GENESIS 8:21 - Edisana ñwed Abasi Ibom

²¹ Ndien Jehovah okop edinem utebe oro, Jehovah onyun ɔdɔhɔ ke esit esiemɔ, ete, Ami nditɔŋɔke aba ntak nsuŋi isɔŋ mbaŋa owo; koro ekikere esit owo ɔdiɔkde toto ke uyen esie: ndinyuŋ ntɔŋɔke aba ntak nsobo kpukpru se idude uwem, nte ŋkanamde.

GENESIS 8:21 ပူးပေါင်းရင်းမြစ်များ

GENESIS 3:17

Ndien enye ɔdɔhɔ eren owo ete, Koro afo okopde uyo aŋwan fo, onyuŋ adiade mfri eto emi ŋkowukde fi, nte, Kudia ke esit: osuk ɔdiɔk ɔnɔ isɔŋ abaŋa fi; ke ukut ke afo edidia ke esit ke ofuri ini uwem fo:

GENESIS 4:12

Ke ini afo ofuŋde isɔŋ, enye idinɔŋɔ aba fi odudu esie; afo eyedi nyoŋ ye andiyo ke isɔŋ.

GENESIS 5:29

obon eyen eren: onyuŋ osio enye enyiŋ Noah, ete, Emi eyedɔŋ nnyin esit ke utom nnyin ye ukut ubɔk nnyin ke isɔŋ emi Jehovah anamde ete ɔdiɔk.

GENESIS 6:13

Ndien Abasi ɔdɔhɔ Noah, ete, Utit kpukpru obuk owo emedi ke iso mi, koro oto mmɔ afai ɔyɔhɔ ke isɔŋ; ndien, sese, ami mmɔŋ nsobo mmɔ ye isɔŋ.

GENESIS 6:17

Ndien, sese, ami mmɔn nnam ukwɔ mmɔn edi ke isɔŋ, edisobo kpukpru obuk owo emi ibifik uwem odude mmɔ ke esit, ke idak enyɔŋ efep; kpukpru se idude ke isɔŋ eyekpa.

GENESIS 6:5

Ekem Jehovah okut idiɔk-ŋkpɔ owo nte okponde ke isɔŋ, kpukpru ŋkpɔ ke ekikere esit esie enyuŋ esuk edi idiɔk kpukpru ini.

GENESIS 6:7

Ndien Jehovah ɔdɔhɔ ete, Nyesɔhi owo emi mbotde ke iso isɔŋ mfep; ntɔŋɔ ye owo nsim ufene, ye ɔnyɔni, ye inuen enyɔŋ: koro mmatua ŋkpɔfiɔk koro ŋkanamde mmɔ.

ŊWED JOB 14:4

Edisana ŋkpɔ akpakam oto ke ŋkpɔ ndek; baba kiet itoho.

ŊWED MME PSALM 51:5

Sese, ŋkamana ke ukwaŋ; eka mi okonyuŋ oyomo mi ke idiɔk.

ŊWED MME PSALM 58:3

Mme idiɔk owo ewaha etɔŋɔde ke idibi: mmɔ edue enyuŋ esu nsu, toto ke ini mmɔ ekememana.

ŊWED MME PSALM 58:4

Mmɔ eyenyene ifɔt eke ebietde ifɔt uruk-ikɔt: kpa nte inan asabɔ esiride utɔŋ esie;

EXODUS 29:18

Ndien fɔp ofuri okukim oro ke itie-uwa: enye edi edifɔp uwa Jehovah: enye edi edinem utebe, uwa ikaŋ Jehovah.

EXODUS 29:25

Ndien bɔ mmɔ ŋkpɔ oro ke ubɔk, kɔfɔp ke itie-uwa kɔrɔ ke edifɔp uwa, ke edinem utebe ke iso Jehovah, enye edi uwa ikaŋ Jehovah.

MME ŊKE 20:9

Anie edidɔhɔ ete, “Mmeyet esit mi asana, mmeyet idiɔk-ŋkpɔ mi ke idem mi mfep?”

ECCLESIASTES 7:20

Koro baba eti owo kiet eke anamde eti ndien midiɔkke, iduhe ke ererimbot.

ISAIAH 47:12

Kɔbɔ ndien ke uŋwaŋ fo, ye ke uwak idiɔŋ fo, emi afo anamde ɔkpɔsɔŋ utom ke esit toto ke uyen fo; mme afo eyekeme ndikut udori, mme afo eyekan.

ISAIAH 47:15

Ntem ke mmɔ emi afo akanamde utom abaŋa, etie ye afo, mmɔ eke edide mbon-urua fo toto ke uyen fo: kiet kiet eyediyo eka edem mmɔ: baba owo kiet idinyaŋake fi.

ISAIAH 48:8

Afo ukokopke ŋko; unyuŋ ufiɔkke ŋko; utɔŋ fo ikonyuŋ itarake tutu ko: koro ŋkɔfiɔkde nte ke afo eyebiaŋa eti-eti; afo onyuŋ ekere anam-idiɔk toto nte akamamana.

ISAIAH 53:6

Kpukpru nnyin idiyo nte erɔŋ: kpukpru nnyin ikabare iduk ke usuŋ nnyin; ndien Jehovah ada idiɔk ido nnyin kpukpru odori enye ke idem.

ISAIAH 65:6

Jehovah ɔdɔhɔ ete, Sese, emewet enye ke iso mi: ndidopke uyo, ibɔhɔke ini nsosio usiene, nsosio mme idiɔk ido mbufo, ye eke mme idiɔk ido mme ete mbufo, ini kiet, nsin mmɔ ke ikpanesit;

JEREMIAH 17:9

Esit abiaŋa kpukpru ŋkpɔ, onyuŋ abiara fap; anie edikeme ndifiɔk enye?

