HABAKKUK 2:4 - Edisana ñwed Abasi Ibom

⁴ Sese, owo ntaŋidem! ukpɔŋ esie inenke enye ke idem: ndien edinen owo eyedu uwem ke mbuɔtidem esie.

HABAKKUK 2:4 ပူးပေါင်းရင်းမြစ်များ

ŊWED MME PSALM 49:18

Koro enye eyediɔŋ ukpɔŋ esie ke uwem esie: ndien owo eyetoro fi, koro afo ɔfɔnde ido ye idem fo.

ISAIAH 13:11

Ndien nyeda ufen ntiene ererimbot mbaŋa idiɔk ido mmɔ, ntiene mme idiɔk owo mbaŋa mme ukwaŋ-ŋkpɔ mmɔ; ndien nyenam iseri mme ɔsɔŋ-enyin etre, nnyuŋ nsuhɔre mme ntaŋidem mbon afai.

EZEKIEL 18:9

eke asaŋade ke mme ewuhɔ mi, onyuŋ onimde mme item mi, onyuŋ anamde akpanikɔ; enye edi edinen, iditreke ndidu uwem. Uyo Ɔbɔŋ Jehovah edi emi.

DANIEL 11:12

Ndien otu owo oro eyemenere idem mmɔ ke enyɔŋ, enye eyenyuŋ emenere esit esiemɔ onyuŋ ɔduɔk tɔsin duop, tɔsin duop, edi idisɔŋɔke.

DANIEL 4:30

Edikem ɔbɔrɔ onyuŋ ɔdɔhɔ, ete, Nte idige emi edi akamba Babylon emi ndade akwa odudu mi mbɔp nnim ke ufɔk ubɔŋ mi, ye ke eke uyai ubɔŋ mi?

DANIEL 4:37

Ke emi ami Nebuchadnezzar ŋkɔm nnyuŋ ntoro nnyuŋ ŋkpono Edidem enyɔŋ, emi kpukpru se enye anamde edide akpanikɔ; mme usuŋ esie enyuŋ edi ikpe: ndien enye emekeme ndisuhɔre mmɔ eke esaŋade ke iseri.

LUKE 18:14

Ndɔhɔ mbufo nte, owo emi ɔsuhɔre ɔnyɔŋ ufɔk enyene utebe-ikpe akan enye eken: koro kpukpru owo eke emenerede idem esie, ke eyesuhɔre enye enim; edi owo eke ɔsuhɔrede idem esie, ke eyemenere enye.

JOHN 3:36

Owo eke ɔbuɔtde idem ye Eyen enyene nsinsi uwem; edi owo eke mibuɔtke idem ye Eyen idikwe uwem, edi iyaresit Abasi osuk ɔkɔbɔ enye.

ŊWED MBON ROME 1:17

Koro do ke edinen ido eke Abasi ayarare, eke ɔtɔŋɔde ke mbuɔtidem: nte ewetde ete, Edinen owo edida mbuɔtidem odu uwem.

ŊWED MBON GALATIA 2:16

ifiɔkde ite inɔŋɔ owo utebe-ikpe ke ntak erinam utom ibet, edi ke ntak mbuɔtidem eke enye enyenede ke Christ Jesus ikpɔŋ-ikpɔŋ, kpa nnyin ŋko ikɔbuɔt idem ye Christ Jesus, man ikpe ekpetebe nnyin ke ntak mbuɔtidem nnyin ye Christ, idige ke ntak erinam utom ibet; koro baba owo kiet midikwe utebe-ikpe ke ntak erinam utom ibet.

2 ŊWED THESSALONICA 2:4

eyen nsobo, kpa enye emi ɔbiɔŋɔde Abasi, onyuŋ emenerede idem onim kenyɔŋ ɔbiɔŋɔ kpukpru se ekotde Abasi enyuŋ etuakde ibuot enɔ; tutu enye etie ke temple Abasi osio idem owut, ete idi Abasi.

MME HEBREW 10:38

Edi edinen owo Mi edidu uwem ke mbuɔtidem: Ndien edieke enye edikhede afiak edem, ukpɔŋ Mi idikopke inemesit ke enye.

1 PETER 5:5

Kpasuk ntre, mbufo mkparawa, esuk idem enɔ mbiowo. Kpukpru mbufo enyuŋ ebɔbɔ nsukidem ke idem nte mbɔbɔ, enam ŋkpɔ enɔ kiet eken: koro Abasi aŋwaŋwana ye mbon iseri, edi ɔfɔn ido ye mbon nsukidem.