GENESIS 40:8 - Edisana ñwed Abasi Ibom

⁸ Ndien mmɔ edɔhɔ enye, ete, nnyin ima idaba ndap, ndien owo eke asiakde iduhe. Ndien Joseph ɔdɔhɔ mmɔ ete, Nte idige Abasi asiak ndap? Mbɔk, mbufo ekam etiŋ enɔ mi.

GENESIS 40:8 ပူးပေါင်းရင်းမြစ်များ

GENESIS 40:9

Ndien etubom mme andikama-wine etiŋ ndap esie ɔnɔ Joseph, ete enye, Ke ndap mi, sese vine kiet ada mi ke iso;

GENESIS 41:25

Ndien Joseph ɔdɔhɔ Pharaoh ete, Ndap Pharaoh edi ubɔk kiet: se Abasi oyomde ndinam ke enye asiak ɔnɔ Pharaoh.

ŊWED JOB 33:23

Edieke isuŋutom odude ye enye, andisine-ke-ufɔt, kiet ke otu tɔsin, eke owutde owo eti ido esiemɔ:

ŊWED MME PSALM 25:14

Jehovah etie ufan ye mmɔ eke ebakde enye, ndien enye eyeteme mmɔ ediomi esie.

ISAIAH 8:19

Ndien adaŋemi mmɔ edɔhɔde mbufo, ete, Mbufo ebup ndem, ye mbia-idiɔŋ emi ekunide, enyuŋ enunde ikɔ: nte mbio ikpobupke Abasi mmɔ? (Nte ekpebup) mme akpa-mkpa enɔ mme odu-uwem?

DANIEL 2:11

Ndien ikɔ emi edidem obupde ɔsɔŋ, owo eŋwen baba kiet eke ekemede ndisiak enye nnɔ edidem inyuŋ iduhe, ke mibɔhɔke mme abasi emi iduŋ mmɔ miduhe ye obukidem.

DANIEL 2:27

Ndien Daniel ɔbɔrɔ ke iso edidem, onyuŋ ɔdɔhɔ, ete, Mme ɔfiɔk ŋkpɔ owo ye mbia-idiɔŋ, ye mbon-ŋwed, ye mbia-mfa ikemeke ndiyarare ndibe ŋkpɔ emi edidem obupde;

DANIEL 2:28

edi Abasi emi ayararede ndibe ŋkpɔ odu ke enyɔŋ, ndien edi enye asian edidem Nebuchadnezzar se ididide ke ukperedem usen. Ndap fo ye ŋkukut ibuot fo ke bed fo ekedi mme mmɔ emi;

DANIEL 2:3

Ndien edidem ɔdɔhɔ mmɔ, ete, Mmadaba ndap, ndien esit etimere mi oyom ndifiɔk ndap oro.

DANIEL 2:47

Edidem ɔbɔrɔ Daniel onyuŋ ɔdɔhɔ, ete, Ke akpanikɔ Abasi mbufo edi Abasi mme abasi ye Ɔbɔŋ ndidem: edi enye ayarare ndibe-ndibe ŋkpɔ, koro afo ekemede ndiyarare ndibe ŋkpɔ emi.

DANIEL 4:8

Edikem ke ukpere edem, Daniel, emi enyiŋ esie ekerede Belteshazzar, nte enyiŋ abasi mi asaŋade, emi spirit edisana Abasi onyuŋ odude enye ke idem, oduk edi ke iso mi; ndien ntiŋ ndap oro ke iso esie, nte,

DANIEL 5:16

Ndien mmokop ebaŋa fi ete ke afo emekeme ndisiak nte ikɔ asaŋade, nnyuŋ ntat mkpɔsɔŋ ikɔ: edieke afo edikemede ndien ŋwed emi ndikot, nnyuŋ nsian mi nte enye asaŋade, eyesine fi purple ke idem, enyuŋ ekɔŋɔ fi ŋkpɔkɔbi gold ke itɔŋ, afo eyenyuŋ ada ɔyɔhɔ itie ubɔŋ ita ke obio.

AMOS 3:7

Koro Ɔbɔŋ Jehovah midinamke baba ŋkpɔ kiet, ke mibɔhɔke ini enye ayarade uduak esie ɔnɔ ikɔt esie mme prophet.