HAGGAI 1:11 - Edisana ñwed Abasi Ibom

¹¹ Ami nnyuŋ ŋkot nda-eyo, nte anam isɔŋ, ye ikpɔ obot, ye ibokpot, ye obufa wine, ye aran, ye se isɔŋ odukde, ye owo, ye ufene, ye ofuri utom ubɔk owo.

HAGGAI 1:11 ပူးပေါင်းရင်းမြစ်များ

1 NDIDEM 17:1

EKEM Elijah Tishbite emi otode ke mme andiduŋ Gilead, ɔdɔhɔ Ahab, ete Ma uwem Jehovah Abasi Israel, emi ndade enye ke iso, mbara ye edim ididuhe ke mme isua emi, ke mitoho ke uyo mi.

2 NDIDEM 8:1

NDIEN Elisha ama ɔkɔdɔhɔ ŋwan oro enye akanamde eyen esie eset, ete, Daha ke enyɔŋ, afo, ye ufɔk fo, nyuŋ ka koduŋ ke ebiet eke afo edikemede ndiduŋ: koro Jehovah okotde akaŋ edi; ndien ŋko akaŋ eyedu ke edem emi ke isua itiaba.

ŊWED JOB 34:29

Ke ini enye ɔnɔde owo ifure, anie ekeme ndinam ikpe otip owo? Ndien adaŋemi enye ofukde iso, anie ekeme ndise enye? Anam ubɔk kiet ye ofuri idut ye owo kiet:

JEREMIAH 14:2

Judah ke atua, mme inua-otop esie enyuŋ ekpa idem; mmɔ etie ikpo ke isɔŋ; eseme Jerusalem omonyuŋ ɔdɔk.

ŊWED ESEME 1:21

Mmɔ ekop ete ke ami nseme; nnyuŋ nnyeneke owo eke ɔdɔŋde mi esit: kpukpru mme asua mi ekop ebaŋa idiɔk itie mi; esit adat mmɔ, koro afo anamde mi: afo eyeda usen eke afo okokotde edi, man mmɔ ebiet mi.

AMOS 5:8

enye akanam Pleiades ye Orion, onyuŋ akabare mfut mkpa edi usenubɔk, anam uwemeyo ebire nte okoneyo: okot mmɔŋ inyaŋ edi, onyuŋ aŋwaŋa enye ke iso isɔŋ: Jehovah edi enyiŋ esie.

AMOS 7:4

Ntem ke Ɔbɔŋ Jehovah owut mi: ndien, sese Ɔbɔŋ Jehovah okot, ete eda ikaŋ eŋwana; ndien enye ata akwa inyaŋ, onyuŋ ata obot.

AMOS 9:6

Edi enye ɔkɔŋ mme ubet enyɔŋ esie ke heaven, onyuŋ odori mme ubet isɔŋ esie ke ererimbot; emi okotde mmɔŋ inyaŋ edi, onyuŋ aŋwaŋade enye ke iso isɔŋ: Jehovah edi enyiŋ esie.

HAGGAI 2:17

Ŋkada nda-eyo ye mfut ye edim-itiat mmia mbufo, kpa kpukpru se ubɔk mbufo enamde; edi mbufo isehe mi, ke edi uyo Jehovah.

HAGGAI 2:19

Nte mkpasip odu kaŋa ke ebiet unim udia? Vine ŋko, ye eto fig, ye pomegranate, ye eto olive ika-iŋwumke kaŋa. Toto ke mfin emi nyediɔŋ mbufo.

MALACHI 3:11

Ndien nyeduat andita nnɔ mbufo, ndien enye idibiatke aba mbuŋwum iŋwaŋ mbufo: vine ke iŋwaŋ idinyuŋ iforoke ayara inɔ mbufo, Jehovah mme udim ɔdɔhɔ.

MALACHI 3:9

Emeda isuŋi esuŋi mbufo: ndien mbufo ofuri idut emi ekutuk mi.

DEUTERONOMY 28:22

Jehovah eyeda ndiɔkidem, ye ufiopidem, ye ŋkunya, ye oyo, ye ofut, ye ikaŋ-ekpo, ye mfut, amiŋa fi: ndien mmɔ eyebine fi tutu esobo fi ema.