GENESIS 47:12 - Edisana ñwed Abasi Ibom

¹² Pharaoh ɔkɔdɔhɔde. Ndien Joseph ɔbɔk ete esie, ye nditɔ ete esie, ye ofuri ufɔk ete esie, ke udia eke nditɔ mmɔ ediade.

GENESIS 47:12 ပူးပေါင်းရင်းမြစ်များ

GENESIS 45:10

ndien afo eyeduŋ ke isɔŋ Goshen, eyenyuŋ ekpere mi, afo ye nditɔ fo, ye nditɔ nditɔ fo, ye otu erɔŋ fo, ye udim enaŋ fo, ye kpukpru se afo enyenede:

GENESIS 45:11

nyenyuŋ mbɔk fi do: koro esukde kaŋa isua akaŋ ition; mbak afo edikabare obuene ye ufɔk fo, ye kpukpru se afo enyenede.

GENESIS 45:7

Ndien Abasi ɔkɔdɔŋ mi ete mben mbufo iso, man nnim ubon mbufo ke isɔŋ, nnyuŋ nnyaŋa mbufo uwem ke akamba erinyaŋa.

GENESIS 47:1

EKEM, Joseph edi editiŋ ɔnɔ Pharaoh, ete, Ete mi, ye nditɔ-ete mi, ye erɔŋ mmɔ, ye enaŋ mmɔ ye kpukpru se mmɔ enyenede, emeto ke isɔŋ Canaan edi; ndien se mmɔ ke isɔŋ Goshen.

GENESIS 47:21

Ndien enye anam mbio eken eto ke obio ke utit Egypt oko, enyɔŋ ke utit eken.

GENESIS 47:24

Ama ekem ke ini oŋwumde, ndien mbufo eyesio ubak kiet ke itie ition enɔ Pharaoh, ndien mbak inaŋ eyedi eke mbufo, ke uduot iŋwaŋ, ye ke udia mbufo, ye eke mmɔ emi edude ke mme ufɔk mbufo, ye ke udia nditɔwɔŋ mbufo.

GENESIS 50:21

owo uwem. Mmɔdo mbufo ekufehe ndik: ami nyebɔk mbufo ye nsek-nditɔ mbufo. Enye onyuŋ ɔdɔŋ mmɔ esit, onyuŋ ɔdɔhɔ mfɔn-mfɔn ye mmɔ.

EXODUS 20:12

Kpono usɔ ye uka; kpaŋ usen fo ekpebige ke isɔŋ emi Jehovah Abasi fo ɔnɔde fi.

ISAIAH 22:24

Ndien mmɔ eyekɔŋ enye ofuri ubɔŋ ete esie ke idem, ubon ye nditɔ, kpukpru ŋkpri mkpoduoho, ɔtɔŋɔde ke mkpoduoho eke enimde ke cup, tutu osim ke kpukpru mkpoduoho eke enimde ke abaŋ.

1 ŊWED THESSALONICA 2:7

Edi nnyin iketie suŋ-suŋ ke otu mbufo, nte emi eka ɔbɔkde nditɔ esie mmɔ.

1ŊWED TIMOTHY 4:8

Koro erisin idem mbet ŋkpɔ ikpɔhidem enyene esisit udori; edi uteŋe Abasi ɔwɔrɔ udori ke kpukpru usuŋ, koro uŋwɔŋɔ uwem emi odude ke emi ye eke uwem emi edidide asaŋade ye enye.

1ŊWED TIMOTHY 5:4

Edi edieke ebe-akpa enyenede nditɔ mme nditɔ nditɔ, yak mmɔ oro ekpep ndibem nnam se idotde ye mbon ufɔk, nnyuŋ nsio usiene nnɔ mme eka mmɔ; koro emi ɔfɔnde Abasi ke enyin.

1ŊWED TIMOTHY 5:8

Owo eke mitimke ŋkpɔ inɔ oruk esie, akpan-akpan mbon ufɔk esie, esiŋe nsa ye mbuɔtidem, onyuŋ ɔdiɔk akan owo eke minimke ke akpanikɔ.

RUTH 4:15

Enye eyenyuŋ edi andimenere uwem fo, ye andikama fi ke ini usɔŋ fo: koro ŋwan eyen fo emi amade fi, emi onyuŋ ɔfɔnde ye afo akan nditɔ-iren itiaba, amaman enye.