JEREMIAH 18:12

Ndien mmɔ edɔhɔ ete, Kukpa ndidɔhɔ: koro nnyin imɔŋ ibine uduak nnyin: kpukpru nnyin iyenyuŋ inam itun esit nnyin.

JEREMIAH 8:6

Ŋkakpaŋ utɔŋ ŋkop, mmɔ idɔhɔke se inende: baba owo kiet ituaha mkpɔfiɔk ke idiɔk ido esie, ete, Ŋkanam nso? Kpukpru mmɔ ekabare eduk ke mbuba mmɔ, kpa nte horse obumerede oduk ke ekɔŋ.

EZEKIEL 20:41

Mbufo eyeda ufuɔŋkpɔ enem mi esit, ke ini nsiode mbufo ke otu mme idut oro mfep, nnyuŋ ntaŋ mbufo ke mme obio emi ŋkasuande mbufo ke otu mmɔ, mbon; ndien eyenim mi ke edisana ke otu mbufo ke enyin mme idut.

LEVITICUS 1:13

Ndien yak owo ada mmɔŋ eyet ŋkpɔ esit idibi esie, ye nnuk esie, ndien oku emen kpukpru ɔfɔp ke itie-uwa, enye edi edifɔp uwa, uwa ikaŋ, edinem utebe Jehovah.

LEVITICUS 1:17

ndien asiak enye ke mba esie, edi okudianare efep: ndien yak oku ɔfɔp enye ke itie-uwa, ke ifia emi odorode ke ikaŋ: enye edi edifɔp uwa, uwa ikaŋ, edinem utebe Jehovah.

LEVITICUS 1:9

Ndien yak owo ada mmɔŋ eyet ŋkpɔ esit idibi esie, ye nnuk esie: ndien oku ɔfɔp kpukpru ke itie-uwa, ke edifɔp uwa, uwa ikaŋ, ɔnɔ Jehovah ke edinem utebe.

LEVITICUS 26:31

Nyenyuŋ ŋwuri mme obio mbufo, nnyuŋ nnam mme edisana ebiet mbufo ekabare ndon, ndinyuŋ ŋŋwuneke edinem utebe mbufo.

LEVITICUS 4:31

Ndien yak enye osio ofuri ikpɔŋ esie efep, kpa nte esiode ikpɔŋ uwa emem; ndien oku ada enye ɔfɔp ke itie-uwa ɔnɔ Jehovah ke edinem utebe; ntre ke oku edisio isop esie, ndien eyefen enye.

LEVITICUS 8:28

Ndien Moses ɔbɔ mmɔ ke ubɔk mmɔ, aka ɔkɔfɔp ke itie uwa ke enyɔŋ edifɔp uwa: mmɔ edi ŋkpɔ eriyɔhɔ ubɔk, ke edinem utebe: enye edi uwa ikaŋ Jehovah.

NUMBERS 15:3

Mbufo enyuŋ eyomde ndiwa uwa ikaŋ nnɔ Jehovah, mme edifɔp uwa, mme uwa eke ewade ke erinam akaŋa, mme uwa ima, mme ke usɔrɔ mbufo, man enam edinem utebe enɔ Jehovah, edide ke enaŋ, onyuŋ edide ke ŋkpri ufene:

MATTHEW 15:19

Koro mme idiɔk ekikere eto ke esit ewɔŋɔ, ye obom, ye efibe, ye use, ye inɔ, ye ikɔntiense nsu, ye isuŋi.

JOHN 3:6

Se itode ke obukidem imana edi obukidem: se inyuŋ itode ke Spirit imana edi spirit.

ŊWED MBON ROME 1:21

koro okposuk edi nte mmɔ efiɔkde Abasi, mmɔ inɔŋɔ Enye ubɔŋ nte Abasi, inyuŋ inɔŋɔ Enye ekɔm; edi ekabare ekere ikpikpu ekikere, ndisime esit mmɔ onyuŋ akabare okim.

ŊWED MBON ROME 3:23

koro kpukpru owo ema enam idiɔk-ŋkpɔ, enyuŋ etaba ubɔŋ Abasi.

2 ŊWED CORINTH 2:15

Nnyin itie nte edinem ufik, emi Christ osioŋode ɔnɔ Abasi, ye mmɔ emi enyanyaŋa ye mmɔ emi etatak;

ŊWED MBON EPHESUS 5:2

enyuŋ esaŋa ke ima kpa nte Christ ŋko akamade mbufo, okonyuŋ ayakde Idem Esie ɔnɔ kibuot nnyin, nte enɔ ye uwa emi edade esɔk Abasi, emi osiode ufik eke enemde.

ŊWED MBON PHILIPPI 4:18

Edi mmenyene kpukpru ŋkpɔ uwak-uwak; mmɔyuhɔ, sia mma ŋkɔbɔ enɔ mbufo ke ubɔk Epaphroditus; ata edinem ufuɔŋ ke edi, uwa eke Abasi adarade, onyuŋ enemde Enye esit eti-eti ndibɔ.

1 JOHN 5:19

Nnyin imɔfiɔk ite, nnyin idi eke Abasi, ofuri ererimbot onyuŋ esine ke ubɔk andidiɔk.

1 SAMUEL 26:19

Mbɔk, ndien, yak ɔbɔŋ mi edidem okop uyo owo esie. Ndi Jehovah ekedemere fi ete ebine mi, yak enye ɔbɔ uwa; edi ama edi nditɔ owo, osuk ɔdɔdiɔk ɔnɔ mmɔ ke iso Jehovah; koro mmɔ emebin mi efep mfin emi, esin mi ŋkusop idem ye udeme Jehovah, ete, Ka kanam ŋkpɔ nɔ Abasi efen.