GENESIS 22:17 - Edisana ñwed Abasi Ibom

¹⁷ eyen fo kierakiet; nte nyediɔŋ fi akamba, nyenyuŋ nnam ubon fo ewak eti-eti nte ntantafiɔŋ enyɔŋ, ye nte ntan emi odude ke mben inyaŋ; ubon fo eyenyuŋ enyene enyin-usuŋ mme asua mmɔ:

GENESIS 22:17 ပူးပေါင်းရင်းမြစ်များ

GENESIS 12:2

ndiwutde fi: ndien nyenam fi akabare edi akamba idut, nnyuŋ ndiɔŋ fi, nnyuŋ nnam enyiŋ fo okpon; afo eyenyuŋ edi se ediɔŋde:

GENESIS 13:16

Nyenyuŋ nsin ubon fo edi nte ntan isɔŋ: koro ini owo ekeme ndibat ntan isɔŋ, ndien ekeme ndibat ubon fo nde.

GENESIS 15:5

Ndien enye ada enye ɔwɔrɔ ke edem esa, ete, Nam se enyɔŋ ko, nyuŋ bat ntantafiɔŋ, edieke afo ekemede ndibat mmɔ: onyuŋ ɔdɔhɔ enye ete, Ntem ke ubon fo editie.

GENESIS 17:6

Nyenyuŋ nnam fi ɔtɔt eti-eti nnyuŋ nnam fi akabare edi idut, ndidem eyenyuŋ eto fi ke idem.

GENESIS 24:60

Ndien mmɔ ediɔŋ Rebekah, ete enye, Afo edi eyen - eka nnyin, di eka ata ediwak tɔsin owo, yak ubon fo enyuŋ eda inua otop mbon usua mmɔ enyene.

GENESIS 25:11

aŋwan esie ekebuhɔ. Edikem ke Abraham ama akakpa, Abasi ɔdiɔŋ Isaac eyen esie: Isaac onyuŋ oduŋ ke edem idim mmɔŋ uwem erikut.

GENESIS 26:24

Ndien Jehovah owut enye idem ke okoneyo oro, onyuŋ ɔdɔhɔ, ete, Ami ndi Abasi Abraham usɔ, kufehe, koro ndude ye afo, nyenyuŋ ndiɔŋ fi, nnyuŋ nnam ubon fo ewak, mbaŋa Abraham owo mi.

GENESIS 26:4

nyenyuŋ nnam ubon fo ɔtɔt nte ntantafiɔŋ ke enyɔŋ, nnyuŋ nnɔ ubon fo mme idut emi kpukpru: ndien ofuri ekondo eyekut mfɔn

GENESIS 28:3

Laban eyen-ete uka. Ndien Abasi Ibom eyediɔŋ fi, eyenyuŋ anam fi ɔtɔt, onyuŋ awak, ndien afo eyekabare akamba otu owo;

GENESIS 28:4

ndien enye ada eridiɔŋ emi enye ɔkɔdiɔŋde Abraham, ɔnɔ fi ye nditɔ fo ŋko; kpaŋ afo ekpenyene isɔŋ emi afo edide oduduŋ ke esit, emi Abasi ɔkɔnɔde Abraham.

GENESIS 32:12

adian ye nditɔ. Afo okonyuŋ ɔdɔhɔ ete, Ami nyefɔfɔn ye afo, nyenyuŋ nnam ubon fo etie nte ntan inyaŋ emi mikemeke ndibat ke uwak.

GENESIS 32:13

Ndien enye adaŋ do ke okoneyo oro; onyuŋ ada se idukde enye ubɔk onim ke enɔ Esau eyen-eka

2 SAMUEL 17:11

Edi ami nteme, nte, Yak ofuri Israel, ɔtɔŋɔde ke Dan tutu osim ke Beersheba, ebono ke ɔtɔ fo, nte ntan emi odude ke mben inyaŋ ke uwak; afo ke idemfo nyuŋ ka ekɔŋ.

1 NDIDEM 4:20

Judah ye Israel ekewak, nte ntan emi odude ke mben inyaŋ ke uwak, ke edia ŋkpɔ, enyuŋ eŋwɔŋ, enyuŋ edaresit.

1 NDIDEM 9:26

Edikem Solomon onyuŋ anam ubom-mbakara ke Ezion-geber, emi ekperede Eloth, ke mben Ididuot Inyaŋ, ke isɔŋ Edom.

1 CHRONICLES 27:23

Edi David ibatke mmɔ eke edide isua edip, ye mmɔ eke misimke oro: koro Jehovah ɔkɔdɔhɔde, ete ke imɔ iyenam Israel ewak nte ntantafiɔŋ enyɔŋ.

2 CHRONICLES 1:9

O Jehovah Abasi, yak ikɔ fo ndien ɔsɔŋ ada ye David ete mi: koro afo omonim mi ke edidem mbio emi ewakde nte ntan-isɔŋ.

NEHEMIAH 9:23

Afo onyuŋ anam nditɔ mmɔ ewak nte ntantafiɔŋ enyɔŋ, onyuŋ ada mmɔ oduk ke isɔŋ oro afo ɔkɔŋwɔŋɔde ɔnɔ mme ete mmɔ, ete ke mmɔ eyeduk ekeda.

EXODUS 32:13

Ti Abraham, ye Isaac, ye Israel, ikɔt fo emi afo ɔkɔŋwɔŋɔde ma idem fo ɔnɔ mmɔ, okonyuŋ ɔdɔhɔde mmɔ ete, Nyenam ubon mbufo ewak nte ntantafiɔŋ enyɔŋ; nyenyuŋ nda ofuri isɔŋ emi ŋkɔdɔhɔde mbaŋa, nnɔ ubon mbufo, ndien mmɔ eyeda enye enyene ke nsinsi.

