GENESIS 37:34 - Edisana ñwed Abasi Ibom

³⁴ Ndien Jacob awak edisine-ŋkpɔ esie, onyuŋ esine ɔfɔŋ-ikpo ke idem, onyuŋ atua eyen esie anyan ini.

GENESIS 37:34 ပူးပေါင်းရင်းမြစ်များ

GENESIS 37:29

Ekem, Reuben afiak aka ke obube oro; edi, sese, Joseph iduhe ke obube; ndien enye

GENESIS 42:38

Ndien enye ɔdɔhɔ ete, Eyen mi idisuhɔkede ika ye mbufo; koro eyen-eka esie ama akpa, enye onyuŋ ɔsuhɔ ikpɔŋ: idiɔk-ŋkpɔ ama onyuŋ etiene enye ke usuŋ emi mbufo edisaŋade ke esit, eyenam iwat mi osuhɔre ke udi ke mfuhɔ.

GENESIS 44:13

Ndien mmɔ ewai edisine-ŋkpɔ mmɔ, kpukpru owo enyuŋ emen ekpat edori ke ass mmɔ, ndien efiak eka ke obio.

2 SAMUEL 1:11

Ndien David, ye kpukpru owo emi edude ye enye, emum edisine-ŋkpɔ mmɔ ewai.

2 SAMUEL 3:31

Ndien David ɔdɔhɔ Joab ye kpukpru owo eke edude ye enye, ete, Mbufo ewai edisine-ŋkpɔ mbufo, enyuŋ ebɔbɔ ɔfɔŋ-ikpo ke idem, enyuŋ etuaŋa ke iso Abner. David edidem onyuŋ etiene ubiom-okpo ke edem.

1 NDIDEM 20:31

Ndien ikɔt esie edɔhɔ enye, ete, Mbɔk, sese, nnyin imokop ite ke ndidem ufɔk Israel edi ndidem mbɔm: mbɔk, yak nnyin ikune ɔfɔŋ ikpo ke isin, inyuŋ ikɔŋɔ uruk ke itɔŋ nnyin, ndien iwɔŋɔ itiene edidem Israel: mme enye eyenim fi uwem.

1 NDIDEM 21:27

Edikem adaŋemi Ahab okopde ikɔ emi, enye awai ɔfɔŋ-idem esie, onyuŋ esine ɔfɔŋ ikpo ke idem, onyuŋ etre udia, onyuŋ ɔsuhɔre ana ke ɔfɔŋ-ikpo, ndien asaŋa suŋ-suŋ.

2 NDIDEM 19:1

EDIKEM ke ini edidem Hezekiah okopde, enye onyuŋ awai edisine-ŋkpɔ esien, onyuŋ esine ɔfɔŋ-ikpo ke idem,

2 NDIDEM 2:12

Ndien adaŋemi Elisha okutde, enye ofiori, ete, Ete mi, ete mi! chariot Israel, ye mbon horse esie. Ndien enye ikwe aba enye. Ndien enye omum ɔfɔŋidem esie, awai ke mbak iba.

2 NDIDEM 22:11

Edikem adaŋemi edidem okopde ikɔ ŋwed ibet oro, enye awai edisine-ŋkpɔ esie.

1 CHRONICLES 21:16

Ndien David emenere enyin esie okut angel Jehovah, nte enye adade ke ufɔt isɔŋ ye enyɔŋ ke akama ofut afai ke ubɔk, anyan ese Jerusalem. Ndien David ye mbiowo esine ɔfɔŋ-ikpo ke idem eduɔŋɔ ke isɔŋ ekubi iso mmɔ.

1 CHRONICLES 7:22

Ndien Ephraim ete mmɔ atua ediwak usen, nditɔ-ete esie enyuŋ eka ndidɔŋ enye esit.

NEHEMIAH 9:1

EKEM ke ɔyɔhɔ usen edip ye inaŋ ke ɔfiɔŋ emi, nditɔ Israel esop idem etre udia, esine ɔfɔŋ-ikpo, ntan onyuŋ odoro mmɔ ke idem.

ŊWED JOB 1:20

Ndien Job adaha ke enyɔŋ, awai ekura esie, onyuŋ okporo ibuot esie, ndien ɔduɔ ke isɔŋ, atuak ibuot.

