GENESIS 41:14 - Edisana ñwed Abasi Ibom

¹⁴ Ndien Pharaoh ɔdɔŋ ekekot Joseph edi, ndien mmɔ ewara esio enye ke obube, enye onyuŋ okporo ntaŋ-ebek, onyuŋ ɔkpuhɔ edisine-ŋkpɔ esie, ndien aka ke ebiet Pharaoh.

GENESIS 41:14 ပူးပေါင်းရင်းမြစ်များ

2 SAMUEL 19:24

Ndien Mephibosheth eyen Saul ɔsuhɔre edi ndisobo ye edidem, ndien enye ikeyetke ukot esie, ikonyuŋ idiɔŋke ntaŋebek esie, ikonyuŋ iyetke edisine-ŋkpɔ esie, toto usen oro edidem akadahade, tutu osim usen emi enye afiakde ke ifure.

2 NDIDEM 25:29

onyuŋ ɔkpuhɔre enye edisine-ŋkpɔ ufɔk ŋkpɔkɔbi: ndien enye adia ŋkpɔ ke iso esie kpukpru ini, ke ofuri eyo uwem esie.

ESTHER 5:1

EDIKEM ke ɔyɔhɔ usen ita, Esther esine edisine-ŋkpɔ ɔbɔŋ-aŋwan, edi edida ke esit okure ufɔk edidem, asak iso ese ufɔk edidem: ndien edidem etie ke ebekpo ubɔŋ esie ke ufɔk edidem, asak iso ese usuŋ ufɔk.

EXODUS 10:16

Ndien Pharaoh awara okot Moses ye Aaron edi; ndien enye ɔdɔhɔ ete, Mmedue Jehovah Abasi mbufo, ye mbufo ŋko.

ECCLESIASTES 4:14

Koro enye otode ke ufɔk ŋkpɔkɔbi ada ubɔŋ; koro enye emi akamanade ada ubɔŋ akabare ubuene.

ISAIAH 61:10

Nyedat esit eti-eti ke Jehovah, ukpɔŋ mi eyebre abaŋa Abasi mi: koro enye emesine mi edisine-ŋkpɔ erinyaŋa ke idem, amada ekura edinen ido ofuk mi, kpa nte ɔdɔ-ŋwan ayarade anyanya esiemɔ, ye nte ŋwan ndɔ esinede ŋkpɔ mbana esie ke idem.

ISAIAH 61:3

ete, nnim nnɔ nditɔ Zion eke etuade, nnɔ mmɔ anyanya ke ibuot ntɔŋ, aran idaresit ke ibuot ntuaŋa, ɔfɔŋ-idem itoro ke ibuot mkpa-esit; ndien mmɔ eyekere ete, Ofriyo eti ido emi Jehovah ɔkɔtɔde, man ada ukpono ke esit.

DANIEL 2:25

Ndien Arioch awara ada Daniel oduk ke iso edidem, onyuŋ ɔdɔhɔ enye ntem, ete, Mmokut owo kiet ke otu nditɔ Judah emi eketaŋde edi ken, eke ekemede ndisian edidem nte ndap oro asaŋade.