GENESIS 41:16 - Edisana ñwed Abasi Ibom

¹⁶ Ndien Joseph ɔbɔrɔ Pharaoh, ete, Idige ami: Abasi eyebɔrɔ Pharaoh ke emem.

GENESIS 41:16 ပူးပေါင်းရင်းမြစ်များ

GENESIS 37:14

ete, ete, Ami mi. Ndien Jacob ɔdɔhɔ enye, ete, Mbɔk ka kese mme nditɔ-usɔ etie nte ɔfɔnde, mme ufene onyuŋ etie nte ɔfɔnde; ndien fiak di dɔhɔ mi. Ndien enye etie ke una-isɔŋ Hebron ɔdɔŋ Joseph utom; ndien enye aka ke Shechem.

GENESIS 40:8

Ndien mmɔ edɔhɔ enye, ete, nnyin ima idaba ndap, ndien owo eke asiakde iduhe. Ndien Joseph ɔdɔhɔ mmɔ ete, Nte idige Abasi asiak ndap? Mbɔk, mbufo ekam etiŋ enɔ mi.

GENESIS 41:17

Ndien Pharaoh ɔdɔhɔ Joseph, ete, Ke ndap mi, sese, ami nda ke mben akpa:

GENESIS 41:25

Ndien Joseph ɔdɔhɔ Pharaoh ete, Ndap Pharaoh edi ubɔk kiet: se Abasi oyomde ndinam ke enye asiak ɔnɔ Pharaoh.

GENESIS 41:28

Ikɔ emi ndɔhɔde Pharaoh edi oro: se Abasi oyomde ndinam ke enye owut Pharaoh.

2 NDIDEM 6:27

Ndien enye ete, Ih ih, Jehovah akpakam anyaŋa fi. Nda nso nnyaŋa fi? mme se itode ke ɔtɔ ubek-ibokpot? mme ke unyimi-wine?

DANIEL 2:47

Edidem ɔbɔrɔ Daniel onyuŋ ɔdɔhɔ, ete, Ke akpanikɔ Abasi mbufo edi Abasi mme abasi ye Ɔbɔŋ ndidem: edi enye ayarare ndibe-ndibe ŋkpɔ, koro afo ekemede ndiyarare ndibe ŋkpɔ emi.

DANIEL 4:2

Etie mi nte ɔfɔn ndibuk mme utibe ŋkpɔ ye ŋkpɔ ndyɔ emi Abasi Ibom akanamde ye ami.

ZECHARIAH 4:6

Ndien ndɔhɔ nte, Ih ih, Ɔbɔŋ mi. Ndien enye ɔbɔrɔ onyuŋ ɔdɔhɔ mi, ete, Ikɔ emi ke Jehovah ɔdɔhɔ Zerubbabel, ete, Itoho ke odudu, inyuŋ itoho ke nsɔŋidem, edi oto spirit mi, Jehovah mme udim ɔdɔhɔ.

NUMBERS 12:6

Ndien enye ɔdɔhɔ ete, Mbufo ekop ndien ikɔ mi: edieke prophet ediduŋde ke otu mbufo, ami Jehovah nyeyarare idem mi nnɔ enye ke ŋkukut, nnyuŋ ndɔhɔ ye enye ke ndap.

LUKE 19:42

Afo ke idem fo akpakam ɔfiɔk ke usen emi mme ŋkpɔ eke ekpanamde fi odu ke emem! Edi ke emi mmɔ emedibe fi ke enyin.

UTOM MME APOSTLE 3:12

Edi ke ini Peter okutde emi, enye ɔbɔrɔ mmɔ ete, Mbufo nditɔ Israel, nsinam idem akpade mbufo abaŋa owo emi? nsinyuŋ inam mbufo ewukde enyin ese nnyin, nte edide nnyin ida odudu idem nnyin mme uteŋe eke nnyin iteŋede Abasi inam enye asaŋa?

UTOM MME APOSTLE 3:7

Ndien Peter omum enye ke ke ubɔk nnasia, emenere enye ke enyɔŋ: ndien idaha oro enye okop odudu ke ukot esie ye ɔkpɔ itɔŋ-ukot esie.

1 ŊWED CORINTH 15:10

Edi oto mfɔn Abasi ndi se ndedi: ndien mfɔn emi Abasi ɔnɔde mi ikɔwɔrɔke ikpikpu; edi mmanam utom ŋkan mmɔ kpukpru; inyuŋ idige ami nnam, edi mfɔn Abasi eke odude ye ami anam.

2 ŊWED CORINTH 3:5

Emi iwɔrɔke ite nnyin imekeme ke idem nnyin ndibiere ŋkpɔ ekededi ke odudu idem nnyin:

DEUTERONOMY 29:29

Ndibe-ndibe ŋkpɔ enyene Jehovah Abasi nnyin: edi ɔkpɔ emi ayarade enyene nnyin ye nditɔ nnyin ke nsinsi, man nnyin inam kpukpru ikɔ mbet emi.