ŊWED JOB 16:15

Mmokim ɔfɔŋikpo nsine ke idem mi, nnyuŋ nsabare nduk mi ke ntan.

ŊWED JOB 2:12

Ndien mmɔ eda nsan-nsan emenere enyin mmɔ, edi idiɔŋɔke enye, ndien mmɔ emenere uyo mmɔ etua eyet; ndien kpukpru mmɔ ewak ekura mmɔ, enyuŋ eduɔk ntan ke ibuot mmɔ, ese enyɔŋ.

ŊWED MME PSALM 69:11

oro onyuŋ akabare edi se edade esuene mi. Nnyuŋ nda ɔfɔŋ-ikpo nsine ke idem mi; nnyuŋ ŋkabare ndi ufiet mmɔ.

ISAIAH 32:11

Mbufo iban unana ekikere enyek idem: iban ndue-idem, mbufo etimere; esioŋo ŋkpɔ ke idem, etie iferi, ebɔbɔ ŋkpɔ ke isin.

ISAIAH 36:22

Ndien Eliakim eyen Hilkiah emi akarade ufɔk, ye Shebna ewet-ŋwed, ye Joah, eyen Asaph, andiwet ŋkpɔ obio, ewai edisine-ŋkpɔ mmɔ eduk ke ɔtɔ Hezekiah, enyuŋ emen ikɔ Rabshakeh etiŋ enɔ enye.

JEREMIAH 36:24

Edi ndik inamke edidem ye ofuri ikɔt esie emi ekopde kpukpru ikɔ emi, mmɔ inyuŋ iwakke edisine-ŋkpɔ mmɔ.

JEREMIAH 48:37

Koro kpukpru ibuot enyenede ibɔ, enyuŋ efat kpukpru ntaŋebek: enyuŋ ekpi kpukpru ubɔk, ɔfɔŋ-ikpo onyuŋ okune kpukpru isin.

JOEL 2:13

ndien mbufo ewai esit mbufo, ekuwai edisine-ŋkpɔ mbufo, enyuŋ efiak edem etiene Jehovah Abasi mbufo: koro enye enyenede mfɔn ye mbɔm, isɔpke iyaresit, onyuŋ awak ima, onyuŋ atua mkpɔfiɔk ke idiɔk ŋkpɔ.

MATTHEW 11:21

Eyedɔdiɔk ɔnɔ fi Chorazin! Eyedɔdiɔk ɔnɔ fi Bethsaida! Koro edieke ekpekenamde ke Tyre ye Sidon mme utom odudu eke ekanamde ke esit mbufo, mmɔ ekpakabare esit anyan ini ke ɔfɔŋ-ikpo ye ntɔŋ-ukut.

MATTHEW 26:65

Ekem akwa oku awai ekura esie, ete, Enye ama etiŋ ŋkpɔ esuene Abasi: nnyin iyom nso aba ye ntiense? sese, mbufo emokop ikɔ-esuene eke Enye etiŋde.

UTOM MME APOSTLE 14:14

Edi ke ini mme apostle, Barnabas ye Paul, ekopde, mmɔ ewai ɔfɔŋidem mmɔ, ebumere eduk ke otu mbio-obio, efiori ete,

JOSHUA 7:6

Ndien Joshua awai ɔfɔŋidem esiemɔ, onyuŋ ɔduɔ ke isɔŋ okubi iso esie ke iso Jehovah, tutu osim ke mbubreyo, enye ye mbiowo Israel, mmɔ enyuŋ eda ntɔŋ eduɔk ke ibuot mmɔ.

ERIYARARE 11:3

Nyenyuŋ mmen odudu nnɔ ntiense Mi iba, ndien mmɔ eyesine ɔfɔŋ-ikpo etiŋ nte prophet ke thousand usen kiet ye usen ikie iba ye ata.

JUDGES 11:35

Edikem adaŋemi enye okutde eyen oro, enye awai ɔfɔŋidem esie, onyuŋ ɔdɔhɔ ete, Ah, eyen mi, afo anam mi nsuhɔre eti-eti, afo onyuŋ odu ke otu mme mmɔ emi edutuhɔde mi: koro mma ŋkubɔre inua mi nnɔ Jehovah, ndien ndikwe nte mfiakde edem.