GENESIS 7:21 - Edisana ñwed Abasi Ibom

²¹ Ndien kpukpru obukidem emi asaŋade ke isɔŋ akpa, ke inuen, ye ke ufene, ye ke unam, ye ke kpukpru mme andinyɔni eke enyɔnide ke isɔŋ, ye kpukpru owo:

GENESIS 7:21 ပူးပေါင်းရင်းမြစ်များ

GENESIS 1:25

Ndien Abasi anam unam obot ke oruk mmɔ, ye ufene ke oruk mmɔ, ye kpukpru andinyɔni ke isɔŋ ke oruk mmɔ; ndien Abasi okut ete efɔn.

GENESIS 6:13

Ndien Abasi ɔdɔhɔ Noah, ete, Utit kpukpru obuk owo emedi ke iso mi, koro oto mmɔ afai ɔyɔhɔ ke isɔŋ; ndien, sese, ami mmɔŋ nsobo mmɔ ye isɔŋ.

GENESIS 6:17

Ndien, sese, ami mmɔn nnam ukwɔ mmɔn edi ke isɔŋ, edisobo kpukpru obuk owo emi ibifik uwem odude mmɔ ke esit, ke idak enyɔŋ efep; kpukpru se idude ke isɔŋ eyekpa.

GENESIS 7:4

Koro osuk kaŋa usen itiaba ami nyenam edim edep ke isɔŋ ke uwemeyo aba ye okoneyo aba; nyenyuŋ nsɔhi kpukpru se idude uwem emi ŋkanamde, ke iso isɔŋ mfep.

ŊWED JOB 34:15

Ofuri obukidem eyekpa ini kiet: owo onyuŋ afiak ke ntan.

ISAIAH 24:19

Ererimbot obomo fap, ererimbot asiaha mbai-mbai, ererimbot enyek ɔkpɔsɔŋ.

ISAIAH 24:6

Oro esin isuŋi adiade isɔŋ, enyuŋ enɔ mme andiduŋ ke esit ufen: oro esin mme andiduŋ isɔŋ efɔbɔde, mbio emi esuhɔde enyuŋ edi esisit.

HOSEA 4:3

Mmɔdo isɔŋ eyetua eyet, kpukpru mmɔ eke eduŋde ke esit eyenyuŋ eyemere, ye mme unam ikɔt, ye mme inuen enyɔŋ; ndien eyenyuŋ emen iyak ke inyaŋ efep.

JOEL 2:3

Ikaŋ ebem mmɔ iso ata; edemikaŋ onyuŋ etiene mmɔ edem ɔfɔp: isɔŋ ebiet iŋwaŋ Eden ke iso mmɔ, ndien ikpikpu wilderness odu mmɔ ke edem;

ZEPHANIAH 1:3

Nyetaŋ owo ye ufene, nyetaŋ inuen enyɔŋ, ye iyak akwa mmɔŋ, ye ŋkpɔ eke esinde mmɔ edue, ŋkɔrɔ ye mme idiɔk owo: Jehovah onyuŋ ɔdɔhɔ; ete, Nyesibe owo ke iso idut emi mfep.

MATTHEW 24:39

minyuŋ ifiɔkke tutu ukwɔ edi edimen mmɔ kpukpru efep; kpasuk ntre ke eridi Eyen Owo eyedi.

LUKE 17:27

Mmɔ ekadia ŋkpɔ enyuŋ eŋwɔŋ ŋkpɔ; mmɔ edɔ ndɔ enyuŋ eda owo enɔ ke ndɔ, tutu osim usen emi Noah odukde ke ubom, ndien ukwɔ edi edisobo mmɔ kpukpru.

ŊWED MBON ROME 8:20

Koro ekenam ofuri ekondo osuk idem ɔnɔ ikpikpu ŋkpɔ, itoho ke erinyime esit, edi oto ke Enye emi akanamde enye osuk ntre, ye idori-enyin,

ŊWED MBON ROME 8:22

Koro nnyin imɔfiɔk ite ofuri ekondo ke omum mmum, onyuŋ odu ke ubiak uman tutu osim emi.

2 PETER 2:5

edieke Enye mikonyuŋ iyakke akani ererimbot ɔbɔhɔ, edi ekpemede Noah, ɔkwɔrɔ edinen ido, ye owo eŋwen itiaba, ke ini Enye anamde ukwɔ ɔtɔ ofuk ekondo eke mibakke Abasi;