GENESIS 4:7 - Edisana ñwed Abasi Ibom

⁷ Afo akpanam eti ŋkpɔ, nte (iso) ikpeneŋekede fi? Edi munamke eti ŋkpɔ, idiɔk ŋkpɔ ke ana ke enyin usuŋ. Enye eyenyuŋ osuk idem ɔnɔ fi, ndien afo eyekan enye.

GENESIS 4:7 ပူးပေါင်းရင်းမြစ်များ

GENESIS 19:21

man ukpɔŋ mi odu uwem. Ndien enye ɔdɔhɔ enye, ete, Sese, mmonyime fi ŋkpɔ emi nde, ndinyuŋ nsoboke obio emi afo ɔdɔhɔde.

GENESIS 3:16

Enye ɔdɔhɔ ŋwan ete, Nyenam ubiak uman fo awawak: ke ubiak ke afo ediman nditɔ; eyenyuŋ osuk idem ɔnɔ uberi ndien enye eyekan fi.

2 SAMUEL 24:23

“O edidem, Araunah ke emen kpukpru ŋkpɔ emi ɔnɔ edidem;” Araunah onyuŋ ɔdɔhɔ edidem, ete, Yak Jehovah Abasi fo ama fi.

2 NDIDEM 8:28

Ekem enye etiene Joram eyen Ahab, aka akaŋwana ekɔŋ ye Hazael edidem Syria ke Ramoth-gilead: ndien mme Syrian enɔ Joram unan.

ŊWED JOB 11:14

Edieke ukwaŋ-ŋkpɔ odude fi ke ubɔk, men enye duɔk anyan usuŋ, kunyuŋ uyak idiɔk ido oduŋ ke tent fo.

ŊWED JOB 11:15

Afo eyemenere ndien iso fo anana ntɔi, eyenyuŋ ɔsɔŋ, udunyuŋ ufeheke ndik.

ŊWED JOB 29:4

Kpa nte ŋkedide ke nsɔŋidem uyen mi, ke ini odu Abasi odude ke tent mi;

ŊWED JOB 42:8

Mbufo eda ndien enaŋ itiaba, ye okukim itiaba, ke idem mbufo, ndien eka ke ebiet owo mi Job, ekewa edifɔp uwa ebaŋa idem mbufo; ndien owo mi Job edinam mkpe-ubɔk ɔnɔ mbufo: koro nyekop nnɔ enye: mbak ami ndinɔ mbufo ufen ndisime ido mbufo: koro mbufo mikɔdɔhɔke se inende ibaŋa mi, nte emi owo mi Job.

MME ŊKE 18:5

Nditeŋe idiɔk owo enyin ifɔnke: ifɔnke ndifik eti owo ke ikpe.

MME ŊKE 21:27

Uwa idiɔk ido edi mbubiam: ŋwaŋwa ediso ke adaŋemi enye adade enye edi ye idiɔk ekikere.

JEREMIAH 3:12

Ka kɔkwɔrɔ ikɔ emi se edem edere, nyuŋ dɔhɔ, ete, Jehovah ɔdɔhɔ, ete, O Israel ama-mfiak-edem, fiak edem; ndibɔpke iso mi nse mbufo: koro ami ndide ima, ŋkɔhɔkede ke nsinsi; uyo Jehovah edi emi.

JEREMIAH 6:20

Frankincense anam didie oto ke Sheba edi ke ɔtɔ mi, eti mbɔkɔk ke anyan idut ŋko? Ndifɔp uwa mbufo inemke nem, mme uwa emem mbufo inyuŋ idatke mi esit.

MICAH 7:18

Anie Abasi ebiet fi, ke efen mme ukwaŋ-ŋkpɔ, ke adahado ke idiɔk ido owo udeme esie emi esuhɔde? Ikɔhɔkede iyaresit esie ke nsinsi: koro enye adatde esit ndifɔn ido.

MALACHI 1:10

Anie ke idem otu mbufo edisin itim? Mbufo inyuŋ ibarake ikaŋ ke itie-uwa mi ke ikpikpu. Jehovah mme udim ɔdɔhɔ ete, Mbufo inemke mi esit baba; inuak-udia emi orode mbufo ke ubɔk inyuŋ inemke mi esit.

