GENESIS 7:11 - Edisana ñwed Abasi Ibom

¹¹ Ke ɔyɔhɔ isua uwem Noah ikie itiokiet, ke udiana akpa ɔfiɔŋ, ke ɔyɔhɔ usen ɔfiɔŋ efureba, ke usen oro kpukpru idim inyaŋ ibom asiaha, enyuŋ eberede window ikpa-enyɔŋ.

GENESIS 7:11 ပူးပေါင်းရင်းမြစ်များ

GENESIS 1:7

Ndien Abasi anam ikpa-enyɔŋ, onyuŋ adianare mmɔŋ emi odude ke idak ikpa-enyɔŋ ye mmɔŋ emi odorode ke ikpa-enyɔŋ: ndien edi ntre. Ndien Abasi okot ikpa enyɔŋ. Ete, Heaven.

GENESIS 6:17

Ndien, sese, ami mmɔn nnam ukwɔ mmɔn edi ke isɔŋ, edisobo kpukpru obuk owo emi ibifik uwem odude mmɔ ke esit, ke idak enyɔŋ efep; kpukpru se idude ke isɔŋ eyekpa.

GENESIS 7:6

Jehovah eketemede enye. Ndien Noah osim isua ikie itiokiet ke ini mmɔŋ ukwɔ odude ke isɔŋ.

GENESIS 8:14

Ndien ke udiana akpa ɔfiɔŋ, ke ɔyɔhɔ usen ɔfiɔŋ edip ye itiaba, isɔŋ ama asat ama.

GENESIS 8:2

Abasi oyuŋ anam ofim ebe ke isɔŋ, ndien mmɔn ɔsuhɔre; ndien esiri idim inyaŋ, ye window ikpa enyɔŋ, ŋkpɔsɔŋ edim oro otode ke enyɔŋ onyuŋ ebiere;

2 NDIDEM 7:19

ndien adidaha owo oro ɔbɔrɔ owo Abasi, ete, Sese, Jehovah ɔmɔŋ anam window ke ikpa-enyɔŋ! Nte oruk ŋkpɔ eke etiede ntem edisu? Ndien enye ɔdɔhɔ ete, Sese, afo eyekut ke enyin, edi ududiaha ke esit.

2 NDIDEM 7:2

Ndien adidaha owo oro edidem eberede enye ke ubɔk, ɔbɔrɔ owo Abasi, ete, Sese, Jehovah ɔmɔŋ anam window ke ikpa-enyɔŋ! nte ŋkpɔ emi eyesu? Ndien enye ɔdɔhɔ ete, Sese, afo eyekut ke enyin fo, edi ududiaha ke esit.

ŊWED JOB 12:15

Sese, enye akpan mmɔŋ, ndien mmɔŋ asat: ekem enye ɔdɔŋ mmɔ ewɔrɔ, ndien efuk isɔŋ.

ŊWED JOB 28:4

Enye otibi ukpe ɔkpɔŋ ebiet emi owo oduŋde; ukot efre mmɔ: mmɔ ekɔnɔ ufufum ekpɔŋ ebiet owo anyan usuŋ.

ŊWED JOB 38:16

Nte afo ama oduk ke iso idim akwa mmɔŋ: mme asaŋa ke udem inyaŋ ibom?

ŊWED JOB 38:37

Anie ekeme ndibat mbubit enyɔŋ ke ifiɔk?

ŊWED MME PSALM 33:7

Enye okubi mmɔŋ inyaŋ anam otu: ada ndituŋɔ mmɔŋ esin ke ebiet unim-ŋkpɔ.

ŊWED MME PSALM 74:15

Amabahare idim ye akamba mmɔŋ: anam mme nsinsi akpa esat.

MME ŊKE 3:20

Edi ifiɔk esie akasiak mme udem, onyuŋ esin ikpa-enyɔŋ ɔduɔk mbara

ISAIAH 24:18

Ndien ama ekem, owo eke efehede abak uyom ndik eyeduɔ ke ukpe; ndien owo eke otode ke ufɔt ukpe ɔdɔk eyemum ke mfine: koro eberede window ke enyɔŋ, idak isɔŋ onyuŋ enyek.

ISAIAH 24:19

Ererimbot obomo fap, ererimbot asiaha mbai-mbai, ererimbot enyek ɔkpɔsɔŋ.

JEREMIAH 5:22

Nte mbufo idibakke mi? Nte mbufo idinyekke ke iso mi, emi ŋkenimde ntan ke adaŋa inyaŋ ke nsinsi ewuhɔ, ndien inyaŋ idibehe enye; ndien odut esie okpot, edi ikanke; oyomo uyom, edi ikaŋake enye.

JEREMIAH 51:16

Ke ini enye osiorode uyo esie uwak mmɔŋ odu ke enyɔŋ: enye onyuŋ anam uye oto ke utit ererimbot ɔdɔk: anam obuma ye edim, onyuŋ osio ofum ke ebiet unim ŋkpɔ esie.

EZEKIEL 26:19

Koro ntem ke Ɔbɔŋ Jehovah ɔdɔhɔ ete, Ke ini eke nnimde fi ke obio eke abiarade, ebiet obio eke owo miduŋke ke esit; ke ndinamde inyaŋ ɔdɔk osim fi, ikpɔ mmɔŋ edinyuŋ efukde fi;

MALACHI 3:10

Mbufo eda kpukpru ɔyɔhɔ mbak duop edisin ke ufɔk unim-ŋkpɔ, man udia odu ke ufɔk mi, ndien eda emi edomo mi, Jehovah mme udim ɔdɔhɔ, mme ami ndiberekede window heaven nnɔ mbufo, nnyuŋ ŋŋwaŋa nti ŋkpɔ nnɔ mbufo, tutu akaha.

MATTHEW 24:38

Koro nte mmɔ ediade enyuŋ eŋwɔŋde ŋkpɔ, edɔde ndɔ enyuŋ edade owo enɔ ndɔ ke mme usen eke ekebemde ukwɔ iso, tutu osim usen emi Noah odukde ke ubom,

1 ŊWED THESSALONICA 5:3

Ini mme owo edɔhɔde ete, idu ke emem ye ifure, kpa adaŋoro ke nsobo abuat mmɔ, nte emi uman abuatde ŋwan idibi; ndien mmɔ idikwe usuŋ ubɔhɔ.

2 PETER 3:6

ndien edi mmɔŋ ke ekada efuk enyuŋ esobo ererimbot emi okodude adaŋoro.