Ibom

¹³ Ndien Haggai isuŋutom Jehovah ada uyo Jehovah ɔdɔhɔ kpukpru owo, ete, Ami ndu ye mbufo, edi uyo Jehovah.

HAGGAI 1:13 ပူးပေါင်းရင်းမြစ်များ

1 CHRONICLES 28:20

Ndien David ɔdɔhɔ Solomon eyen esie, ete, Sɔŋ idem, sɔŋ esit, nyuŋ nam: kufehe, kunyuŋ udikhe: koro Jehovah Abasi, Abasi mi, odude ye afo; enye idimenke fi iduɔk, idinyuŋ ikpɔŋke fi, tutu afo ama ofuri utom usɔ ufɔk Jehovah.

2 CHRONICLES 15:2

ndien enye ɔwɔrɔ okosobo ye Asa, onyuŋ ɔdɔhɔ enye, ete: Asa ye ofuri Judah ye Benjamin, mbufo ekop uyo mi, Jehovah ada ye mbufo ke ini mbufo ededa ye enye; ndien edieke mbufo ediyomde enye, mbufo eyekut enye; edi edieke mbufo edikpɔŋde enye, enye eyekpɔŋ mbufo.

2 CHRONICLES 20:17

Mbufo ekukpa ndiŋwana ekɔŋ emi: koro Jehovah odude ye mbufo.

2 CHRONICLES 32:8

ubɔk obuk-idem odu ye enye; edi Jehovah Abasi nnyin odu ye nnyin ndinyaŋa nnyin, ndinyuŋ ŋŋwana ekɔŋ nnyin. Ndien mbio-obio ebere idem ke ikɔ Hezekiah edidem Judah.

ŊWED MME PSALM 46:11

Jehovah mme udim odu ye nnyin; Abasi Jacob edi ebiet-ubɔhɔ nnyin. [Selah.]

ŊWED MME PSALM 46:7

Jehovah mme udim odu ye nnyin: Abasi Jacob edi ubɔhɔ nnyin. [Selah.]

ISAIAH 41:10

Kudige, koro ami ndude ye afo: kunyek idem, koro ami ndide Abasi fo: nyesɔŋɔ fi idem; nditreke ndinyaŋa fi; nditreke ndimum fi ŋkama ke edinen ubɔk nnasia mi.

ISAIAH 42:19

Anie edi nnan ke mibɔhɔke owo mi? Anie edi inan nte isuŋ mi emi ndɔŋde enye utom? Anie edi nnan nte enye emi ɔfɔnde ama, ye nnan nte owo Jehovah?

ISAIAH 43:2

Ke ini afo edisaŋade ke mmɔŋ ebe, ami nyedu ye afo; ye ke mme akpa mmɔŋ, mmɔ idifukke fi: ke ini afo edisaŋade ke ikaŋ udufɔbɔke; edemikaŋ idinyuŋ itaha fi.

ISAIAH 44:26

edi enye ɔsɔŋɔ owuk ikɔ owo esie, onyuŋ anam item mme isuŋutom esie ɔwɔrɔ; emi ɔdɔhɔde Jerusalem, ete, Eyeduŋ enye ke esit; ɔdɔhɔ mme obio Judah, ete, Eyebɔp mmɔ, ami nyenyuŋ ndiɔŋ ŋwure esie:

JEREMIAH 15:20

Ndien nyenim fi ke ɔkpɔsɔŋ ibibene okpoho nnɔ mbio-obio emi; ndien mmɔ eyeŋwana ekɔŋ ye afo, edi idikemeke ubɔk ye afo: koro ami ndude ye afo, nnyuŋ nnyaŋa fi, nnyuŋ nsio fi.

JEREMIAH 20:11

Ndien Jehovah odu ye ami nte owo uko eke enyenede ndik: mmɔdo mmɔ eke ekɔbɔde mi eyeduɔŋɔ, idinyuŋ ikanke: but eyenam mmɔ eti-eti, koro mmɔ mikekwe unen: ke edi nsinsi o-but, owo idifreke enye.

