GENESIS 9:3 - Edisana ñwed Abasi Ibom

³ Kpukpru se inyɔnide eke odude uwem eyedi udia mbufo; mmada kpukpru nnɔ mbufo, kpa nte ŋkadade awawa ikɔŋ nnɔ.

GENESIS 9:3 ပူးပေါင်းရင်းမြစ်များ

GENESIS 9:2

Ndien kpukpru unam obot ye kpukpru inuen enyɔŋ, ye kpukpru se inyɔnide ke isɔŋ, ye kpukpru iyak ke mmɔŋ eyebak mbufo, eyenyuŋ eteŋe mbufo: mmɔ esine mbufo ke ubɔk.

LEVITICUS 22:8

Enye okuta se ikpade ikpɔŋ, ye se unam awaide, mbak edisabare idem esie ke esit: ami ndi Jehovah.

ŊWED MBON ROME 14:14

Mmɔdiɔŋɔ nnyuŋ mbure mfiɔk ke Ɔbɔŋ Jesus, nte, baba ŋkpɔ kiet ke idem esie idige ibet; edit edieke owo esede ŋkpɔ ke ibet edi ibet ɔnɔ enye.

ŊWED MBON ROME 14:17

Koro Ubɔŋ Abasi idige edidia ŋkpɔ ye ediŋwɔŋ ŋkpɔ, edi edi edinen ido ye emem ye idaresit emi odude ke Edisana Spirit.

ŊWED MBON ROME 14:20

Ke akpanikɔ kpukpru ŋkpɔ edi edisana, edi ifɔnke owo ndiwɔrɔ ndi ŋkpɔ-iduɔ ke ntak udia eke enye adiade.

ŊWED MBON ROME 14:3

Yak andidia okuse anditre ndidia ke mbio, anditre ndidia okunyuŋ ekpe ikpe ye andidia; koro Abasi ama adara enye.

1 ŊWED CORINTH 10:23

Kpukpru ŋkpɔ enenen ndinam, edi idige kpukpru ŋkpɔ efɔn. Kpukpru ŋkpɔ enenen ndinam, edi idige kpukpru ŋkpɔ enam owo ekɔri ke nti ido.

1 ŊWED CORINTH 10:31

Mmɔdo mme mbufo ediade, mme eŋwɔŋde, mme enamde ŋkpɔ ekededi, enam kpukpru enɔ Abasi ubɔŋ.

DEUTERONOMY 12:15

Edi nte ofuri ima esit fo edide, afo eyekeme ndiwot nnyuŋ nta unam, nte ekemde ke ufɔn eke Jehovah Abasi fo ɔfɔnde fi, ke kpukpru obio fo: owo eke edehede ye owo eke asanade ekeme ndita enye, kpa nte edop ye okoyo.

ŊWED MBON COLOSSAE 2:16

Mmɔdo ekuyak baba owo kiet ekpe ikpe ɔnɔ mbufo ke se mbufo ediade, ye ke se mbufo eŋwɔŋde, ye ke ido eke mbufo enimde usɔrɔ ye obufa ɔfiɔŋ ye sabbath.