GENESIS 3:16 - Edisana ñwed Abasi Ibom

¹⁶ Enye ɔdɔhɔ ŋwan ete, Nyenam ubiak uman fo awawak: ke ubiak ke afo ediman nditɔ; eyenyuŋ osuk idem ɔnɔ uberi ndien enye eyekan fi.

GENESIS 3:16 ပူးပေါင်းရင်းမြစ်များ

GENESIS 4:7

Afo akpanam eti ŋkpɔ, nte (iso) ikpeneŋekede fi? Edi munamke eti ŋkpɔ, idiɔk ŋkpɔ ke ana ke enyin usuŋ. Enye eyenyuŋ osuk idem ɔnɔ fi, ndien afo eyekan enye.

1 CHRONICLES 4:9

Ndien Jabez enyene ukpono akan nditɔ-ete esie: eka esie onyuŋ osio enye enyiŋ Jabez, ete, Koro mmande enye ke ubiak.

ESTHER 1:20

Ndien adaŋemi mmɔ edikopde ebaŋa ewuhɔ edidem emi enye edinamde ke ofuri isɔŋ ubɔŋ esie (koro enye okponde) kpukpru iban, ŋkpri ye ikpɔ, eyenɔ mme ebe mmɔ ukpono.

ŊWED MME PSALM 48:6

Unyek-idem omum mmɔ do, nte ubiak omumde ŋwan uman.

ISAIAH 13:8

ubiak ye ndutuhɔ emum mmɔ; mmɔ emiaŋa nte ŋwan uman; kiet ese kiet eyik; iso mmɔ esak nte ikaŋ.

ISAIAH 21:3

Oro esin ata ndik ɔyɔhɔ mi ke isin: ubiak omum mi, nte ubiak aŋwan uman: se ŋkopde anam idem esiŋede mi; se ŋkutde esin mi ndutime.

ISAIAH 53:11

Enye eyekut se itode ke ukut ukpɔŋ eise ɔyuhɔ: edinen owo mi eyeda ifiɔk esie anam ikɔ asana ediwak owo; eyenyuŋ obiom mme idiɔk ido mmɔ.

JEREMIAH 13:21

Afo edidɔhɔ didie ke ini eke enye edinɔde fi ufen? (Ŋkɔm afo amayak mmɔ emehe ndida ata ubɔŋ fo:) nte ubiak idimumke fi nte omumde ŋwan uman?

JEREMIAH 22:23

O andiduŋ Lebanon, emi enamde efɔk fo ke mme cedar, editua fi mbɔm didie ke ini ndutuhɔ ye ubiak, nte eke aŋwan uman, edisimde fi?

JEREMIAH 4:31

Koro ŋkopde uyo ebiet aŋwan uman, ubiak ebiet eke ŋwan eke amande akpan eyen, uyo adiaha zion, enye eŋwek, anyan ekaubɔk esie; ete, “Mbɔm mi ndien: koro mme owot-owo esinde ukpɔŋ akpa mi.”

JEREMIAH 49:24

Idem emem Damascus, enye akabare ete ifehe, ndik onyuŋ omum enye; ukut ye ubiak nte eke aŋwan uman etuk enye.

JEREMIAH 6:24

Nnyin imokop etop esie: ubɔk nnyin emekabare emem: nnanenyin omomum nnyin, ubiak ebiet eke aŋwan uman.

NUMBERS 30:13

Kpukpru akaŋa, ye kpukpru mbet emi enye ɔŋwɔŋɔde ndituhɔ idem esie, ebe esie onyuŋ ekeme ndibiat.

JOHN 16:21

Ke ini uman otukde ŋwan, enye odu ke mfuhɔ koro ekemde ini esie: edi ke ini enye ama aman eyen, enye itihi aba ndutuhɔ ɔnɔ idara, emi owo amanade oduk ererimbot.

1 ŊWED CORINTH 11:3

Edi nyom mbufo ediɔŋɔ ete Christ edi Ibuot ɔnɔ kpukpru irenowo; erenowo onyuŋ edi ibuot ɔnɔ ŋwan; Abasi onyuŋ edi Ibuot ɔnɔ Christ.

1 ŊWED CORINTH 14:34

Yak iban edop uyo etie suŋ ke ufɔk Abasi; koro iyakke mmɔ etiŋ ikɔ; mmɔ enyene ndidu ke nsuk-idem, nte ibet etemede.

1 ŊWED CORINTH 7:4

Ŋwan inyeneke odudu ndida ikpɔhidem esie nnam nte ededi, edi ebe enyene odudu ke idem ŋwan: ntre ŋko ke ebe inyeneke odudu ndida ikpɔhidem esie nnam nte ededi, edi ŋwan enyene odudu ke idem ebe.

ŊWED MBON COLOSSAE 3:18

Iban, esuk idem enɔ mme ebe mbufo, nte odotde ke Ɔbɔŋ.

1 ŊWED THESSALONICA 5:3

Ini mme owo edɔhɔde ete, idu ke emem ye ifure, kpa adaŋoro ke nsobo abuat mmɔ, nte emi uman abuatde ŋwan idibi; ndien mmɔ idikwe usuŋ ubɔhɔ.

1ŊWED TIMOTHY 2:13

Koro ekebem iso ebot Adam, ndien edibot Eve.

1ŊWED TIMOTHY 2:15

edi eyenyaŋa enye ke ntak uman eke ŋwan akamande, edieke mmɔ etiede ke mbuɔtidem ye ima ye edisana ido ɔkɔrɔ ye eti ibuot.

TITUS 2:5

ema nditɔ mmɔ, enyene eti ibuot, enyene but, etie ke ufɔk enam ŋkpɔ, enyene mfɔn-ido, enyuŋ esuk idem enɔ ebe mmɔ; mbak ikɔ Abasi edidia esuene.