GENESIS 42:38 - Edisana ñwed Abasi Ibom

³⁸ Ndien enye ɔdɔhɔ ete, Eyen mi idisuhɔkede ika ye mbufo; koro eyen-eka esie ama akpa, enye onyuŋ ɔsuhɔ ikpɔŋ: idiɔk-ŋkpɔ ama onyuŋ etiene enye ke usuŋ emi mbufo edisaŋade ke esit, eyenam iwat mi osuhɔre ke udi ke mfuhɔ.

GENESIS 42:38 ပူးပေါင်းရင်းမြစ်များ

GENESIS 37:33

idige. Ndien Jacob ɔdiɔŋɔ enye onyuŋ ɔdɔhɔ, ete, Ɔfɔŋidem eyen mi; idiɔk unam amata enye; Joseph amawaha mbak-mbak.

GENESIS 37:34

Ndien Jacob awak edisine-ŋkpɔ esie, onyuŋ esine ɔfɔŋ-ikpo ke idem, onyuŋ atua eyen esie anyan ini.

GENESIS 37:35

Ndien kpukpru nditɔ-iren esie, ye kpukpru nditɔ-iban esie edaha ke enyɔŋ ete idɔŋ enye esit, edi enye esin ndikop ndɔŋesit; ete, Nsuhɔre ŋka ke udi ntiene eyen mi ke mfuhɔ. Ntem ke ete esie atua enye eyet.

GENESIS 42:13

Ndien mmɔ edɔhɔ ete, Ifin fo edi nditɔ-ete duopeba: nnyin idi nditɔ owo kiet ke isɔŋ Canaan; ndien, sese, ekperedem eyen odu ye ete nnyin mfin emi, kiet inyuŋ iduhe.

GENESIS 42:37

Ndien Reuben ɔdɔhɔ ete esie, ete, Wot nditɔ mi mbiba ke mmandaha enye nsɔk fi: sin enye ke ubɔk mi, ndien ami nyeda enye mfiak nsɔk fi.

GENESIS 42:4

Egypt. Edi Jacob iyakke Benjamin, eyen-eka Joseph, asaŋa ye nditɔ-ete esie: koro enye ɔdɔhɔde ete, Mbak idiɔk-ŋkpɔ edinam enye.

GENESIS 43:13

Enyuŋ eda eyen-ete mbufo edaha, efiak etiene owo oro:

GENESIS 44:20

Nnyin inyuŋ idɔhɔ ɔbɔŋ mi, ite Nnyin imenyene ete, akani owo, ye eyen usɔŋ esie, emi ekpride; eyen-eka esie omonyuŋ akpa, ndien enye osuk ikpɔŋ-ikpɔŋ ke eke eka esie, ete esie onyuŋ ama enye.

GENESIS 44:22

Nnyin inyuŋ idɔhɔ ɔbɔŋ mi, ite, Ke eyen oro ikwe nte ɔkpɔŋde ete esie: koro enye ama ɔkpɔŋ ete esie, ete eyekpa.

1 NDIDEM 2:6

Nam ndien ke eti ibuot fo, kunyuŋ uyak iwat esie ɔsuhɔre ke udi ke ifure.

ŊWED JOB 41:32

Anam usuŋ esem ke edem esie; owo ekpese ete ke edituŋɔ mmɔŋ edi iwat.

ŊWED MME PSALM 71:18

Ndien ŋko, O Abasi, kukpɔŋ mi tutu nsim usɔŋ ye iwat, tutu nsiak ubɔk fo nnɔ emana emi, nsiak odudu fo nnɔ kpukpru mmɔ eke edidide.

ŊWED MME PSALM 90:10

Isua ata ye duop edu ke eyo uwem nnyin, ye isua anaŋ, edieke nsɔŋidem odude; ndien iseri mmɔ edi ɔkpɔsɔŋ utom ye ukut: koro enye (isua) awarade ndibe, ndien nnyin idaŋa.

ECCLESIASTES 1:14

Mmokut kpukpru ŋkpɔ emi enamde ke idak utin; ndien, sese, kpukpru edi ikpikpu ye idomo eke miwɔrɔke usuŋ.

ECCLESIASTES 2:26

Koro enye (Abasi) adade eti-ibuot, ye ifiɔk, ye idaresit, ɔnɔ owo eke ɔfɔnde enye ke iso: edi ama edi idiɔk owo, Enye ɔnɔ enye utom ete ɔkɔ, onyuŋ obon, man ada ɔnɔ owo eke ɔfɔnde Abasi ke iso. Emi onyuŋ edi ikpikpu ye idomo eke miwɔrɔke usuŋ.

ISAIAH 38:10

Ami ŋkɔdɔhɔ ke ufɔt eyo uwem mi, ete, Nyeka ŋkoduk ke usuŋ obio ekpo: emebɔ mi isua mi emi esuhɔde.

ISAIAH 46:4

ndien tutu osim usɔŋ ami ndi enye; ami nyenyuŋ mbiom enye tutu osim iwat: edi ami ŋkanam, onyuŋ edi ami ndimenere, ndinyuŋ mbiom, nnyuŋ nnam mbufo ebɔhɔ.