GENESIS 41:8 - Edisana ñwed Abasi Ibom

⁸ Ekem ke usenubɔk esit etimere enye; ndien enye ɔdɔŋ ekekot kpukpru mbia-idiɔŋ Egypt, ye kpukpru mme ɔfiɔk-ŋkpɔ owo esie edi; ndien Pharaoh etiŋ ndap esie ɔnɔ mmɔ; edi baba owo kiet eke asiakde mmɔ ɔnɔ Pharaoh iduhe.

GENESIS 41:8 ပူးပေါင်းရင်းမြစ်များ

GENESIS 40:6

Edikem ke usenubɔk kiet Joseph oduk ke ebiet mmɔ, okut mmɔ, ndien, sese, mmɔ etie ke mfuhɔ.

GENESIS 40:8

Ndien mmɔ edɔhɔ enye, ete, nnyin ima idaba ndap, ndien owo eke asiakde iduhe. Ndien Joseph ɔdɔhɔ mmɔ ete, Nte idige Abasi asiak ndap? Mbɔk, mbufo ekam etiŋ enɔ mi.

GENESIS 41:15

Ndien Pharaoh ɔdɔhɔ Joseph, ete, Mmadaba ndap, owo eke asiakde enye inyuŋ iduhe; mmonyuŋ ŋkop mbaŋa fi, nte ke afo eyefiɔk ndap ndisiak enye.

GENESIS 41:24

ndien mbuot oro midɔŋɔde emen edifɔn mbuot itiaba oro: ndien ntiŋ nnɔ mbia-idiɔŋ; edi owo eke asiakde ɔnɔ mi iduhe.

GENESIS 41:7

Ndien mbuot itiaba oro midɔŋɔde, emen mbuot itiaba oro edɔŋɔde, enyuŋ eyɔhɔde. Ndien, ke Pharaoh edemerede, sese, edi ndap.

ŊWED MME PSALM 25:14

Jehovah etie ufan ye mmɔ eke ebakde enye, ndien enye eyeteme mmɔ ediomi esie.

EXODUS 7:11

Ndien Pharaoh onyuŋ okot mme ɔfiɔkŋkpɔ owo ye mbiaidiɔŋ edi. Ndien idem mbia-idiɔŋ Egypt ŋko enyuŋ eda idiɔŋ mmɔ enam ntre.

EXODUS 7:22

Mbia-idiɔŋ Egypt enyuŋ enam kpa ntre ke idiɔŋ mmɔ: ndien esit Pharaoh ɔsɔŋ, enye inyuŋ ikopke uyo mmɔ; nte emi Jehovah ɔkɔdɔhɔde.

EXODUS 8:7

Ndien mbia-idiɔŋ eda idiɔŋ mmɔ enam kpa ntre, enyuŋ esin ikwɔt eto edɔk ke isɔŋ Egypt.

EXODUS 9:11

Ndien oyo oro iyakke mbia-idiɔŋ eda ke iso Moses: koro oyo anamde mbia-idiɔŋ ye kpukpru nditɔ Egypt.

ISAIAH 19:3

Ndien eyeŋwaŋa Egypt spirit esie ke idem efep; nyeyuŋ mmen uduak esie nsin ke idibi: ndien mmɔ eyebine mme ibɔk, ye mbia-inuen, ye mme nsaŋa ekpo, ye mbia-idiɔŋ.

ISAIAH 29:14

ami nyemana nnam mbio-obio emi utibe ŋkpɔ, kpa utibe ŋkpɔ ye ido eke edide utibe: ndien ifiɔk mme ɔfiɔk ŋkpɔ owo mmɔ eyetak, ɔniɔŋ mbon ɔniɔŋ mmɔ eyenyuŋ onime.

ISAIAH 8:19

Ndien adaŋemi mmɔ edɔhɔde mbufo, ete, Mbufo ebup ndem, ye mbia-idiɔŋ emi ekunide, enyuŋ enunde ikɔ: nte mbio ikpobupke Abasi mmɔ? (Nte ekpebup) mme akpa-mkpa enɔ mme odu-uwem?

DANIEL 1:20

Ndien ke kpukpru ŋkpɔ ifiɔk ye asian eke edidem obupde mmɔ, enye onyuŋ okut ete ke mmɔ ekan kpukpru mbon-ŋwed ye mbia-idiɔŋ eke edude ke ofuri idut esie utim ikoduop.

DANIEL 4:18

Ami edidem Nebuchadnezzar ŋkokut ndap emi. Afo, O Belteshazzar, siak ndien nte ediwɔrɔde: koro baba ɔfiɔk ŋkpɔ owo kiet eke ekemede ndisian mi nte enye ediwɔrɔde, iduhe ke obio mi: edi afo emekeme; koro spirit edisana Abasi odude fi ke idem.

