GENESIS 47:26 - Edisana ñwed Abasi Ibom

²⁶ Ndien Joseph owuk, ete edi ewuhɔ osim mfin emi, ɔnɔ ofuri isɔŋ Egypt, ubak kiet ke itie ition enyene Pharaoh; ibɔhɔke iŋwaŋ mme oku ikpɔŋ-ikpɔŋ, eke midige eke Pharaoh.

GENESIS 47:26 ပူးပေါင်းရင်းမြစ်များ

GENESIS 14:20

enyuŋ etoro Abasi Ibom, emi adade mme asua fo, esin fi ke ubɔk. Ndien enye osio ubak kpukpru ŋkpɔ kiet kiet ke itie duop ɔnɔ enye.

GENESIS 28:22

onyuŋ edi Abasi mi: ndien itiat emi ŋwukde ke adaha eyedi ufɔk Abasi: ndien nyesio ubak kiet ke itie duop kpukpru se afo edinɔde mi, nda ntomo fi.

GENESIS 41:34

Yak Pharaoh anam ntem, onyuŋ onim ndidaha ke isɔŋ, onyuŋ osio ubak kiet ke itie ition isɔŋ Egypt ke isua eduek itiaba.

GENESIS 47:22

Isɔŋ mme oku ikpɔŋ-ikpɔŋ ke enye idepke; koro mme oku enyenede udeme ke ubɔk Pharaoh, mmɔ enyuŋ ededia udeme mmɔ oro Pharaoh ɔnɔde mmɔ: mmɔdo mmɔ minyamke iŋwaŋ mmɔ.

GENESIS 47:25

Ndien mmɔ edɔhɔ, ete, Afo ama onim nnyin uwem, yak nnyin ikut mfɔn ke isɔ ɔbɔŋ nnyin, ndien nnyin iyedi ikɔt Pharaoh.

EZRA 7:24

Nnyin inyuŋ isian mbufo, ite, Ama edi kpukpru mme oku, ye mme ɔkwɔ-ikwɔ, ye mme etie-usuŋ, ye mme Nethinim, ye mme anam-utom ufɔk Abasi emi, owo inyeneke odudu ndibɔ mmɔ utomo, ye comey, ye utip.

EZEKIEL 7:24

Ndien nyeda ata mme idiɔk idut ndi: ndien mmɔ eyeda ufɔk mbufo enyene: nyenyuŋ ndop mkpɔsɔŋ owo iseri; ndien eyesabare ndisana ebiet mmɔ.

LEVITICUS 27:30

Ndien ŋko kpukpru ubak kiet ke itie duop ke ofuri isɔŋ, edide mkpasip iŋwaŋ, onyuŋ edide mfri eto, enyene Jehovah: enye edi edisana ŋkpɔ Jehovah.

NUMBERS 18:21

Ndien, sese, mmada ɔyɔhɔ ubak kpukpru ŋkpɔ ke Israel duop, nnɔ nditɔ Levi eda enyene, ke usiene utom mmɔ emi mmɔ enamde, kpa utom efe esop.

DEUTERONOMY 14:22

Kutre ndi nɔ ɔyɔhɔ ubak duop ke kpukpru se mkpasip fo oŋwumde, eke otode ke inwaŋ fo, kpukpru isua.

DEUTERONOMY 26:12

Ke ini afo ama akada ɔyɔhɔ ubak ofuri mbuŋwum fo duop ɔnɔ ama, ke ɔyɔhɔ isua ita, eke edide isua erinɔ ɔyɔhɔ ubak duop, ama onyuŋ emen enye ɔnɔ mme Levite, ye esen owo, ye eyen-akpa, ye ebe-akpa, man mmɔ eda edia ŋkpɔ ke mme obio fo, eyuhɔ;