GENESIS 9:6 - Edisana ñwed Abasi Ibom

⁶ Ama edi owo eke ɔduɔkde iyip owo, owo eyeduɔk iyip esie: koro ke mbiet Abasi ke enye akanam owo.

GENESIS 9:6 ပူးပေါင်းရင်းမြစ်များ

GENESIS 4:14

Sese afo ke ebin mi ke idut emi efep mfin emi; nyenyuŋ ndibe fi ke iso; nnyuŋ ndi nyoŋ ye andiyo ke isɔŋ; ndien ama ekem, kpukpru owo eke ekutde mi eyewot mi.

GENESIS 42:22

Ndien Reuben ɔbɔrɔ mmɔ, ete, Nte ŋkɔdɔhɔke mbufo, nte, Ekunam idiɔk ye eyen oro, ndien mbufo ikopke? mmɔdo, sese, ke eyeyom iyip esie.

GENESIS 5:1

EMI edi ŋwed emana owo. Ke usen oro Abasi obotde owo, Enye anam owo ke mbiet Abasi;

2 SAMUEL 4:11

ŋwaŋawa edi nso ke adaŋemi mme idiɔk owo ewotde edinen owo ke ufɔk esie, ye ke bed esie, ke nnyene ndiyom iyip esie ke ubɔk mbufo, nyuŋ nsɔhi mbufo ke isɔŋ mfep?

1 NDIDEM 2:9

Kuyak enye ɔbɔhɔ isop ndien: koro afo edide owo eti ibuot, onyuŋ ɔfiɔkde se akpanamde ye enye; nam ndien iwat esie ɔsuhɔre ke udi ke iyip.

2 NDIDEM 11:1

EKEM ke ini Athaliah, eka Ahaziah, okutde ete ke eyen imɔ amakpa, enye adaha ke enyɔŋ osobo ofuri ubon edidem.

2 NDIDEM 11:16

Ndien mmɔ enɔ enye ufaŋ; ndien enye aka ke usuŋ oro mme horse ekade ke ufɔk edidem: ndien mmɔ ewot enye do.

2 NDIDEM 11:20

Ntre ke enye ɔsuhɔre etie ke ebekpo ndidem. Kpukpru mbio-obio enyuŋ edat esit, obio onyuŋ ana suŋ. Ntre ke mmɔ ewot Athaliah ke ofut, ke edem ufɔk edidem.

2 CHRONICLES 33:24

Ekem ikɔt esie eduk odu ebaŋa enye, ndien ewot enye ke ufɔk esiemɔ.

ŊWED MME PSALM 51:4

Mmedue fi, kpa fi ikpɔŋ, mmonyuŋ nnam idiɔk ke iso fo: man afo enen ke ikɔ fo, onyuŋ edi edisana ke ini afo ekpede ikpe.

EXODUS 20:13

Kuwot owo.

MME ŊKE 28:17

Yak owo eke iyip obiomde efehe aka obube; owo okukpan enye.

ECCLESIASTES 3:3

ini eke ewotde, ye ini eke ekɔkde (unan); ini eke ewuride, ye ini eke ediɔŋde;

LEVITICUS 17:4

ndien midaha enye idi ke enyin-usuŋ efe esop, man ada enɔ ɔnɔ Jehovah, ke iso ebiet-iduŋ Jehovah; iyip eyesɔp owo oro: enye ɔmɔduɔk iyip; yak enye esibe owo oro efep ke otu mbio-obio mmɔ:

LEVITICUS 24:17

Ndien ŋko owo eke owotde owo ekededi, enyene ndikpa.

NUMBERS 35:16

Ndien edieke enye emende ŋkpɔ-ukwak ɔtɔ owo owot, enye edi owot-owo: owot-owo ntem okutre ndikpakpa.

NUMBERS 35:25

ndien yak mbon esop enyaŋa owot-owo oro osio ke ubɔk osio-usiene iyip, mbon esop enyuŋ eyak enye afiak ke obio-ubɔhɔ esie, emi enye efehede aka do: ndien enye oduŋ do tutu akamba oku eke ekeyerede edisana aran, akpa.

NUMBERS 35:33

Ndien ŋko mbufo ekubiat isɔŋ emi mbufo edude ke esit: koro iyip abiatde isɔŋ: ndien mmɔ idikemeke ndisio isop nnɔ isɔŋ mbaŋa iyip eke eduɔkde ke esit, ke mibɔhɔke ke iyip owo eke ɔduɔkde enye.

MATTHEW 26:52

Jesus ɔdɔhɔ enye ete, Sin ofut fo ke efɔk: koro kpukpru owo eke emende ofut eyekpaŋa ke ofut.

ŊWED MBON ROME 13:4

koro enye edide anam-utom Abasi, man ŋkpɔ ɔfɔn ye afo. Edi edieke afo anamde se idiɔkde, fehe ndik; koro enye ikamake ofut ke ikpikpu: koro enye edi anam-utom Abasi, andisio usiene ndiyarare iyaresit ye enye emi anamde idiɔk.

1 ŊWED CORINTH 11:7

Erenowo ikpɔfuhɔke ŋkpɔ ke ibuot, sia enye edide mbiet ye ubɔŋ Abasi; edi ŋwan edi ubɔŋ erenowo.

DEUTERONOMY 19:11

Edi edieke owo edide usua mbɔhiduŋ esie, onyuŋ odibe ebet enye, ndien adaha ke enyɔŋ ɔtɔ enye ke itie mkpa owot, ndien efehe aka ke obio emi kiet:

DEUTERONOMY 5:17

Kuwot owo.

JAMES 3:9

Nnyin ida edeme itoro Ɔbɔŋ ye Ete nnyin; inyuŋ ida enye isuŋi owo, emi ebotde ke mbiet Abasi:

ERIYARARE 13:10

Edieke ekenimde enɔ owo ndidi ibuot-ekɔŋ, enye eyedi ibuot-ekɔŋ; edieke owo owotde owo ke ofut, eyeda ofut ewot enye. Edi mi ke ime ye mbuɔtidem ikɔt Abasi ewut idem.

JUDGES 9:56

Ntem ke Abasi osio usiene idiɔk ido Abimelech, emi enye akanamde ye ete esie, ke eriwot nditɔ-ete esie owo ata ye duop.

1 SAMUEL 15:33

Ndien Samuel ɔdɔhɔ ete, Kpa nte ofut fo ama ɔkɔbɔ iban nditɔ, kpa ntre ŋko ke uka edinana eyen akan iban. Ndien Samuel okpok Agag mbio-mbio ke iso Jehovah ke Gilgal.