GENESIS 28:12 - Edisana ñwed Abasi Ibom

¹² Ndien enye adaba ndap, ndien, se, udigukot eke adade ke isɔŋ, ibuot esie onyuŋ osim ke enyɔŋ; ndien, sese mme angel Abasi ke edɔk enyuŋ esuhɔre ke esit.

GENESIS 28:12 ပူးပေါင်းရင်းမြစ်များ

GENESIS 15:1

KE ŋkpɔ emi ema ekebe, ikɔ Jehovah osim Abram ke ŋkukut, ete, Kufehe ndik, Abram: Ami ndi otu ekɔŋ fo, utip fo awak eti-eti.

GENESIS 15:12

Ekem ke ini eyo oyomde ndikut, ɔkpɔsɔŋ idap edimun Abram; ndien, sese, akamba ekim ɔduɔ enye ke idem, ndik onyuŋ omum enye.

GENESIS 20:3

Edi Abasi etiene Abimelech ke ndap ke okoneyo kiet, ndien ɔdɔhɔ enye ete, Sese afo amakpa abaŋa ŋwan emi afo adade, koro enye edide ŋwan owo.

GENESIS 41:1

EKEM ke utit isua iba Pharaoh adaba ndap: ndien, sese, enye ada ke mben akpa.

1 NDIDEM 19:5

Ekem enye ana ke idak juniper oro ede idap, ndien, se do, angel kiet atuak enye, onyuŋ ɔdɔhɔ enye, ete, Daha ke enyɔŋ dia ŋkpɔ.

2 CHRONICLES 16:9

Koro enyin Jehovah esaŋade ke ofuri ererimbot, ete isɔŋɔ imum mmɔ eke ofuri esit mmɔ odude ye enye ikama. Afo amanam ndisime ke ŋkpɔ emi; koro toto ke ini emi afo eyenyene ekɔŋ.

ISAIAH 41:10

Kudige, koro ami ndude ye afo: kunyek idem, koro ami ndide Abasi fo: nyesɔŋɔ fi idem; nditreke ndinyaŋa fi; nditreke ndimum fi ŋkama ke edinen ubɔk nnasia mi.

DANIEL 7:1

KE akpa isua Belshazzar edidem Babylon, Daniel okut ndap kiet ye ŋkukut ibuot esie ke bed esie. Ndien enye ewet ndap oro, onyuŋ obuk ofuri ikɔ oro.

NUMBERS 12:6

Ndien enye ɔdɔhɔ ete, Mbufo ekop ndien ikɔ mi: edieke prophet ediduŋde ke otu mbufo, ami Jehovah nyeyarare idem mi nnɔ enye ke ŋkukut, nnyuŋ ndɔhɔ ye enye ke ndap.

MATTHEW 1:20

Edi ke adaŋemi enye ekerede mme ŋkpɔ emi, sese, angel Jehovah ɔbiɔŋɔre enye ke iso ke ndap, ete enye, Joseph, eyen David, kufehe ndida Mary ŋwan fo nnyɔŋ ufɔk: koro idibi oro enye oyomode oto ke Edisana Spirit.

MATTHEW 2:19

Edi ke ini Herod ama akakpa, sese, angel Jehovah ɔbiɔŋɔre Joseph ke iso ke ndap ke Egypt, ete enye,

JOHN 1:51

Jesus onyuŋ ɔdɔhɔ enye ete, Ke akpanikɔ ke ndɔhɔ mbufo nte, Mbufo eyekut nte enyɔŋ ɔkibɔrede, ye nte mme angel Abasi edɔdɔk esɔsuhɔre edore Eyen Owo ke idem.

MME HEBREW 1:1

ABASI, emi akadade mme prophet etiŋ ikɔ mkpuhɔ-mkpuhɔ ye ke nsio-nsio usuŋ ɔnɔ mme ete nnyin ke eyo oko,

MME HEBREW 1:14

Nte mmɔ kpukpru idige mme spirit emi esaŋade utom, emi esiode edɔŋ mmɔ ete, enam ŋkpɔ enɔ mmɔ emi edidade erinyaŋa enyene?