GENESIS 49:10 - Edisana ñwed Abasi Ibom

¹⁰ Mmɔnyɔ idikpɔŋke Judah, eto ɔbɔŋ idinyuŋ ikpɔŋke ŋkpatian-ukot esie, tutu Shiloh edi; mme idut eyenyuŋ ekop enɔ

GENESIS 49:10 ပူးပေါင်းရင်းမြစ်များ

2 SAMUEL 7:13

Enye eyebɔp ufɔk ɔnɔ enyiŋ mi, nyenyuŋ nnam ebekpo ubɔŋ esie ɔsɔŋ ada ke nsinsi.

2 SAMUEL 7:16

Ntre ke ufɔk fo ye ubɔŋ fo edisɔŋ eda ke iso fo ke nsinsi: ebekpo fo eyewuhɔ ke nsinsi.

1 CHRONICLES 12:24

Nditɔ Judah eke ekamade otu ekɔŋ ye eduat, tɔsin owo itiokiet ye owo ikie itiaita emi ebɔbɔde mbɔbɔ-ekɔŋ.

1 CHRONICLES 12:39

Ndien mmɔ edu do ye David ke usen ita, ke edia ŋkpɔ enyuŋ eŋwɔŋ: koro nditɔ-ete mmɔ ekebeŋede mmɔ.

ŊWED MME PSALM 108:8

Gilead edi okim; Manasseh edi okim; Ephraim ŋko edi odudu ibuot mi: Judah edi owuk-ewuhɔ mi.

ŊWED MME PSALM 60:7

Gilead edi okim, Manasseh onyuŋ edi okim; Ephraim ŋko onyuŋ edi odudu ibuot mi; Judah edi owuk-ewuhɔ mi;

ŊWED MME PSALM 60:9

Anie edida mi aka ke obio ibibene? Anie edida mi osim Edom? Nte idige afo,

ŊWED MME PSALM 78:68

edi emek esien Judah, kpa obot Zion emi enye amade.

ISAIAH 11:10

Ndien ama ekem ke usen oro, mme idut eyetiene oruŋ Jesse emi adade nte banner mme idut: ndien itie nduɔk-odudu esie eyedi ubɔŋ.

ISAIAH 2:2

Ndien ama ekem ke utit eyo, obot ufɔk Jehovah eyewuhɔ ke enyɔŋ ikpɔ obot, onyuŋ okoŋ akan ŋkpri obot; ndien kpukpru mme idut eyebuŋɔ eduk ke esit.

ISAIAH 33:22

Koro Jehovah edide ebierikpe nnyin, Jehovah edi owuk-ewuhɔ nnyin, Jehovah edi edidem nnyin, enye eyenyaŋa nnyin.

ISAIAH 42:1

SE owo mi; nyemum enye ŋkama: se edimek owo mi emi adatde mi esit; mmodori enye spirit mi ke idem: enye eyenam ikpe ɔwɔrɔ ɔnɔ mme idut.

ISAIAH 55:3

Mbufo ekpaŋ utɔŋ mbufo, enyuŋ edi etiene mi: ekop, ndien ukpɔŋ mbufo eyedu uwem; ndien nyenam nsinsi ediomi ye mbufo, kpa ŋkpɔ ima David eke edide akpanikɔ.

ISAIAH 60:1

DAHA ke enyɔŋ! yama! koro uŋwana fo emedi, ubɔŋ Jehovah omonyuŋ asiaha ɔnɔ fi,

ISAIAH 62:11

Sese, Jehovah ɔmɔkwɔrɔ osim utit ererimbot, ete, Mbufo edɔhɔ adiaha Zion, ete, Sese, erinyaŋa fo ke edi; sese, utip esie odu ye enye, ŋkpɔ-eyen-utom esie onyuŋ odu enye ke iso.

ISAIAH 9:6

Koro eyen amanade ɔnɔ nnyin, enɔ nnyin eyen-eren: ubɔŋ onyuŋ odoro enye ke afara; enyuŋ esio enye enyiŋ, Utibe, Ɔnɔ-item, Ɔkpɔsɔŋ Abasi, Nsinsi Ete, Ɔbɔŋ Emem.

