GENESIS 4:10 - Edisana ñwed Abasi Ibom

¹⁰ Ndien Enye ete, Afo akanam nso? uyo iyip eyen-uka ke isɔŋ ke eseseme ɔnɔ mi.

GENESIS 4:10 ပူးပေါင်းရင်းမြစ်များ

GENESIS 18:20

Ndien Jehovah ɔdɔhɔ ete, Koro mfiori Sodom ye Gomorrah okponde eti, idiɔk-ŋkpɔ mmɔ onyuŋ

GENESIS 3:13

Ndien Jehovah Abasi ete ŋwan, Nso ke afo akanam emi? Ndien ŋwan ete, Urukikɔt akabiaŋa mi, ndien ndia.

GENESIS 9:5

Nditreke ndiyom iyip mbufo eke uwem mbufo; nyeyom enye ke ubɔk kpukpru unam, ye ke ubɔk owo; nyeyom uwem owo ke ubɔk eyen-ete esie.

2 NDIDEM 9:26

“Ŋkokut iyip Naboth ye iyip nditɔ esie, mkpɔŋ, edi uyo Jehovah: ndien nyesio usiene ye afo ke iŋwaŋ emi, edi uyo Jehovah”. Men enye, ndien, duɔk ke ŋwaŋ oro, ke uyo Jehovah.

2 CHRONICLES 28:9

Ndien prophet Jehovah kiet, ekere Oded, odu do; ndien enye ɔwɔrɔ ɔkɔbiɔŋɔre mbon-ekɔŋ eke edide ke Samaria ke iso, onyuŋ ɔdɔhɔ mmɔ, ete, Sese, koro Jehovah Abasi mme ete mbufo ayatde esit ye Judah, anam enye ada mmɔ esin mbufo ke ubɔk, mbufo emenyuŋ ewot mmɔ, ke iyaresit emi osimde ikpa-enyɔŋ.

ŊWED JOB 16:18

O isɔŋ, kufuk iyip mi, kunyuŋ uyak eseme mi okut itie!

ŊWED JOB 24:12

Owo etie ke obio eseme eseme, ndien ukpɔŋ mmɔ eke eduɔŋɔde afai efiori: ndien Abasi ikereke idiɔk ido oro.

ŊWED MME PSALM 50:21

Ntem ke afo akanam, edi ami ndop uyo; afo ese ete ke mbebiet fi: edi nyetɔhɔ ye afo, nnyuŋ mmen (mme idiɔk ido fo) ndiɔŋ nnim ke iso fo.

ŊWED MME PSALM 72:14

Enye eyefak ukpɔŋ mi osio ke ukut ye nnama: onyuŋ ese iyip mmɔ ke ŋkpɔ-uto.

ŊWED MME PSALM 9:12

Koro enye etide mmɔ ke ini enye obupde ikɔ iyip: enye ifreke eseme mbon ukut.

ŊWED MME PSALM 9:13

Tua mi mbɔm, O Jehovah; se ukut mi eke otode ke mme asua mi, afo emi emende mi ke inua-otop mkpa efep:

EXODUS 3:7

Ndien Jehovah ɔdɔhɔ ete, Mmotim ŋkut ukut ikɔt mi emi edude ke Egypt, mmonyuŋ ŋkop eseme mmɔ ebaŋa mme otuk mmɔ; koro mfiɔkde ubiak mmɔ;

ISAIAH 5:7

koro ufɔk Israel edide iŋwaŋ-vine Jehovah mme udim, mbio Judah enyuŋ edi mkpuk ŋkpɔ emi enemde enye: ndien enye onim enyin ke ikpe, edi, sese, afai; onim enyin ke se inende, edi, sese, eseme.

NUMBERS 35:33

Ndien ŋko mbufo ekubiat isɔŋ emi mbufo edude ke esit: koro iyip abiatde isɔŋ: ndien mmɔ idikemeke ndisio isop nnɔ isɔŋ mbaŋa iyip eke eduɔkde ke esit, ke mibɔhɔke ke iyip owo eke ɔduɔkde enye.

UTOM MME APOSTLE 5:3

Edi Peter ete, Ananias, nsinam Satan ɔyɔhɔde fi esit, esin osu nsu ɔnɔ Edisana Spirit, omum ubak okuk iŋwaŋ akama?

UTOM MME APOSTLE 5:9

Edi peter ɔbɔrɔ enye ete, Anam didie mbufo edukde ediomi ndidomo Spirit Jehovah nse? sese, ukot owo emi ekobukde uberi eda ke enyin-usuŋ, mmɔ eyenyuŋ emen fi ewɔrɔ.

DEUTERONOMY 21:1

KE adaŋemi edikutde okpo owo eke akpade afai ke isɔŋ emi Jehovah Abasi fo ɔnɔde fi, ete ada enye enyene, nte enye anade ke ikɔt, ndien mifiɔkke owo emi okowotde enye:

MME HEBREW 11:4

Oto mbuɔtidem Abel ada uwa eke ɔfɔnde akan eke Cain awa ɔnɔ Abasi, emi otode ke esit etiŋ ikɔ edian enye, ete, enye edi edinen owo; Abasi ke Idem Esie edi ntiense abaŋa enɔ esie; ndien oto do enye osuk etetiŋ ikɔ, okposuk edi nte enye ama akakpa.

MME HEBREW 12:24

ye Jesus emi edide esine-ufɔt obufa ediomi, ye erisime iyip, eke etiŋde se ifɔnde ikan iyip Abel.

JAMES 5:4

Sese, utip mbio-utom emi edɔkde idɔk ke iŋwaŋ mbufo, eke mbufo emumde ekama ke ŋkanubɔk, ke ofofiori; eseme mbon-idɔk omonyuŋ oduk Ɔbɔŋ mme udim ke utɔŋ.

JOSHUA 7:19

Ndien Joshua ɔdɔhɔ Achan, ete, Mbɔk, eyen mi, kpono Jehovah Abasi Israel, nyuŋ toro enye; nyuŋ men se afo akanamde tiŋ nɔ mi, mbɔk, kudip mi.

1 SAMUEL 13:11

Ndien Samuel obup ete, Nso ke afo akanam? Ndien Saul ɔbɔrɔ ete, adaŋemi ŋkutde nte kpukpru owo esuanade ekpɔŋ mi, afo mukonyuŋ udige ke ini oro ekedoride, ye nte mme Philistine ebonode ke Michmash;