HABAKKUK 3:4 - Edisana ñwed Abasi Ibom

⁴ Ndien uyama esie ebiet eyo; nduk otibe enye ke ubɔk: ndien do ke odudu esie odibe.

HABAKKUK 3:4 ပူးပေါင်းရင်းမြစ်များ

NEHEMIAH 9:12

Ndien ŋko afo ada mmɔ usuŋ ke adaha obubit enyɔŋ ke uwemeyo; ye ke adaha ikaŋ ke okoneyo, ndiŋwaŋa ɔkpɔ-usuŋ eke mmɔ esaŋade ke esit nnɔ mmɔ.

ŊWED JOB 26:14

Sese, mme mmɔ emi edi utit usuŋ esie: ndien ekop esisit adaŋa didie ebaŋa enye! edi ama edi uyom odudu esie, anie owo otim ɔfiɔk enye?

ŊWED MME PSALM 104:2

Ada uŋwana nte ɔfɔŋidem ofuk idem: onyuŋ anyanare ikpa-enyɔŋ nte ukara:

ŊWED MME PSALM 18:12

Uyama emi odude enye ke iso esin idiɔk enyɔŋ esie adaha, edim itiat ye ebok ikaŋ.

EXODUS 13:21

Jehovah onyuŋ ebem mmɔ iso, ke uwemeyo ke obubit enyɔŋ ebiet adaha, ndida mmɔ usuŋ; ke okoneyo ŋko, ke ikaŋ ebiet adaha, ndiyama nnɔ mmɔ; kpaŋ mmɔ ekpesaŋa ke uwemeyo ye ke okoneyo.

EXODUS 14:20

Ndien enye ediduk ke ufɔt nna nditɔ Egypt ye nna Israel; ndien akabare edi idiɔk enyɔŋ ye ekim ɔnɔ mmɔ, edi aŋwaŋa okoneyo ɔnɔ mmɔ eken: kiet inyuŋ isaŋake ikpere kiet ke ofuri okoneyo oro.

MME ŊKE 18:10

Enyiŋ Jehovah edi ɔkpɔsɔŋ tower: eti owo efehe oduk ke esit, ndien odu ke ifure.

EZEKIEL 1:27

Ndien ŋkut ŋkpɔ eke ebietde enyin edisem okpoho, ŋkpo eke ebietde ikaŋ odu enye ke esit akan okuk; ɔtɔŋɔde ke mbiet isin esie ɔdɔk, onyuŋ ɔtɔŋɔde ke mbiet isin esie ɔsuhɔre, ŋkut ŋkpɔ eke ebietde ikaŋ, uyama onyuŋ odu enye ke esit akan okuk.

EZEKIEL 43:2

Ndien, sese, ubɔŋ Abasi Israel oto ke edem usiaha-utin edi: uyo esie onyuŋ ebiet uyo ediwak mmɔŋ: ubɔŋ esie onyuŋ ayama ke isɔŋ.

MATTHEW 17:2

ndien mbiet Esie ɔkpuhɔre ke iso mmɔ; iso Esie asiaha nte utin, edisine-ŋkpɔ Esie onyuŋ akabare afia nte uŋwana.

1ŊWED TIMOTHY 6:16

emi Enye ikpɔŋ mikpaha mkpa, emi oduŋde ke uŋwana eke owo mikemeke ndisaŋa ŋkpere; emi akanam owo mikwe, midinyuŋ ikemeke ndikut: ubɔŋ enyene Enye ye nsinsi odudu. Amen.

ERIYARARE 21:23

Obio inyuŋ iyomke utin ye ɔfiɔŋ ndiyama nnɔ enye; koro ubɔŋ Abasi anamde enye aŋwaŋa, Eyen-erɔŋ onyuŋ edide utuenikaŋ esie.

ERIYARARE 22:5

enyiŋ Esie eyenyuŋ odu mmɔ ke ɔkpɔ-iso. Okoneyo idinyuŋ iduhe aba; mmɔ inyuŋ iyomke uŋwana utuen-ikaŋ mme uŋwana utin; koro Ɔbɔŋ Abasi mmɔ eyenɔ mmɔ uŋwana, ndien mmɔ eyeda ubɔŋ ke nsinsi-nsinsi.