JEREMIAH 30:21

Ndien ɔbɔŋ mmɔ eyeto ke otu idem mmɔ: andikara mmɔ eyenyuŋ oto ke ufɔt mmɔ ɔwɔrɔ; ndien ami nyeyak enye asaŋa ekpere, ndien enye eyesim mi: koro anie owo edi emi onimde esit esie ubiɔŋ man osim mi?

JEREMIAH 33:26

ndien nyemen ubon Jacob ye ubon David owo mi ŋko nduɔk, ndinyuŋ nsioho aba owo eke edikarade ubon Abraham, ye Isaac, ye Jacob, ke ubon esie: koro nyeda nditɔ mmɔ emi eketaŋde efep mfiak ndi, nnyuŋ ntua mmɔ mbɔm.

EZEKIEL 19:11

Ndien enye enyene ɔkpɔsɔŋ esaŋ emi edade enam mmɔnyɔ mbɔŋ; idaha esie onyuŋ okoŋ ke otu edibaŋ ŋkɔk, ndien idaha esie ye ediwak ŋkɔk esie esin ekut enye.

EZEKIEL 19:14

Ndien ikaŋ omoto ke esaŋ ŋkɔk esie, amata mfri esie, ŋkpɔsɔŋ esaŋ ke eke mmɔnyɔ ɔbɔŋ inyuŋ iduhe enye ke esit. Emi edi eseme, eyenyuŋ edi se edisemede.

EZEKIEL 21:27

Nyeyut, nyeyut, nyeyut enye ŋkabare nnim: emi idinyuŋ iduhe, tutu enye emi edikpede ikpe edi; ndien nyeda nnɔ enye.

EZEKIEL 21:32

Afo eyedi ifia ikaŋ; iyip fo eyedu ke ufɔt isɔŋ; iditihi aba fi: koro ami Jehovah ndɔhɔ.

DANIEL 9:25

Fiɔk, ndien, nyuŋ tim nim ke ibuot, ete, ke ɔtɔŋɔde ke ini emi uyo ɔwɔrɔde, ete etɔŋɔ ntak ediɔŋ enyuŋ ebɔp Jerusalem, tutu osim ke ini Messiah Ɔbɔŋ, eyedi urua itiaba ye urua ata ye iba: eyetɔŋɔ ntak ediɔŋ aŋwa ye ukpe, kpa ke ini nnanenyin.

HOSEA 11:12

Ephraim ada nsu akan mi okuk, ufɔk Israel onyuŋ ada abiaŋa akan mi okuk: Judah onyuŋ osuk asaŋa otime-otime ye Abasi, ye edisana mbon akpanikɔ ŋko.

MICAH 5:1

SƆP idem, ndien, O adiaha udim: enye akan nnyin okuk: mmɔ eda eto eyibi ebier-ikpe Israel ke mbaŋ.

HAGGAI 2:7

nyenyuŋ nnyeŋe kpukpru mme idut, ndien se mme idut eyomde eyedi: ndien nyesin ubɔŋ ke ufɔk emi nyɔhɔ, Jehovah mme udim ɔdɔhɔ ntem.

ZECHARIAH 10:11

Ndien enye eyesaŋa ke inyaŋ ukut ebe, onyuŋ amia odut ke inyaŋ, ndien kpukpru udem ke Nile eyesat: ndien enye eyesuhɔre iseri Assyria onim; mmɔnyɔ Egypt eyenyuŋ adaha.

ZECHARIAH 2:11

Ndien ediwak mme idut eyedian idem mmɔ ye Jehovah ke usen oro, eyenyuŋ edi ikɔt mi; ndien ami nyeduŋ ke ufɔt fo, ndien afo eyefiɔk ete ke Jehovah ɔmɔdɔŋ mi utom ke ɔtɔ fo.

NUMBERS 21:18

O obube, emi ikpɔ owo eketibide, emi mbɔŋ obio ekedade eto ye esaŋ mmɔ edɔk enye.

NUMBERS 24:17

Ŋkut enye, edi idige ke emi: nsese enye, edi ikpereke: ntantafiɔŋ asaŋa oto ke Jacob, esaŋ onyuŋ adaha ke enyɔŋ ke Israel, ndien enye eyenuak mme adaŋa Moab, onyuŋ asuan kpukpru mbon ndutime.