MALACHI 1:13

Mbufo enyuŋ edɔhɔ, ete, Sese, ke efek owo didie! Mbufo enyuŋ ebat enye ke mbio, Jehovah mme udim ɔdɔhɔ; mbufo enyuŋ eda ŋkpɔ ŋkanubɔk, ye mbuŋɔ, ye se idɔŋɔde, edi, enyuŋ eda inuak-udia edi: nte nyenyime ndibɔ enye ke ubɔk mbufo? Jehovah ɔdɔhɔ.

MALACHI 1:8

Ndien ke ini mbufo edade nnan edi ediwa, nte idiɔkke? Ndien ke ini mbufo edade mbuŋɔ ye eke ɔdɔŋɔde udɔŋɔ edi, nte idiɔkke? Da enye naŋa sɔk ɔbɔŋ fo; nte enye edinem esit ye afo? Nte enye edinyuŋ okpono iso fo? Jehovah mme udim ɔdɔhɔ.

NUMBERS 32:23

Edi edieke mbufo midinyimeke ndinam ntem, sese, mbufo enam idiɔk ye Jehovah: ndien mbufo etim efiɔk ete ke idiɔk ido mbufo eyesim mbufo.

UTOM MME APOSTLE 10:35

Ke akpanikɔ mmokut nte Abasi iteŋeke owo enyin: edi ke kpukpru idut Enye adadara owo ekededi eke abakde Enye onyuŋ anamde nti ido.

ŊWED MBON ROME 12:1

MMƆDO mmada mbɔm Abasi ŋkpe mbufo ubɔk, nditɔ-ete mi, nte eda ikpɔhidem mbufo enɔ Abasi nte odu-uwem uwa, emi asanade, emi onyuŋ enemde Abasi ndibɔ, koro emi edide uwa eke anade ɔnɔ mbufo ediwa.

ŊWED MBON ROME 14:18

Owo eke asaŋade ke oruk usuŋ emi anam ŋkpɔ ɔnɔ Christ, eneŋere enem Abasi esit, onyuŋ okut itoro ke ubɔk owo.

ŊWED MBON ROME 15:16

ŋkpedi asaŋa-utom Christ Jesus nnɔ mme Gentile, ŋkpe-nyuŋ ŋkama gospel nte oku Abasi, man oto do eriwa mme Gentile akpakabare edi se Abasi adarade ndibɔ, sia Edisana Spirit ama anam enye asana.

ŊWED MBON ROME 6:12

Mmɔdo ekuyak idiɔk-ŋkpɔ ada ubɔŋ ke ikpɔhidem mbufo emi edikpade, esin mbufo esuk ibuot enɔ enye ke mme idiɔk udɔŋ esie:

ŊWED MBON ROME 6:16

Ŋwaŋa nsa O! Nte mbufo ifiɔkke ite mme imɔ idi ifin inɔ ŋkpɔ ekededi eke mme imɔ iyakde ekededi eke mme imɔ iyakde idem inɔ ndisuk ibuot nnɔ enye, ye enye edide idiɔk-ŋkpɔ eke ɔsuŋɔde ke mkpa, ye enye edide nsuk-ibout eke ɔsuŋɔde ke edinen ido.

ŊWED MBON EPHESUS 1:6

enem Enye esit ndinam emi, man ɔwɔrɔ itoro ɔnɔ ubɔŋ mfɔn Esie, emi Enye ɔkɔfɔnde ye nnyin ke Eyen Ima Esie.

1ŊWED TIMOTHY 5:4

Edi edieke ebe-akpa enyenede nditɔ mme nditɔ nditɔ, yak mmɔ oro ekpep ndibem nnam se idotde ye mbon ufɔk, nnyuŋ nsio usiene nnɔ mme eka mmɔ; koro emi ɔfɔnde Abasi ke enyin.

MME HEBREW 11:4

Oto mbuɔtidem Abel ada uwa eke ɔfɔnde akan eke Cain awa ɔnɔ Abasi, emi otode ke esit etiŋ ikɔ edian enye, ete, enye edi edinen owo; Abasi ke Idem Esie edi ntiense abaŋa enɔ esie; ndien oto do enye osuk etetiŋ ikɔ, okposuk edi nte enye ama akakpa.

JAMES 1:15

Ekem idiɔk udɔŋ ama oyomo, aman idiɔk-ŋkpɔ; idiɔk-ŋkpɔ ama ɔkɔkɔri, osioŋo mkpa.

1 PETER 2:5

eyeda mbufo nde, nte mme odu-uwem itiat, ebɔp esin ke ufɔk eke spirit, enyuŋ enam mbufo edi ndisana oku, ndiwa uwa spirit, eke Abasi adarade ndibɔ oto ke Jesus Christ.