HABAKKUK 1:3 - Edisana ñwed Abasi Ibom

³ Nsinam afo owutde mi idiɔk ido, onyuŋ esede ukut? Nsobo ye afai enyuŋ edu mi ke iso; utɔk onyuŋ odu, eŋwan onyuŋ emen idem.

HABAKKUK 1:3 ပူးပေါင်းရင်းမြစ်များ

ECCLESIASTES 4:1

NDIEN ami ŋwɔŋɔre nnyuŋ nse kpukpru ufik emi enamde ke idak utin: ndien se mmɔŋ-eyet mmɔ emi owo efikde: ndien baba owo kiet eke ɔdɔŋde mmɔ esit iduhe; mme andifik mmɔ enyuŋ ekan mmɔ ubɔk; ndien baba owo kiet eke ɔdɔŋde mmɔ esit iduhe.

ECCLESIASTES 5:8

Afo ama okut nte efikde mme ubuene, enyuŋ eyutde ikpe ye se inende ke mme province, kuyik oruk ŋkpɔ ntem: koro kiet emi okoŋde akan edikoŋ ekpeme; ndien Ata Andikoŋ akan mmɔ.

ISAIAH 46:12

Mbufo mme ɔsɔŋ-esit, emi ekpɔŋde edisana ido anyan usuŋ, ekop uyo mi:

ISAIAH 5:7

koro ufɔk Israel edide iŋwaŋ-vine Jehovah mme udim, mbio Judah enyuŋ edi mkpuk ŋkpɔ emi enemde enye: ndien enye onim enyin ke ikpe, edi, sese, afai; onim enyin ke se inende, edi, sese, eseme.

JEREMIAH 15:10

Ɔdiɔk ye ami, O eka mi, koro afo akamande mi owo utɔk, ye owo eŋwan ɔnɔ ofuri isɔŋ! Ami nnɔŋɔ owo ŋkpɔ ke ebuɔt, owo inyuŋ inɔŋɔ mi ke ebuɔt; kpukpru owo etɔk mi.

JEREMIAH 20:18

Nsinam emi ŋkotode ke itie-eyen ndikut ukut ye ubaha, man mme usen mi ekpetak ke but?

JEREMIAH 20:8

Koro toto ke ini oro ŋkɔdɔhɔde, mfiori, nseme afai ye mbume; koro uyo Jehovah akabarede edi se edade esuene mi, enyuŋ esin mi ke ndek kpukpru usen.

EZEKIEL 2:6

Afo, ŋko, eyen owo, kufehe mmɔ, kunyuŋ udikhe ubaŋa ikɔ mmɔ koro akpap ye ŋkukim ŋkpɔ edude ye afo, afo onyuŋ oduŋ ke otu scorpion: kufehe ubaŋa ikɔ mmɔ, kunyuŋ udikhe ubaŋa iso mmɔ, koro mmɔ edide ufɔk nsɔŋ-ibuot.

MATTHEW 10:16

Sese, mmosio mbufo ndɔŋ nte mme erɔŋ ke ufɔt mme ekpe ikɔt; mmɔdo mbufo enyene ibuot nte urukikɔt, enyuŋ efure nte ibiom.

2 PETER 2:8

(koro ke adaŋemi edinen owo oro oduŋde ke otu mmɔ, se enye okutde onyuŋ okopde anam eti esit esie okut ndutuhɔ ke usen ke usen ye otime-otime erinam mmɔ):