GENESIS 6:16 - Edisana ñwed Abasi Ibom

¹⁶ Nam uŋwana nɔ ubom oro, nyuŋ nam enye etre ɔkpɔŋ enyɔŋ ibio-idomo-okuk kiet; nyuŋ da usuŋ sin ubom ke ŋkaŋ; nam deck ke isɔŋ, ye ke ufɔt ye ke enyɔŋ.

GENESIS 6:16 ပူးပေါင်းရင်းမြစ်များ

GENESIS 6:15

Nam enye ntem; uniɔŋ ubom ibio-idomo-okuk ikie ita, ubom esie ibio-idomo-okuk aba ye duop, idaha esie ibio-idomo-okuk edip ye duop.

GENESIS 6:17

Ndien, sese, ami mmɔn nnam ukwɔ mmɔn edi ke isɔŋ, edisobo kpukpru obuk owo emi ibifik uwem odude mmɔ ke esit, ke idak enyɔŋ efep; kpukpru se idude ke isɔŋ eyekpa.

GENESIS 7:16

Ndien mmɔ emi edukde, ayara ye uman ke kpukpru obukidem, eduk kpa nte Abasi eketemede enye: ndien Jehovah esiri usuŋ abaha enye.

GENESIS 8:6

Edikem ke utit usen aba, ndien Noah eberede window

2 SAMUEL 6:16

Ekem nte ekebe Jehovah odukde ke obio David, Michal eyen Saul aŋwan etie ke window ese, ndien enye okut David edidem nte ɔyɔrɔde enek ke iso Jehovah: ndien ese enye ke ndek ke esit esie.

2 NDIDEM 9:30

Ekem Jehu osim ke Jezreel; ndien adaŋemi Jezebel okopde, enye ada stibium ewet enyin esie, onyuŋ ɔdiɔŋ ibuot esie, ndien etie ke window ese.

EZEKIEL 41:16

ye mme asaŋudɔk, ye mme window eke miberekede, ye mme gallery emi ekande ekuk ke mme deck mmɔ mbita ekem ye asaŋudɔk emi enamde ke obukpɔk ekan ekuk, onyuŋ ɔtɔŋɔde ke isɔŋ tutu osim ke mme window, ndien mme window efuhɔ;

EZEKIEL 42:3

Gallery kiet ekem iso ye gallery eken ke mme deck mbita, ekem iso ye ibio-idomo-okuk edip emi edude ke esa, onyuŋ ekem iso ye deck-itiat emi enyenede akwa okure.

LUKE 13:25

Ke adaŋemi ete-ufɔk adahade ke enyɔŋ eberi usuŋ, ndien mbufo etɔŋɔ ndida ke aŋwa ntuak usuŋ, ete, Ɔbɔŋ, sio usuŋ nɔ nnyin; ndien Enye eyebɔrɔ mbufo ete, Mfiɔkke ebiet eke mbufo etode;