JEREMIAH 30:11

Koro ami ndude ye afo, nte nnyaŋa fi. Jehovah ɔdɔhɔ: koro nyenam kpukpru mme idut eke ŋkasuande fi do etak, edi ndinamke fi atak: edi nyetunɔ fi nte enende, ndien ndiyakke fi ɔbɔhɔ ikpikpu.

EZEKIEL 3:17

kop ndien ikɔ emi otode mi ke inua, nyuŋ da uyo mi teme mmɔ.

HAGGAI 2:4

Edi ke emi Jehovah ɔdɔhɔ ete, O Zerubbabel, sɔŋ esit; O Joshua eyen Jehozadak, akwa oku, sɔŋ esit ŋko; ofuri mbio-obio, mbufo enyuŋ esɔŋ esit ŋko-ŋko; ke edi uyo Jehovah; mbufo enyuŋ enam utom, koro ami ndude ye mbufo; ke edi uyo Jehovah mme udim:

MALACHI 2:7

Koro mkpɔk-inua oku ekpekpeme ifiɔk, owo ekpenyuŋ ebup mkpɔk-inua esie ewuhɔ: koro enye edide isuŋ-utom Jehovah mme udim.

MALACHI 3:1

SESE, ami nyedɔŋ angel mi, ndien enye eyebem mi iso ɔdiɔŋ usuŋ: ndien ɔbɔŋ emi mbufo eyomde, kpa angel ediomi emi enemde mbufo esit, eyebuat mbufo ke temple esie ke idaha kiet. Sese, enye ke edi: Jehovah mme udim ɔdɔhɔ.

MATTHEW 1:23

Sese, eyenɔwɔŋ aŋwan eyeyomo, onyuŋ aman eyeneren; Enyeyuŋ esio enye enyiŋ Immanuel, oro ɔwɔrɔ ete, Abasi ke ododu ye nnyin.

MATTHEW 18:20

Koro ɔtɔ nte owo iba mme ita esopde idem ke enyiŋ Mi, do ke ndodu ke ufɔt mmɔ.

MATTHEW 28:20

enyuŋ ekpep mmɔ enam kpukpru ŋkpɔ eke ŋketemede mbufo: ndien sese, Ami ndodu ye mbufo kpukpru ini, tutu osim utit ererimbot. Amen.

ŊWED MBON ROME 8:31

Nso ke ididɔhɔ ndien ibaŋa ŋkpɔ emi? Edieke Abasi adade ye nnyin, anie edikeme ndibiɔŋɔ nnyin?

2 ŊWED CORINTH 5:20

Ntre ke nnyin idi mme isuŋutom emi edide ke enyiŋ Christ, nte ŋkpɔ eke Abasi adade nnyin ekpe ye mbufo; imekpe mbufo ubɔk ke ibuot Christ, ekabare etie ke emem ye Abasi.

2 ŊWED TIMOTHY 4:17

Edi Ɔbɔŋ adada mi ke ŋkaŋ, ɔsɔŋɔ mi esit nditiŋ ikɔ gospel ɔyɔhɔ-ɔyɔhɔ, man kpukpru mme Gentile ekop: ntem ke Enye anyaŋa mi osio ke inua lion.

2 ŊWED TIMOTHY 4:22

Ɔbɔŋ akpakam odu ye spirit fo. Mfɔn akpakam odu ye mbufo.

JUDGES 2:1

EKEM angel Jehovah oto ke Gilgal ɔdɔk ke Bochim, ɔkɔdɔhɔ ete, Ŋkada mbufo ke Egypt ndɔk, ŋkonyuŋ nda mbufo nduk ke isɔŋ emi ŋkɔŋwɔŋɔde nnɔ mme usɔ: ndien ŋkɔdɔhɔ nte, Ndibiatke ediomi mi ye mbufo ke nsinsi;