GENESIS 41:25 - Edisana ñwed Abasi Ibom

²⁵ Ndien Joseph ɔdɔhɔ Pharaoh ete, Ndap Pharaoh edi ubɔk kiet: se Abasi oyomde ndinam ke enye asiak ɔnɔ Pharaoh.

GENESIS 41:25 ပူးပေါင်းရင်းမြစ်များ

GENESIS 40:8

Ndien mmɔ edɔhɔ enye, ete, nnyin ima idaba ndap, ndien owo eke asiakde iduhe. Ndien Joseph ɔdɔhɔ mmɔ ete, Nte idige Abasi asiak ndap? Mbɔk, mbufo ekam etiŋ enɔ mi.

GENESIS 41:16

Ndien Joseph ɔbɔrɔ Pharaoh, ete, Idige ami: Abasi eyebɔrɔ Pharaoh ke emem.

GENESIS 41:26

Edifɔn enaŋ itiaba oro edi isua itiaba; edifɔn mbuot ibokpot itiaba enyuŋ edi isua itiaba: enye edi ndap kiet.

GENESIS 41:28

Ikɔ emi ndɔhɔde Pharaoh edi oro: se Abasi oyomde ndinam ke enye owut Pharaoh.

GENESIS 41:32

Ndien emi Pharaoh ɔtɔŋɔde ntak adaba ndap oro utim ikaba; edi koro Abasi ɔsɔŋɔde aduak ŋkpɔ emi, ndien Abasi idibigike ndinam enye.

ŊWED MME PSALM 98:2

Jehovah ama-nam mmɔ efiɔk erinyaŋa esie: amayarare edinen ido esie ke iso mme idut.

EXODUS 9:14

Koro isaŋ emi, ami nyenam kpukpru mme idiɔk-ŋkpɔ mi eduk fi ke esit, ye ikɔt fo, ye mbio-obio fo: man afo ɔfiɔk nte baba kiet mibietke mi ke ofuri ererimbot.

ISAIAH 43:9

Kpukpru mme idut emebono ɔtɔ kiet, mme obio emenyuŋ esop idem: anie ke otu mmɔ editiŋ emi, onyuŋ anam nnyin ikop mbemiso ŋkpɔ? Yak mmɔ enɔ ntiense mmɔ, enyuŋ ekaŋ idem mmɔ: ndien yak mmɔ ekop, enyuŋ edɔhɔ, ete, Akpanikɔ.

DANIEL 2:45

koro afo okokutde ete ke esiak itiat ke akamba obot esio, edi idige ubɔk owo anam, ndien enye anuak ukwak, ye okpoho, ye mbat-eso, ye silver, ye gold, Akwa Abasi asian edidem se ididide ke ini iso: ndien ndap oro enyene iwuk, idinyuŋ itreke ndiwɔrɔ ntem.

DANIEL 2:47

Edidem ɔbɔrɔ Daniel onyuŋ ɔdɔhɔ, ete, Ke akpanikɔ Abasi mbufo edi Abasi mme abasi ye Ɔbɔŋ ndidem: edi enye ayarare ndibe-ndibe ŋkpɔ, koro afo ekemede ndiyarare ndibe ŋkpɔ emi.

AMOS 3:7

Koro Ɔbɔŋ Jehovah midinamke baba ŋkpɔ kiet, ke mibɔhɔke ini enye ayarade uduak esie ɔnɔ ikɔt esie mme prophet.

MATTHEW 24:40

Ke ini oro owo iba eyedu ke iŋwaŋ; eyeda kiet, ekpɔŋ kiet;

MARK 13:23

Edi mbufo ekpeme: sese, mmebem iso ntiŋ kpukpru ŋkpɔ do nnɔ mbufo.

ŊWED MBON EPHESUS 1:17

Mmebeŋe nte Abasi Ɔbɔŋ nnyin Jesus Christ, Ete ubɔŋ akpakam ɔnɔ mbufo spirit ɔniɔŋ ye eriyarare, emi mbufo edidade efiɔk Enye;

JOSHUA 11:6

Ndien Jehovah ɔdɔhɔ Joshua ete, Kufehe ndik ubaŋa mmɔ: koro ke adaŋemi ini ntem mkpɔŋ ke ami ndida mmɔ kpukpru ŋwot nnim ke iso Israel; afo eyekpok mme horse mmɔ akpan osip, onyuŋ ɔfɔp mme chariot mmɔ ke ikaŋ.

ERIYARARE 4:1

KE ŋkpɔ emi ema ekebe, ŋkut, ndien sese, inua-otop eberere ke heaven; ndien akpa uyo eke ŋkokopde, nte ukorowo osiorode uyo ke utɔŋ mi, ete, Dɔk di ken, ndien nyewut fi se idisude ke ini emi edidide.