GENESIS 3:21 - Edisana ñwed Abasi Ibom

²¹ Ndien Jehovah Abasi anam edisine ŋkpɔ ke ikpa unam ɔnɔ Adam ye ŋwan esie, esine mmɔ ke idem.

GENESIS 3:21 ပူးပေါင်းရင်းမြစ်များ

GENESIS 3:20

Ndien Adam osio ŋwan esie enyiŋ Eve; koro enye edide eka kpukpru mme andidu uwem.

GENESIS 3:22

Ndien Jehovah Abasi ɔdɔhɔ ete, Sese, owo amakabare edi nte nnyin kiet, ke erifiɔk eti ŋkpɔ ye idiɔk: mmɔdo, mbak enye edinyan ubɔk esie, onyuŋ ada eto uwem ŋko adia, ndien odu uwem ke nsinsi:

GENESIS 3:7

Ndien enyin mmɔ mbiba etara, mmɔ enyuŋ efiɔk ete ke mmimɔ idi iferi; ndien mmɔ ekim ikɔŋ fig edian, enam mbɔbɔ ke idem mmɔ.

ISAIAH 61:10

Nyedat esit eti-eti ke Jehovah, ukpɔŋ mi eyebre abaŋa Abasi mi: koro enye emesine mi edisine-ŋkpɔ erinyaŋa ke idem, amada ekura edinen ido ofuk mi, kpa nte ɔdɔ-ŋwan ayarade anyanya esiemɔ, ye nte ŋwan ndɔ esinede ŋkpɔ mbana esie ke idem.

ŊWED MBON ROME 3:22

edi edinen ido eke Abasi, emi otode ke mbuɔtidem ke Jesus Christ, osim kpukpru owo emi enimde ke akpanikɔ. Koro ubahare iduhe ke otu owo:

1 ŊWED CORINTH 12:23

nnyin inyuŋ imen ukpono eke awakde akan inɔ mme ndido ikpɔhidem eke etiede nnyin nte mmɔ minyeneke ukpono; mme ndido eke miyehe enyuŋ ekabare enyene uyɔhɔ uyai;

2 ŊWED CORINTH 5:21

Abasi akanam Enye emi mikɔfiɔkke idiɔk-ŋkpɔ akabare edi idiɔk-ŋkpɔ ke ntak nnyin; man nnyin ikabare idi edinen ido Abasi ke Enye.