GENESIS 6:8 - Edisana ñwed Abasi Ibom

⁸ Edi Noah okut mfɔn ke iso Jehovah.

GENESIS 6:8 ပူးပေါင်းရင်းမြစ်များ

GENESIS 19:19

Sese mbɔk, owo fo emenem fi, afo omonyuŋ anam mbɔm fo emi afo atuade mi, okpon ke erinim mi ke uwem; edi ŋkwe nte mbɔhɔde ŋka obot oro, mbak idiɔkŋkpɔ emi edisim mi ndien mkpa.

ŊWED MME PSALM 145:20

Jehovah ekpeme kpukpru mmɔ eke emade enye: onyuŋ osobo kpukpru mme idiɔk owo.

ŊWED MME PSALM 84:11

Koro Jehovah Abasi edide utin ye otu-ekɔŋ: Jehovah ɔmɔnɔ ufɔn ye ubɔŋ: ama edi mmɔ eke eneŋerede esaŋa, enye isinke mmɔ nti ŋkpɔ.

MME ŊKE 12:2

Eti owo eyekut mfɔn eke otode Jehovah: edi enye eyenam ikɔ obiom owo idiɔk uduak.

MME ŊKE 3:4

Ndien afo eyekut ima ye mfɔniso ke iso Abasi ye ke iso owo.

MME ŊKE 8:35

Koro owo eke okutde mi okut uwem, eyenyuŋ ɔbɔ Jehovah mfɔn.

JEREMIAH 31:2

Ntem ke Jehovah ɔdɔhɔ, ete, Mmɔ oro ekebɔhɔde ofut ekut mfɔn ke wilderness; ami ŋkasaŋa nte nnɔ Israel nduɔk-odudu.

EZEKIEL 14:14

Ndien owo mbita oro, Noah ye Daniel ye Job ekpedu enye ke ufɔt, mmɔ ekpenyaŋa ukpɔŋ mmɔ ke edinen ido mmɔ. Emi edi uyo Ɔbɔŋ Jehovah.

MATTHEW 24:37

Koro nte mme usen Noah ekedide, kpasuk ntre ke eridi Eyen Owo eyenyuŋ edi.

LUKE 1:30

Ndien angel ɔdɔhɔ enye ete, Kufehe ndik, Mary: koro afo ama okut mfɔn-iso ke iso Abasi.

LUKE 17:26

Ndien nte ekedide ke eyo Noah, kpa ntre ke edidi ke usen Eyen Owo.

UTOM MME APOSTLE 7:46

emi okutde mfɔn-iso ke iso Abasi, onyuŋ ebeŋede, ete eyak imɔ ikut ebiet iduŋ inɔ Abasi Jacob.

ŊWED MBON ROME 11:6

Edi edieke otode ke mfɔn, itoho aba ke se mmɔ enamde: midige ntre, mfɔn idige aba mfɔn.

ŊWED MBON ROME 4:4

Edi ye owo emi anamde utom, ibatke utip eke enɔde enye nte ŋkpɔ mfɔn, edi ebat nte isɔn.

1 ŊWED CORINTH 15:10

Edi oto mfɔn Abasi ndi se ndedi: ndien mfɔn emi Abasi ɔnɔde mi ikɔwɔrɔke ikpikpu; edi mmanam utom ŋkan mmɔ kpukpru; inyuŋ idige ami nnam, edi mfɔn Abasi eke odude ye ami anam.

ŊWED MBON GALATIA 1:15

Edi ke adaŋemi Abasi, emi akadianarede mi onim toto ke idibi eka mi, onyuŋ okotde mi ke mfɔn Esie,

2 ŊWED TIMOTHY 1:18

Ɔbɔŋ akpakam ayak enye okut mbɔm ke ubɔk Ɔbɔŋ ke usen oro. Afo omonyuŋ otim ɔfiɔk adaŋa nte enye anamde ediwak ŋkpɔ ɔnɔ mi ke Ephesus.

TITUS 2:11

Koro mfɔn Abasi ama ɔbiɔŋɔre edida erinyaŋa ɔsɔk kpukpru owo;

TITUS 3:7

man nnyin ibɔ utebe-ikpe ke mfɔn Esie, inyuŋ ikabare idi menyene udeme, nte idori-enyin nsinsi uwem edide.

MME HEBREW 4:16

Mmɔdo eyak nnyin isaŋa ikpere ebekpo mfɔn ye uko, man nnyin ibɔ mbɔm, inyuŋ ikut mfɔn eke ediŋwamde nnyin ke ini nnan-enyin.

1 PETER 3:20

kpa mmɔ emi eketutde utɔŋ ke eyo oko, ke adaŋemi anyan ime Abasi etiede ebet ke eyo Noah, tutu ema ebɔp ark, eke owo emi miwakke, oro edi owo itiaita, esaŋade ke esit ebe ke mmɔŋ ekut erinyaŋa;

2 PETER 2:5

edieke Enye mikonyuŋ iyakke akani ererimbot ɔbɔhɔ, edi ekpemede Noah, ɔkwɔrɔ edinen ido, ye owo eŋwen itiaba, ke ini Enye anamde ukwɔ ɔtɔ ofuk ekondo eke mibakke Abasi;