GENESIS 50:24 - Edisana ñwed Abasi Ibom

²⁴ Ndien Joseph ɔdɔhɔ nditɔ-ete esie, ete, Ami mmɔŋ ŋkpa: ndien Abasi eyedi ndise mbufo, eyenyuŋ osio mbufo ke isɔŋ emi, ɔdɔk aka ke isɔŋ emi Enye ɔkɔŋwɔŋɔde ɔnɔ Abraham, ye Isaac, ye Jacob.

GENESIS 50:24 ပူးပေါင်းရင်းမြစ်များ

GENESIS 12:7

Ndien Jehovah ayarade idem esie ɔnɔ Abram ete, Nyemen isɔŋ emi nnɔ ubon fo; ndien enye anam itie uwa do ɔnɔ Jehovah emi akayararede idem esie ɔnɔ enye.

GENESIS 13:15

ye nnasia; koro nyeda ofuri isɔŋ emi afo okutde, nnɔ fi ye ubon fo ke nsinsi.

GENESIS 13:17

Daha ke enyɔŋ saŋa ke isɔŋ emi, ke uniɔŋ esie, ye ke ubara esie: koro ndade enye nnɔ fi.

GENESIS 15:18

Ke usen oro Jehovah odiomi ediomi ye Abram, ete, Ndada isɔŋ emi nnɔ ubon fo, ɔtɔŋɔde ke akpa Egypt, tutu osim akamba akpa, akpa Euphrates:

GENESIS 15:7

Ndien enye ɔdɔhɔ enye, ete, Ami ndi Jehovah emi ŋkosiode fi ke Ur mme Chaldee, nte nnɔ fi isɔŋ emi ada enye enyene.

GENESIS 15:8

Ndien enye ɔdɔhɔ, ete, Jehovah Ɔbɔŋ, nda nso mfiok nte nyenyene?

GENESIS 17:8

Nyenyuŋ nda isɔŋ emi afo edide esen owo ke esit, kpa ofuri isɔŋ Canaan nnɔ fi, ye ubon fo eke editienede fi, ke nsinsi udeme; ndien ami nyedi Abasi mmɔ.

GENESIS 21:1

NDIEN Jehovah ese Sarah nte emi enye ɔkɔdɔhɔde, Jehovah onyuŋ anam ye Sarah

GENESIS 26:3

Daŋ ke idut emi, ndien nyedu ye afo, nyenyuŋ ndiɔŋ fi: nnyuŋ nda mme idut emi kpukpru nnɔ fi ye ubon fo; nyenyuŋ nnam ke uŋwɔŋɔ emi ŋkɔŋwɔŋɔde nnɔ Abraham usɔ;

GENESIS 28:13

Ndien, sese, Jehovah adada ke enyɔŋ, ete, Ami ndi Jehovah Abasi Abraham usɔ, ye Abasi Isaac nde: nda isɔŋ emi afo anade ke esit nnɔ fi ye ubon fo.

GENESIS 3:19

Ke ibibiak iso fo ke afo edidia udia, tutu edifiak ke isɔŋ emi esiode fi ke esit: koro afo edide ntan, eyenyuŋ afiak ke ntan.

GENESIS 35:12

isin; ndien isɔŋ emi ŋkɔnɔde Abraham ye Isaac, oro ke ndinɔ fi, nyenyuŋ nda isɔŋ oro nnɔ

GENESIS 46:4

Ami nyesaŋa ye afo nsuhɔre ŋka Egypt; ndien ami ŋko nditreke ndida fi ndɔk: Joseph eyenyuŋ okibi fi enyin.

GENESIS 47:29

Ekem, ini ekpere eke Israel akpade; ndien enye okot Joseph eyen esie edi, onyuŋ ɔdɔhɔ enye ete, Edieke ŋkutde mfɔn ke iso fo, mbɔk, sin ubɔk fo ke idak ifuhi mi, nyuŋ nam mfɔn ye akpanikɔ ye ami; mbɔk, kubuk mi ke Egypt:

GENESIS 48:21

Ndien Israel ɔdɔhɔ Joseph, ete, Sese ami mmɔŋ ŋkpa; edi Abasi eyedu ye mbufo, eyenyuŋ ada mbufo afiak aka ke isɔŋ mme ete

GENESIS 50:5

Pharaoh, ete, Ete mi anam mi ŋŋwɔŋɔ, ete, Sese, ami mmɔŋ ŋkpa: ke udi mi oro ŋketibide nnɔ idem mi ke isɔŋ Canaan, ke afo edibuk mi do. Mmɔdo, mbɔk, yak ndɔk ŋkɔbuk ete mi, ndien

ŊWED JOB 30:23

Koro mmɔfiɔk nte ke afo edida mi aka mkpa, ye ke ufɔk emi mme andidu uwem esopde.

