GENESIS 41:15 - Edisana ñwed Abasi Ibom

¹⁵ Ndien Pharaoh ɔdɔhɔ Joseph, ete, Mmadaba ndap, owo eke asiakde enye inyuŋ iduhe; mmonyuŋ ŋkop mbaŋa fi, nte ke afo eyefiɔk ndap ndisiak enye.

GENESIS 41:15 ပူးပေါင်းရင်းမြစ်များ

GENESIS 40:8

Ndien mmɔ edɔhɔ enye, ete, nnyin ima idaba ndap, ndien owo eke asiakde iduhe. Ndien Joseph ɔdɔhɔ mmɔ ete, Nte idige Abasi asiak ndap? Mbɔk, mbufo ekam etiŋ enɔ mi.

GENESIS 41:8

Ekem ke usenubɔk esit etimere enye; ndien enye ɔdɔŋ ekekot kpukpru mbia-idiɔŋ Egypt, ye kpukpru mme ɔfiɔk-ŋkpɔ owo esie edi; ndien Pharaoh etiŋ ndap esie ɔnɔ mmɔ; edi baba owo kiet eke asiakde mmɔ ɔnɔ Pharaoh iduhe.

2 CHRONICLES 26:5

Ndien enye etiene Abasi ke eyo Zechariah, emi ekenyenede ifiɔk ŋkukut Abasi: ndien adaŋa ini nte enye etienede Jehovah, Abasi ofori enye.

ŊWED MME PSALM 25:14

Jehovah etie ufan ye mmɔ eke ebakde enye, ndien enye eyeteme mmɔ ediomi esie.

DANIEL 2:3

Ndien edidem ɔdɔhɔ mmɔ, ete, Mmadaba ndap, ndien esit etimere mi oyom ndifiɔk ndap oro.

DANIEL 4:18

Ami edidem Nebuchadnezzar ŋkokut ndap emi. Afo, O Belteshazzar, siak ndien nte ediwɔrɔde: koro baba ɔfiɔk ŋkpɔ owo kiet eke ekemede ndisian mi nte enye ediwɔrɔde, iduhe ke obio mi: edi afo emekeme; koro spirit edisana Abasi odude fi ke idem.

DANIEL 4:9

O Belteshazzar, etubom mbon-ŋwed, emi ami mfiɔkde nte ke spirit edisana Abasi odu fi ke idem, baba ndibe ŋkpɔ kiet inyuŋ iyaŋake fi, dɔhɔ mi ŋkukut ndap mi emi ŋkokutde, ye nte enye ediwɔrɔde.

DANIEL 5:12

koro ekutde ete ke ata eti spirit, ye eti ibuot ke eriyarare ndap, ye ke erisiak ŋke, ye ke eritat mkpɔsɔŋ ikɔ, edu enye ke idem, kpa ke Daniel emi edidem okosiode enye enyiŋ Belteshazzar. Yak ekot Daniel edi, ndien enye eyesiak nte ŋwed emi asaŋade.

DANIEL 5:14

Mmokop ebaŋa fi ŋko, ete ke spirit Abasi odu fi ke idem, ete ke enyuŋ ekut ete ke ɔniɔŋ, ye eti ibuot, ye eti ifiɔk edu fi ke idem.

DANIEL 5:16

Ndien mmokop ebaŋa fi ete ke afo emekeme ndisiak nte ikɔ asaŋade, nnyuŋ ntat mkpɔsɔŋ ikɔ: edieke afo edikemede ndien ŋwed emi ndikot, nnyuŋ nsian mi nte enye asaŋade, eyesine fi purple ke idem, enyuŋ ekɔŋɔ fi ŋkpɔkɔbi gold ke itɔŋ, afo eyenyuŋ ada ɔyɔhɔ itie ubɔŋ ita ke obio.