DANIEL 4:19

Ndien idem akpa Daniel emi ekerede Belteshazzar idaha kiet, ekikere enyuŋ etimere enye. Edidem ɔbɔrɔ onyuŋ ɔdɔhɔ, ete, Belteshazzar, kuyak ndap emi ye se enye ediwɔrɔde akpa fi idem. Belteshazzar ɔbɔrɔ, ete, Ɔbɔŋ mi, yak ndap emi enyene mmɔ eke esuade fi, yak ŋkpɔ emi enye ediwɔrɔde onyuŋ osim mbon-utɔk fo.

DANIEL 4:5

ŋkut ndap, ndien enye esin mi ndikhe; ekikere ke bed mi ye ŋkukut ibuot mi enyuŋ enam mi ndik.

DANIEL 4:6

Ndien ami ŋwuk ewuhɔ, nte eda kpukpru mme ɔfiɔk ŋkpɔ owo Babylon edi ke iso mi man mmɔ esian mi nte ndap oro ediwɔrɔde.

DANIEL 4:7

Ndien mbon-ŋwed, ye mbia-idiɔŋ, ye mme Chaldean, ye mbia-mfa eduk edi: ndien ami ntiŋ ndap oro ke iso mmɔ: edi mmɔ isianke mi nte ediwɔrɔde.

DANIEL 5:11

owo kiet odu ke obio fo emi spirit edisana Abasi odude enye ke idem; ndien ke eyo usɔ ke ekekut ete ke ɔniɔŋ ye eti ibuot ye ifiɔk emi ebietde ifiɔk Abasi, edu enye ke idem: ndien edidem Nebuchadnezzar usɔ, kpa usɔ edidem okonim ndien enye ke etubom mbon-ŋwed, ye mbia-idiɔŋ, ye mme Chaldean, ye mbia-mfa:

DANIEL 7:28

Utit ikɔ osim emi. Ama edi ami Daniel, ekikere mi etimere mi eti-eti, iso onyuŋ ɔkpuhɔre mi, edi nnim ŋkpɔ oro ke esit mi.

DANIEL 8:27

Ndien idem akpa mi Daniel, udɔŋɔ onyuŋ anam mi ndusuk ini: edikem ŋkop idem, nnyuŋ nam utom edidem; ŋkukut oro onyuŋ enyene mi ndyɔ: edi baba owo kiet ifiɔkke enye.

LEVITICUS 19:31

Mbufo ekukabare etiene ekpo, ekunyuŋ ebup mbia-idiɔŋ, mbak mmɔ edisabare mbufo: ami ndi Jehovah Abasi mbufo.

LEVITICUS 20:6

Ndien ŋko ama edi ukpɔŋ eke akabarede etiene ekpo, ye mbia-idiɔŋ, onyuŋ etienede mmɔ anam use, nyewuk iso mi nse ukpɔŋ oro, nnyuŋ nsibe enye ke otu mbio-obio mmɔ mfep.

HABAKKUK 3:16

Ŋkop, ndien nsia oyomo mi; uyom esin mkpɔk-inua mi enyek: mme ɔkpɔ mi etɔŋɔ ndiyap; nyek idem ke itie mi: koro nyetie suŋ mbet ini ukut, ini eke mmɔ emi edidide ekɔŋ ye nnyin edidɔkde edi.

MATTHEW 2:1

EDI ke ini Jesus amanade ke Bethlehem obio Judaea ke eyo edidem Herod, sese, mme ɔfiɔk-nkpɔ owo eto ke edem usiaha-utin edi ke Jerusalem, ete,

UTOM MME APOSTLE 17:18

Ndusuk mme ɔfiɔkŋkpɔ owo, emi etienede ukpep-ŋkpɔ Epicurus ye ukpep-ŋkpɔ mme Stoic, eneni eneni ye enye. Ndusuk mmɔ ete, Nso ke owo emi oyom nditiŋ ye mbubek ifiɔk esie? Ndusuk eŋwen ete, Enye etie nte andikwɔrɔ isen Abasi: mmɔ etiŋ ntre koro enye ɔkwɔrɔde Jesus ye ediset ke mkpa.

UTOM MME APOSTLE 7:22

Ndien ekpep Moses ofuri ifiɔk nditɔ Egypt; enye onyuŋ edi ɔkpɔsɔŋ owo ke ikɔ-inua ye ke ubɔk-utom.

1 ŊWED CORINTH 1:19

Koro ewet ntem ete, Nyebiat ifiɔk mbon eti ibuot, Nyenyuŋ nsin ɔniɔŋ mbon ɔniɔŋ.

1 SAMUEL 6:2

Ekem mme Philistine ekot mme oku ye mbia idiɔŋ edi, ete, Nnyin idinam ekebe Jehovah nso ŋkpɔ? Mbufo eteme nnyin se ididade inɔ enye ɔnyɔŋ aka ke ebiet esie.