EXODUS 12:41

Edikem ke akpatre isua emi ɔyɔhɔde ke ikie inaŋ ye edip ye udop, ke idem usen oro, kpukpru mme udim Jehovah eto ke isɔŋ Egypt ewɔŋɔ.

EXODUS 12:51

Ekem ke idem usen oro ke Jehovah osioŋo nditɔ Israel ke mme udim mmɔ efep ke isɔŋ Egypt.

EXODUS 13:19

Moses onyuŋ emen mme ɔkpɔ Joseph obiom: koro enye okowukde nditɔ Israel, ete, Abasi iditreke ndidi ndise mbufo; ndien mbufo emen mme ɔkpɔ mi ke ebiet emi edɔk.

EXODUS 3:8

mmonyuŋ nsuhɔre ndisio mmɔ nditɔ Egypt ke ubɔk, ndinyuŋ nda mmɔ ŋwɔrɔ ke isɔŋ oro, ndɔk ŋka isɔŋ emi ɔfɔnde, onyuŋ aŋwaŋade, ke isɔŋ emi ɔfiɔrɔde mmɔŋ-eba ye aran-ɔkwɔk; ke ɔtɔ mme Canaanite, ye mme Hittite, ye mme Amorite, ye mme Perizzite, ye mme Hivite, ye mme Jebusite.

EXODUS 33:1

EKEM Jehovah ɔdɔhɔ Moses, ete, Afo ye mbio emi afo akadade ke isɔŋ Egypt ɔwɔrɔ, daha ke ɔtɔ emi, dɔk ke isɔŋ oro ŋkɔŋwɔŋɔde nnɔ Abraham, ye Isaac, ye Jacob, nte ke nyeda enye nnɔ ubon fo:

EXODUS 4:31

Ndien kpukpru owo enim ke akpanikɔ: ndien adaŋemi mmɔ ekopde, ete ke Jehovah ɔmɔŋ ekere nditɔ Israel, onyuŋ ese ukut mmɔ, mmɔ enuhɔ, enyuŋ etuak ibuot.

ECCLESIASTES 12:5

mmɔ enyuŋ ebak se ikoŋde, ŋkpɔ ndik enyuŋ edu ke usuŋ, eto almond onyuŋ asiaha ikɔŋ, ŋkuku-ŋkpɔyɔriyɔ onyuŋ akabare odobi, udɔŋ onyuŋ odop: koro owo ɔmɔŋ aka ke nsinsi iduŋ esie; mbon ntuaŋa enyuŋ ekanare obio ekuk:

ECCLESIASTES 12:7

Ndien ntan eyefiak ke ntan, kpa nte ekedide: spirit eyefiak etiene Abasi emi ɔkɔnɔde enye.

NUMBERS 32:11

Baba owo mmɔ kiet emi eketode ke Egypt, ɔtɔŋɔde ke owo isua edip, ye mmɔ eke ebede oro, idikwe isɔŋ emi ŋkɔŋwɔŋɔde nnɔ Abraham ye Isaac, ye Jacob: koro mmɔ mitimke isaŋa mi ke edem?

ŊWED MBON ROME 5:12

Mmɔdo, nte idiɔk-ŋkpɔ okotode owo kiet oduk ke ererimbot, mkpa onyuŋ otode ke idiɔk-ŋkpɔ oro oduk; mkpa onyuŋ ebe osim kpukpru owo, koro kpukpru owo ema enam idiɔk-ŋkpɔ;

DEUTERONOMY 1:8

Sese, mmonim isɔŋ oro ke iso mbufo: eduk ekeda isɔŋ emi Jehovah ɔkɔŋwɔŋɔde ɔnɔ mme ete mbufo, Abraham, ye Isaac, ye Jacob, ete eyenɔ mmɔ ye nditɔ mmɔ emi editienede mmɔ edem.

DEUTERONOMY 6:10

Ndien ama ekem ke Jehovah Abasi fo edidade fi oduk ke isɔŋ emi enye ɔkɔŋwɔŋɔde ɔnɔ mme usɔ, Abraham, ye Isaac, ye Jacob, ete iyenɔ fi ikpɔ ye nti obio, eke mikedige afo ɔbɔp,

MME HEBREW 11:22

Oto mbuɔtidem Joseph, ke ini enye ɔmɔŋ edikpa, etiŋ abaŋa unyɔŋ nditɔ Israel, onyuŋ ɔnɔ uyo abaŋa mme ɔkpɔ esie.

MME HEBREW 9:27

Ndien kpa nte ema enim enɔ owo ndikpa ini kiet, ndinyuŋ nda ke itie-ikpe ke oro ebede;

JOSHUA 24:32

Ndien mmɔ eda mme ɔkpɔ Joseph, emi nditɔ Israel ekemende ke Egypt edɔk, ebuk ke Shechem ke iŋwaŋ oro Jacob ekedepde ye nditɔ Hamor, ete Shechem, ke mbak silver ikie: ndien enye akabare oduk ke udeme nditɔ Joseph.