GENESIS 20:7 - Edisana ñwed Abasi Ibom

⁷ Yak ŋwan owo oro afiak, ndien; koro owo oro edide prophet, eyenyuŋ anam mkpe-ubɔk ɔnɔ fi, ndien afo eyedu uwem: edi ke muyakke enye afiak, fiɔk ete ke afo ye kpukpru se idide okuo eyekpaŋa.

GENESIS 20:7 ပူးပေါင်းရင်းမြစ်များ

GENESIS 12:15

Ikpɔ owo Pharaoh enyuŋ ekut enye, ndien eketoro enye enɔ Pharaoh: ndien eda ŋwan oro eka ke ufɔk Pharaoh:

GENESIS 12:17

uman ass, ye camel. Ndien Jehovah amia Pharaoh ye ufɔk esie ata akamba ufen ke ikɔ Sarai, ŋwan Abram.

GENESIS 2:17

Edi ama edi eto ifiɔk, eti ye idiɔk, kudia ke esit: koro ke usen eke afo adiade ke esit afo eyekpa mkpa.

GENESIS 20:18

ediman nditɔ. Koro Jehovah ama ekesiri kpukpru iban ufɔk Abimelech idibi, abaŋa Sarah ŋwan Abraham.

GENESIS 20:3

Edi Abasi etiene Abimelech ke ndap ke okoneyo kiet, ndien ɔdɔhɔ enye ete, Sese afo amakpa abaŋa ŋwan emi afo adade, koro enye edide ŋwan owo.

GENESIS 20:8

Ndien Abimelech abak adaha ke enyɔŋ ke usenubɔk, okot kpukpru nditɔ ufɔk esie, etiŋ kpukpru ikɔ emi ke utɔŋ mmɔ: ndien mbon oro efehe ndik eti-eti.

GENESIS 23:6

ete enye, Kop uyo nnyin, ɔbɔŋ mi: afo edi akwa owo Abasi ke otu nnyin; buk akpa mkpa fo ke udi nnyin eke edide ata eti: baba owo kiet ke otu nnyin idisinke fi udi esie, ite

2 SAMUEL 24:17

Ndien David ɔdɔhɔ Jehovah, ke ini enye okutde angel oro owotde mbio-mbio, ete, Sese, ami ŋkedue, ŋkonyuŋ nnam se ikwaŋade: edi ŋkpri ufene emi ekenam nso? Mbɔk, yak ubɔk fo odoro mi, ye ufɔk ete mi.

1 NDIDEM 13:6

Ndien edidem ɔbɔrɔ owo Abasi oro, ete, Mbɔk, beŋe Jehovah Abasi fo, nyuŋ kpe enye ubɔk nɔ mi, ete Enye ayak ubɔk mi afiak mi ke idem. Ndien owo Abasi oro ebeŋe Jehovah, ndien ubɔk edidem afiak adiana enye ke idem, onyuŋ akabare etie nte akpa.

2 NDIDEM 5:11

Edi Naaman akpaha esit adaha, onyuŋ ɔdɔhɔ ete, Sese, Ŋkese nte ke enye ediwɔrɔ ada, okot enyiŋ Jehovah Abasi esie, onyuŋ ofuŋ ubɔk esie ke ɔtɔ, ndien anam akpa-mfia okure.

1 CHRONICLES 16:22

Mbufo ekutuk enye emi nyetde aran nnim ke edidem mi, ekunyuŋ enam mme prophet mi idiɔk-ŋkpɔ.

2 CHRONICLES 30:18

Koro ediwak otu owo emi etode ke Ephraim, ye ke Manasseh, ye ke Issachar, ye ke Zebulun, mikanamke idem mmɔ esana, edi mmɔ edia passover esin ke usuŋ nte mikewetke.

ŊWED JOB 34:19

Man ɔdɔhɔ enye emi miteŋeke mbɔŋ enyin, minyuŋ isehe mbon inyene ikan ubuene: koro edi ubɔk esie akanam kpukpru.