ISAIAH 48:19

Ndien nditɔ fo ekpebiet ntan, se iwɔrɔde fi ke idibi okponyuŋ ebiet se iwɔrɔde enye ke idibi; ikpesibeke ikponyuŋ isoboke enyiŋ esie ifep ke iso mi.

JEREMIAH 32:22

onyuŋ ɔnɔ mmɔ isɔŋ emi afo ɔkɔŋwɔŋɔde ɔnɔ mme ete mmɔ, ete iyenɔ mmɔ, isɔŋ eke ɔfiɔrɔde mmɔŋeba ye aran-ɔkwɔk:

JEREMIAH 33:22

Kpa nte emi mikemeke ndibat me udim enyɔŋ, minyuŋ ikemeke ndidomo ntan inyaŋ; kpa ntre ke ndinam ubon David, owo mi, ye mme Levite emi esaŋade utom enɔ mi, ewak.

HOSEA 1:10

Edi ibat nditɔ Israel eyetie nte ntan-inyaŋ emi owo mikemeke ndidomo, minyuŋ ikemeke ndibat: ndien ama ekem ke ebiet emi ekedɔhɔde mmɔ, ete, Lo-ammi (mbufo idige ikɔt mi) ke eyɔdɔhɔ mmɔ, ete, Nditɔ Abasi uwem.

HOSEA 2:1

MBUFO edɔhɔ nditɔ-ete mbufo, ete, Ikɔt mi; enyuŋ edɔhɔ nditɔ-ete mbufo iban, ete, Ruha-mah (Emetua fi mbɔm).

MICAH 1:9

Koro unan esie odorode ufiɔn; koro enye osimde Judah: enye omoduk ke inua-otop ikɔt mi, kpa ke Jerusalem.

ŊWED MBON ROME 4:13

Koro itoho ke ibet ke ekenɔ Abraham ye nditɔ esie uŋwɔŋɔ, ete enye edida ererimbot enyene, edi oto ke edinen ido eke mbuɔtidem adade edi.

ŊWED MBON ROME 9:27

Edi Isaiah ofiori abaŋa Israel ete, Ibat nditɔ Israel akpawakde nte ntan mben inyaŋ, edi nsuhɔ ke edinyaŋa:

1 ŊWED CORINTH 15:57

edi yak ekɔm enyene Abasi, emi ɔnɔde nnyin erikan, oto ke Ɔbɔŋ nnyin Jesus Christ.

ŊWED MBON EPHESUS 1:3

Itoro enyene Abasi ye Ete Ɔbɔŋ nnyin Jesus Christ, emi akadade kpukpru ŋkpɔ mfɔn eke spirit ke mme itie heaven ɔdiɔŋ nnyin ke Christ.

DEUTERONOMY 1:10

Jehovah Abasi mbufo ama anam mbufo etɔt, ndien, sese, mfin emi mbufo emewak nte ntantafiɔŋ ke ikpa-enyɔŋ.

DEUTERONOMY 1:11

Jehovah Abasi mme ete mbufo akpakam ɔkɔrɔ mbufo utim ikotɔsin ewak ekan adaŋa nte mbufo edide, onyuŋ ɔdiɔŋ mbufo, kpa nte enye ɔkɔdɔhɔde mbufo.

DEUTERONOMY 10:22

Mme usɔ, owo ata ye duop esuhɔde ke Egypt; ndien ke emi Jehovah Abasi fo ama anam fi awak nte ntantafiɔŋ enyɔŋ.

DEUTERONOMY 13:17

Ndien baba ofuri ŋkpɔ nsobo oro kiet okudiana fi ke ubɔk: man Jehovah akpadahado ke ikaŋ iyaresit esie, onyuŋ atua fi mbɔm, onyuŋ okop fi uduk, ndien anam fi ɔtɔt, kpa nte enye ɔkɔŋwɔŋɔde ɔnɔ mme usɔ:

DEUTERONOMY 13:18

ke ini afo okopde uyo Jehovah Abasi fo, onyuŋ onimde kpukpru mbet esie emi ami ntemede fi mfin emi, ke anam se inende ke enyin Jehovah Abasi fo.

DEUTERONOMY 21:19

ndien yak ete esie ye eka esie emum enye ɔwɔrɔ, eda esɔk mbiowo obio mmɔ, ke enyin-usuŋ ebiet mmɔ;

MME HEBREW 11:12

mmɔdo ndien ke idem owo kiet, emi etiede nte ukem-ukem ye akpa-mkpa, ediwak nditɔ ewɔŋɔ emana, ewak udim nte ntantafiɔŋ ke ikpa-enyɔŋ, enyuŋ ekak ibat nte ntan mben inyaŋ.

MME HEBREW 6:14

Enye otomo Idem Esie, ete, Ke akpanikɔ nditreke tre ndidiɔŋ fi nnyuŋ nnam fi ɔtɔt.

ERIYARARE 11:15

Ekem ɔyɔhɔ angel itiaba ofri ukorowo; ndien mkpɔsɔŋ uyo ewɔrɔ ke heaven, mmɔ enyuŋ edɔhɔ ete, Obio ubɔŋ ererimbot emi amakabare edi Obio Ubɔŋ Ɔbɔŋ nnyin ye Christ Esie. Enye eyenyuŋ ada ubɔŋ ke nsinsi-nsinsi.