GENESIS 41:40 - Edisana ñwed Abasi Ibom

⁴⁰ Afo eyekan ufɔk mi, kpukpru ikɔt mi eyenyuŋ enam ke uyo fo; ke ebekpo ikpɔŋ-ikpɔŋ ke ndikpon nkan fi.

GENESIS 41:40 ပူးပေါင်းရင်းမြစ်များ

GENESIS 39:9

esie esin mi ke ubɔk; baba owo kiet ikponke ke ufɔk emi ikan mi; enye inyuŋ isinke mi ŋkpɔ ndomo kiet ke mibɔhɔke fi koro afo edide ŋwan esiemɔ; ndinam didie ndien nnam akwa idiɔkŋkpɔ emi nnyuŋ ndue Abasi?

GENESIS 44:18

Ndien Judah asaŋa ekpere, edidɔhɔ ete, Ɔbɔŋ mi, mbɔk, yak ofin fo etiŋ ikɔ esin ɔbɔŋ mi ke utɔŋ, esit fo okunyuŋ ofiop ye ofin fo: koro afo etiede nte Pharaoh.

GENESIS 45:26

enyuŋ edɔhɔ enye ete, Joseph ke osuk odu uwem kaŋa, enye onyuŋ edi andikara ofuri isɔŋ Egypt. Ndien ibikpai omum enye esit, koro enye minimke ikɔ mmɔ ke akpanikɔ.

ESTHER 10:3

Koro Mordecai Jew edide udiana edidem Ahasuerus, onyuŋ okpon ke otu mme Jew, uwak nditɔ-ete esie enyuŋ ema enye, enye oyom ufɔn oruk esie, onyuŋ etiŋ ikɔ emem ɔnɔ ofuri ubon esie.

ESTHER 3:1

KE ŋkpɔ emi ema ekebe, Ahasuerus okpono Haman, eyen Hammedatha, Agagite, enyuŋ ofori enye, onyuŋ emenere ebekpo esie ke enyɔŋ akan kpukpru mbɔŋ emi edude ye enye.

ŊWED JOB 31:27

Ndien etap esit mi ke ndibe, nnyuŋ ntem ubɔk mi ke inua mi:

ŊWED MME PSALM 2:12

Etim Eyen inua, mbak Enye ediyat esit, ndien mbufo ebiara ke usuŋ, koro ke ini esisit iyaresit esie eyesak. Ɔfɔfɔn ɔnɔ kpukpru mmɔ eke ebuɔtde idem ye Enye.

MME ŊKE 22:29

Nte afo okut owo eke ɔsɔpde ubɔk ke utom esie? Enye eyeda ke iso mbɔŋ: ididaha ke iso mbukpo owo.

DANIEL 5:29

Ndien Belshazzar ɔnɔ uyo, ete esine Daniel purple ke idem, enyuŋ ekɔŋɔ enye ŋkpɔkɔbi gold ke itɔŋ, enyuŋ ekwɔrɔ ebaŋa enye, ete ke enye edi ɔbɔŋ ke ɔyɔhɔ itie ita ke obio.

DANIEL 6:3

Ndien Daniel emi akan mbɔŋ ye ikpɔ owo emi: koro ata eti spirit odude enye ke idem: ndien edidem ekere ndinim enye ke akama ofuri obio.

UTOM MME APOSTLE 7:10

edi Abasi odu ye enye, onyuŋ anyaŋa enye osio ke kpukpru ukut esie, onyuŋ ɔnɔ enye mfɔn-iso ke iso Pharaoh edidem Egypt, onyuŋ anam enye ɔwɔrɔ ɔniɔŋ; Pharaoh onyuŋ onim enye ke andikara Egypt ye ofuri ufɔk esie.

1 SAMUEL 10:1

NDIEN Samuel ada ekpeme aran ɔtɔhɔ enye ke ibuot, ndien otim enye inua, onyuŋ ɔdɔhɔ ete, Nte idige koro Jehovah eyetde fi aran onim ke etubom udeme esie?