GENESIS 3:17 - Edisana ñwed Abasi Ibom

¹⁷ Ndien enye ɔdɔhɔ eren owo ete, Koro afo okopde uyo aŋwan fo, onyuŋ adiade mfri eto emi ŋkowukde fi, nte, Kudia ke esit: osuk ɔdiɔk ɔnɔ isɔŋ abaŋa fi; ke ukut ke afo edidia ke esit ke ofuri ini uwem fo:

GENESIS 3:17 ပူးပေါင်းရင်းမြစ်များ

GENESIS 3:11

Ndien Enye ete, Anie akasian fi ete ke afo edi iferi? Nte afo ama adia eto emi ŋkowukde fi nte, Kudia ke esit?

GENESIS 3:18

enye eyenyuŋ otibe akpap ye mbara ŋkukwɔ-inɔ ɔnɔ fi; afo eyenyuŋ adia ikɔŋ iŋwaŋ ŋko.

GENESIS 3:6

Ekem ŋwan okut nte eto oro ɔfɔnde ke udia, nte onyuŋ eyede ke enyin, nte eto onyuŋ enemde ndise, ndien enye ada mfri esie adia; onyuŋ ɔnɔ ebe esie ŋko, ndien enye adia.

GENESIS 5:29

obon eyen eren: onyuŋ osio enye enyiŋ Noah, ete, Emi eyedɔŋ nnyin esit ke utom nnyin ye ukut ubɔk nnyin ke isɔŋ emi Jehovah anamde ete ɔdiɔk.

GENESIS 8:21

Ndien Jehovah okop edinem utebe oro, Jehovah onyun ɔdɔhɔ ke esit esiemɔ, ete, Ami nditɔŋɔke aba ntak nsuŋi isɔŋ mbaŋa owo; koro ekikere esit owo ɔdiɔkde toto ke uyen esie: ndinyuŋ ntɔŋɔke aba ntak nsobo kpukpru se idude uwem, nte ŋkanamde.

ŊWED JOB 14:1

OWO eke ŋwan amande ɔmuhɔ usen, onyuŋ ɔyuhɔ ukut:

ŊWED JOB 21:17

Adaŋa didie ke utuenikaŋ mme idiɔk owo onime! nsobo onyuŋ osim mmɔ! Enye edeme ndutuhɔ ke iyaresit esie.

ŊWED MME PSALM 127:2

Mbufo ndibak ndemere, nnyuŋ mbigi nditie, nnyuŋ nta uyo ukut, edi ikpikpu: ntem ke enye ɔnɔ ima esie idap.

ECCLESIASTES 2:11

Ndien ŋwɔŋɔre nse kpukpru ŋkpɔ mi emi ubɔk mi enamde, ye ofuri utom emi ŋkaŋwanade ndinam: ndien sese, kpukpru edi ikpikpu ye idomo eke miwɔrɔke usuŋ: baba udori inyuŋ iduhe ke idak utin.

ECCLESIASTES 2:17

Ndien nsua uwem emi: koro ŋkpɔ eke enamde ke idak utin akabarede ɔdiɔk ye ami: koro kpukpru edide ikpikpu ye idomo eke miwɔrɔke usuŋ.

ECCLESIASTES 5:17

Ndien ŋko enye adia kpukpru usen esie ke ekim, onyuŋ okut ediwak iyaresit, ye udɔŋɔ, ye ifiopesit.

MATTHEW 22:12

onyuŋ ɔdɔhɔ enye ete, Ufan, afo anam didie oduk mi ke musineke ɔfɔŋidem-ndɔ? Edi enye inyeneke se ɔbɔrɔde.

MATTHEW 25:45

Edi Enye eyebɔrɔ mmɔ ete, Ke akpanikɔ ke ndɔhɔ mbufo, Adaŋa nte mbufo mikanamke ŋkpɔ emi inɔ kiet ke otu ata ŋkpri emi, mbufo inamke inɔ Mi.

LUKE 19:22

Ɔbɔŋ ɔdɔhɔ owo oro ete, Nyeda ikɔ-inua fo ŋkpe ikpe nnɔ fi, afo idiɔk owo. Ama ɔfiɔk ete ndi owo nsɔŋ-ido, emi ntaŋde se mmeŋkonimke, nnyuŋ ndɔkde se mme ŋkɔtɔhɔ;

JOHN 16:33

Ntiŋ mme ŋkpɔ emi nnɔ mbufo, man mbufo enyene emem ke Idem Mi. Mbufo eyekut ukut ke ererimbot: edi esɔŋ esit; Ami ŋkakan ererimbot.

ŊWED MBON ROME 3:19

Edi nnyin imɔfiɔk ite se ededi eke ibet etiŋde, ke etiŋ ɔnɔ mmɔ emi edude ke idak ibet; man inua ɔkibɔ kpukpru owo, ofuri ererimbot enyuŋ esine ke idak ubiom-ikpe Abasi:

MME HEBREW 6:8

Edi edieke isɔŋ oro osioŋode ŋkukim ye mbara-ekpe, esin enye, onyuŋ osuk esisit esuŋi enye; ndien ana nte efɔp enye ke ikaŋ ke ukperedem.