GENESIS 40:7 - Edisana ñwed Abasi Ibom

⁷ Ndien enye obup ndidaha owo Pharaoh emi edude ye enye ke ufɔk ukpeme ete esie, ete, Anam didie iso ɔdiɔk mbufo mfin emi?

GENESIS 40:7 ပူးပေါင်းရင်းမြစ်များ

GENESIS 40:6

Edikem ke usenubɔk kiet Joseph oduk ke ebiet mmɔ, okut mmɔ, ndien, sese, mmɔ etie ke mfuhɔ.

GENESIS 42:17

Ndien enye omum mmɔ kpukpru esin ke ufɔk ukpeme ke usen ita.

2 SAMUEL 13:4

Ndien enye ɔdɔhɔ Amnon, ete, Afo, eyen edidem, anam didie ɔdiɔk idem ntem kpukpru ini? Utiŋke unɔ mi? Ndien Amnon ɔdɔhɔ enye, ete, Mmama Tamar, eyeneka Absalom eyenete mi.

NEHEMIAH 2:2

Ndien edidem ɔdɔhɔ mi, ete, Nsinam iso ɔfuhɔde fi, ke afo mudɔŋɔke? Emi idige ŋkpɔ ke mibɔhɔke ndutuhɔ esit. Ndien akamba ndik anam mi eti-eti;

LUKE 24:17

Ndien Enye ɔdɔhɔ mmɔ ete, Nso oruk nneme ke eneme ntem ke isaŋ mbufo? Ndien mmɔ etuak eda, enyuŋ etie mfuhɔ-mfuhɔ.

JUDGES 18:24

Ndien enye ɔbɔrɔ, ete, Mbufo ema eda abasi mi emi ŋkanamde, ye oku, efep. Ndien nso ŋkpɔ efen ke ami nnyene? Mbufo enam didie ndien ebup mi, ete, Nsitibe ye afo?

1 SAMUEL 1:8

Ndien Elkanah ebe esie ɔdɔhɔ enye, ete, Hannah, nsinam afo atuade eyet? Nsinam afo onyuŋ etrede ndidia ŋkpɔ? Nsinam esit ɔdiɔkde fi ntre ŋko-ŋko? Ŋkɔm ami mmɔfɔn ye afo ŋkan nditɔ duop?