NUMBERS 24:19

Ndien (ɔbɔŋ emi otode) ke Jacob eyeda ubɔŋ, onyuŋ osobo mme mmɔ emi efeŋede ke obio ebɔhɔ.

MATTHEW 1:21

Ndien enye eyeman nyen eren; afo eyenyuŋ osio Enye enyiŋ JESUS, koro edi Enye eyenyaŋa ikɔt Esie osio ke mme idiɔk-ŋkpɔ mmɔ.

MATTHEW 17:5

Ke ini enye osuk etiŋde, sese, nyayama ikpa-enyɔŋ ofuk mmɔ: ndien sese, uyo oto ke ikpa-enyɔŋ ɔwɔrɔ, ete, Emi edi edima Eyen Mi, emi mmenemesit ye Enye; ekop uyo Esie.

MATTHEW 21:9

Mme otu owo emi ebemde Enye iso ye mmɔ emi etienede ke edem efiori ete, Hosanna enyene Eyen David; Itoro enyene Enye emi edide ke enyiŋ Jehovah; Hosanna ke ata enyɔŋ.

MATTHEW 25:32

Ndien eyebon kpukpru mme idut ke iso Esie: Enye eyenyuŋ abahare mmɔ kiet ye eken, nte emi ekpemerɔŋ abaharede erɔŋ ye ebot;

JOHN 12:32

Ndien Ami, ke ema emen Mi ekpɔŋ isɔŋ, nyedudi kpukpru owo etiene Mi.

JOHN 18:31

Ntre ke Pilate ete mmɔ, Eda Enye ke idem mbufo ekekpe ikpe Esie, nte ibet mbufo asaŋade. Mme Jew ete enye, Nnyin inyeneke unen ndiwot owo;

JOHN 19:12

Ke ntak emi Pilate oyom ndisana Enye nyak: edi mme Jew efiori ete, Edieke asanade owo emi ayak, udige ufan Caesar; kpukpru owo eke enimde idem ke edidem eŋwana ye Caesar.

JOHN 19:15

Edi mmɔ efiori ete, Men Enye fep, men Enye fep, wot Enye ke cross. Pilate ete mmɔ, Nte ŋwot Edidem mbufo ke cross? Ikpɔ oku ebɔrɔ ete, Nnyin inyeneke edidem efen ibe Caesar.

JOHN 9:7

Ka keyet mmɔ ke mkpɔdiɔhɔ-mmɔŋ Siloam (emi ɔwɔrɔde ete, Enye emi ekɔdɔŋde). Owo oro aka ekeyet mmɔ, onyuŋ afiak edi okut usuŋ.

ŊWED MBON ROME 15:12

Isaiah onyuŋ ɔdɔhɔ ete, Orun eyeto ke Jesse ɔwɔrɔ, Edi Enye eyedaha ada ndikara mme Gentile; Mme Gentile eyenyuŋ edori Enye enyin ke idem.

2 ŊWED CORINTH 5:10

Koro kpukpru nnyin inyene ndiwɔrɔ nyarare ke iso itie-ikpe Christ; man owo kiet kiet ɔbɔ utip eke ekemde ye se enye akanamde ke ikpɔhidem, ye ŋkpɔ oro edide eti, ye onyuŋ edide idiɔk.

DEUTERONOMY 28:57

ye obiet eke otode enye ke idibi, ye nditɔ esie eke enye edimande: koro enye eyeta mmɔ ke ndibe ke unana kpukpru ŋkpɔ ke uku obio, ye ke mbaba emi mme asua fo edisinde fi ke obio mbufo.

MME HEBREW 7:14

Koro aŋwaŋa ete Ɔbɔŋ nnyin okoto ke Judah; ndien akanam Moses itiŋke baba ŋkpɔ kiet eke abaŋade oku idian esien emi.

ERIYARARE 11:15

Ekem ɔyɔhɔ angel itiaba ofri ukorowo; ndien mkpɔsɔŋ uyo ewɔrɔ ke heaven, mmɔ enyuŋ edɔhɔ ete, Obio ubɔŋ ererimbot emi amakabare edi Obio Ubɔŋ Ɔbɔŋ nnyin ye Christ Esie. Enye eyenyuŋ ada ubɔŋ ke nsinsi-nsinsi.