GENESIS 32:12 - Edisana ñwed Abasi Ibom

¹² adian ye nditɔ. Afo okonyuŋ ɔdɔhɔ ete, Ami nyefɔfɔn ye afo, nyenyuŋ nnam ubon fo etie nte ntan inyaŋ emi mikemeke ndibat ke uwak.

GENESIS 32:12 ပူးပေါင်းရင်းမြစ်များ

GENESIS 22:17

eyen fo kierakiet; nte nyediɔŋ fi akamba, nyenyuŋ nnam ubon fo ewak eti-eti nte ntantafiɔŋ enyɔŋ, ye nte ntan emi odude ke mben inyaŋ; ubon fo eyenyuŋ enyene enyin-usuŋ mme asua mmɔ:

GENESIS 32:6

Ekem, mme isuŋ-utom oro efiak etiene Jacob, ete, Nnyin ima isim Esau eyen-uka, enye onyuŋ asaŋa edi ndisobo ye afo, owo ikie inaŋ enyuŋ esaŋa ye enye.

1 NDIDEM 4:20

Judah ye Israel ekewak, nte ntan emi odude ke mben inyaŋ ke uwak, ke edia ŋkpɔ, enyuŋ eŋwɔŋ, enyuŋ edaresit.

EXODUS 32:13

Ti Abraham, ye Isaac, ye Israel, ikɔt fo emi afo ɔkɔŋwɔŋɔde ma idem fo ɔnɔ mmɔ, okonyuŋ ɔdɔhɔde mmɔ ete, Nyenam ubon mbufo ewak nte ntantafiɔŋ enyɔŋ; nyenyuŋ nda ofuri isɔŋ emi ŋkɔdɔhɔde mbaŋa, nnɔ ubon mbufo, ndien mmɔ eyeda enye enyene ke nsinsi.

HOSEA 1:10

Edi ibat nditɔ Israel eyetie nte ntan-inyaŋ emi owo mikemeke ndidomo, minyuŋ ikemeke ndibat: ndien ama ekem ke ebiet emi ekedɔhɔde mmɔ, ete, Lo-ammi (mbufo idige ikɔt mi) ke eyɔdɔhɔ mmɔ, ete, Nditɔ Abasi uwem.

NUMBERS 23:19

Abasi idige owo eke enye okposude nsu, inyuŋ idige eyen owo eke enye ɔkpɔkpuhɔre. Nte enye ɔdɔhɔ, ndien etre ndinam?

MATTHEW 24:35

Enyɔŋ ye isɔŋ eyebe efep, edi ikɔ Mi idibehe ifep.

2 ŊWED TIMOTHY 2:13

Edieke nnyin minamke akpanikɔ, Enye osuk edi anam-akpanikɔ; Koro Enye mikemeke ndikpuhɔre ŋkpɔŋ uduot Esie.

TITUS 1:2

Eke Abasi, emi mikemeke ndisu nsu, ekebemde nsinsi ini iso ɔŋwɔŋɔ;

MME HEBREW 11:12

mmɔdo ndien ke idem owo kiet, emi etiede nte ukem-ukem ye akpa-mkpa, ediwak nditɔ ewɔŋɔ emana, ewak udim nte ntantafiɔŋ ke ikpa-enyɔŋ, enyuŋ ekak ibat nte ntan mben inyaŋ.

MME HEBREW 6:17

Ntre sia Abasi oyomde mmɔ emi edidade uŋwɔŋɔ enyene etim ekut ete Enye idikpuhɔkere uduak Esie, Enye ada uŋwɔŋɔ edisin:

1 SAMUEL 15:29

Ndien ŋko Odudu Israel idisuhe nsu, idinyuŋ ikabakere esit: koro enye midige owo eke akabarede esit.