GENESIS 24:12 - Edisana ñwed Abasi Ibom

¹² Ndien enye ɔdɔhɔ, ete, Jehovah Abasi ete mi Abraham, mbɔk, nam iso ɔfɔn mi mfin emi, nyuŋ nam se ifɔnde ye ete mi Abraham.

GENESIS 24:12 ပူးပေါင်းရင်းမြစ်များ

GENESIS 15:1

KE ŋkpɔ emi ema ekebe, ikɔ Jehovah osim Abram ke ŋkukut, ete, Kufehe ndik, Abram: Ami ndi otu ekɔŋ fo, utip fo awak eti-eti.

GENESIS 24:21

Ndien enye enyene owo oro nyɔ, enye odop, ete ifiɔk mme Jehovah ɔnɔ imɔ unen ke usuŋ imɔ mme inɔhɔ.

GENESIS 24:27

Enye onyuŋ ɔdɔhɔ, ete, Ekɔm Jehovah Abasi ete mi Abraham, emi mitreke mfɔn esie ye akpanikɔ esie, ye ete mi: nte ami nsaŋade, Jehovah ada mi edi

GENESIS 24:42

Ekem, ami nsim ke obube mmɔŋ mfin emi, ndien ndɔhɔ nte, Jehovah Abasi ete mi Abraham, mbɔk, edieke afo anamde mi ŋkut unen ke usuŋ mi emi ami ŋkade ke esit:

GENESIS 24:48

Ndien nnuhɔ nnyuŋ ntuak ibuot nnɔ Jehovah, nnyuŋ ntoro Jehovah Abasi ete mi Abraham, emi akanamde mi nsaŋa ke edinen usuŋ, ndida eyen eyen-ete ɔbɔŋ mi nnɔ eyen esie.

GENESIS 26:24

Ndien Jehovah owut enye idem ke okoneyo oro, onyuŋ ɔdɔhɔ, ete, Ami ndi Abasi Abraham usɔ, kufehe, koro ndude ye afo, nyenyuŋ ndiɔŋ fi, nnyuŋ nnam ubon fo ewak, mbaŋa Abraham owo mi.

GENESIS 27:10

Ndien afo emen ɔnɔ usɔ ata, man enye ɔdiɔŋ fi ke mikaikpaha kaŋa.

GENESIS 27:20

Ndien Isaac ɔdɔhɔ eyen esie, ete, Anam didie afo awara okut ntem eyen mi? Ndien enye ete, Koro Jehovah Abasi fo

GENESIS 28:13

Ndien, sese, Jehovah adada ke enyɔŋ, ete, Ami ndi Jehovah Abasi Abraham usɔ, ye Abasi Isaac nde: nda isɔŋ emi afo anade ke esit nnɔ fi ye ubon fo.

GENESIS 31:42

utim ikoduop. Abasi ete mi, Abasi Abraham, ye Enye emi Isaac eteŋede, mikpeduhe ye ami, ke emi ke afo ekpenam mi nnyɔŋ ubɔk-ubɔk. Abasi ama okut ukut mi ye utom ubɔk mi, onyuŋ ekpe edinen-edinen ke okoneyo mkpɔŋ.

GENESIS 32:10

afo; ŋkpekpri ŋkan kpukpru ufɔn, ye kpukpru akpanikɔ emi afo akanamde ye owo fo; ŋkɔm ŋkebe Jordan emi ye esaŋ mi ikpɔŋ; ndien ke emi mma ŋkabare

GENESIS 32:9

Ndien Jacob ɔdɔhɔ, ete, Abasi ete mi Abraham, ye Abasi ete mi Isaac. Jehovah emi ɔdɔhɔde mi ete, Fiak ka ke isɔŋ fo ye obio emana fo, ndien ami nyefɔn ye

GENESIS 43:14

Abasi Andikeme kpukpru akam onyuŋ esin owo oro atua mbufo mbɔm, onyuŋ ayak eyen-ete mbufo eken ɔnɔ mbufo, ye Benjamin. Ndien ami, edieke ebɔde mi nditɔ, yak ebɔ mi.

1 NDIDEM 18:36

Edikem ke ini emi ekam ewade uwa, prophet Elijah asaŋa ekpere, onyuŋ ɔdɔhɔ ete, O Jehovah Abasi Abraham, ye eke Isaac, ye eke Israel, ke ami nnyuŋ ndi owo fo, ke nnyuŋ nnam kpukpru ŋkpɔ emi ke uyo fo.

2 NDIDEM 2:14

Enye onyuŋ ada mantle Elijah oro okotode enye ke idem ɔduɔ, oyibi mmɔŋ, onyuŋ ɔdɔhɔ ete, Enye Jehovah Abasi Elijah? Kpa enye ŋko onyuŋ oyibi mmɔŋ, ndien mmɔŋ abahare edem mbiba: ndien Elisha asaŋa ebe.

NEHEMIAH 1:11

Mbɔk, O Ɔbɔŋ, kpaŋ utɔŋ fo ke mkpeubɔk owo fo, ye ke mkpeubɔk ikɔt fo emi emade ndibak enyiŋ fo: mbɔk, nyuŋ nam owo fo okut unen mfin emi nyuŋ nam owo emi atua enye mbɔm. Ndien ami ndi akama-wine edidem.

NEHEMIAH 2:4

Ndien edidem ɔdɔhɔ mi, ete, Nso ke afo oyom? Ndien ŋkpe Abasi enyɔŋ ubɔk.

ŊWED MME PSALM 118:25

Mbɔk, O Jehovah, mbɔk, nyaŋa: mbɔk, O Jehovah, mbɔk, nam nnyin ikut unen.

ŊWED MME PSALM 122:6

Mbufo enam mkpeubɔk eyom ifure Jerusalem: mmɔ eke emade fi eyetie ke ifure.

ŊWED MME PSALM 127:1

KE mibɔhɔke Jehovah ɔbɔp ufɔk, mmɔ eke ebɔpde ekpa utom ikpikpu ke esit: ke mibɔhɔke Jehovah ekpeme obio, andikpeme ataba idap ikpi-kpu.

ŊWED MME PSALM 37:5

Kpat usuŋ fo nɔ Jehovah, nyuŋ buɔt idem fo ye enye, ndien enye eyenam.

EXODUS 3:15

Ndien Abasi ɔtɔŋɔ ntak ɔdɔhɔ Moses ete, Ntem ke afo edidɔhɔ nditɔ Israel, ete, Jehovah Abasi mme ete mbufo, Abasi Abraham, ye Abasi Isaac, ye Abasi Jacob, ɔdɔŋ mi utom ke ɔtɔ mbufo; emi edi enyiŋ mi ke nsinsi, emi onyuŋ edi se edade eti mi ke kpukpu emana.

EXODUS 3:6

Enye onyuŋ ɔdɔhɔ ŋko ete, Ami ndi Abasi usɔ, Abasi Abraham, ye Abasi Isaac, ye Abasi Jacob. Ndien Moses ofuk iso esie: koro enye efehede Abasi ndise.

MME ŊKE 3:6

Diɔŋɔ enye ke kpukpru usuŋ fo, ndien enye eyeneŋere usuŋ fo onim.

MATTHEW 22:32

Ami ndi Abasi Abraham ye Abasi Isaac, ye Abasi Jacob? Enye idige Abasi mme akpa-mkpa, edi edi eke mme odu-uwem.

ŊWED MBON PHILIPPI 4:6

Ekutimere esit ke baba ŋkpɔ kiet, edi ke kpukpru ŋkpɔ, esaŋa ye akam ye mkpe-ubɔk ye ekɔm, esian Abasi se mbufo eyomde.