ŊWED JOB 42:8

Mbufo eda ndien enaŋ itiaba, ye okukim itiaba, ke idem mbufo, ndien eka ke ebiet owo mi Job, ekewa edifɔp uwa ebaŋa idem mbufo; ndien owo mi Job edinam mkpe-ubɔk ɔnɔ mbufo: koro nyekop nnɔ enye: mbak ami ndinɔ mbufo ufen ndisime ido mbufo: koro mbufo mikɔdɔhɔke se inende ibaŋa mi, nte emi owo mi Job.

ŊWED MME PSALM 25:14

Jehovah etie ufan ye mmɔ eke ebakde enye, ndien enye eyeteme mmɔ ediomi esie.

EXODUS 18:17

Ndien ukot Moses ɔdɔhɔ enye ete, Ŋkpɔ emi afo anamde ifɔnke.

EXODUS 4:16

Enye eyenyuŋ ɔdɔhɔ ye mbio oro ɔnɔ fi: ke ntre ke enye editie nte inua fo, afo edinyuŋ etie nte Abasi ɔnɔ enye.

EXODUS 7:1

NDIEN Jehovah ɔdɔhɔ Moses, ete, Sese, mmonim fi ke Abasi nnɔ Pharaoh: ndien Aaron eyen-uka eyedi prophet fo.

JEREMIAH 14:11

Ndien Jehovah ɔdɔhɔ mi, ete, Kunam mkpe ubɔk eti ŋkpɔ unɔ mbio emi.

JEREMIAH 15:1

NDIEN Jehovah ɔdɔhɔ mi, ete, Moses ye Samuel ekpedu ke iso mi, ukpɔŋ mi ikpamaŋa mbio emi: sio mmɔ ke iso mi duɔk, yak mmɔ enyuŋ ewɔŋɔ.

JEREMIAH 27:18

Ndien edieke mmɔ edide prophet, ikɔ Jehovah onyuŋ odude ye mmɔ, yak mmɔ ekpe Jehovah mme udim ubɔk, ete mkpoduoho emi esuhɔde ke ufɔk Jehovah, ye ke ufɔk edidem Judah, ye ke Jerusalem, ekuka ke Babylon.

EZEKIEL 3:18

Ke adaŋemi ndɔhɔde idiɔk owo, nte, Afo udutreke ndikpa: ndien afo mutemeke enye, munyuŋ udɔhɔke, man ɔnɔ idiɔk owo item, ete enye ɔkpɔŋ idiɔk usuŋ esie, man onim enye uwem: enye idiɔk owo oro eyekpa ke mme idiɔk ido esie; ndien nyekpak iyip esie ke ubɔk fo.

EZEKIEL 33:8

Ke ini ndidɔhɔde idiɔk owo, nte, Idiɔk owo, afo udutreke ndikpa; ndien afo mutiŋke unɔ enye, man asian idiɔk owo oro, ete enye ɔkpɔŋ usuŋ esie, enye idiɔk owo ama akpa ke idiɔk ido esie; ndien nyebup iyip esie ke ubɔk fo.

LEVITICUS 6:4

ama ekem, adaŋemi enye eduede ntem, onyuŋ enyenede isop, enye enyene ndien ndiyak mbume emi enye obumede, ye ŋkpɔ nnama emi enye akanamde, mme ebuɔt eke ekebuɔtde enye, mme ŋkpɔ emi osopde, emi enye ɔfiɔhɔde:

LEVITICUS 6:7

ndien oku edisio isop esie ke iso Jehovah; ndien eyefen enye ke ŋkpɔ ekededi eke enye anamde ke eridue ke esit.

UTOM MME APOSTLE 8:24

Edi Simon ɔbɔrɔ ete, Ekpe Ɔbɔŋ ubɔk enɔ mi, ete, se mbufo etiŋde baba kiet okusim mi.

1 ŊWED CORINTH 14:4

Owo eke esemde usem anam idem esie ɔkɔri ke ifiɔk; edi owo eke asiakde uduak Abasi anam ufɔk Abasi ɔkɔri ke ifiɔk.

MME HEBREW 1:1

ABASI, emi akadade mme prophet etiŋ ikɔ mkpuhɔ-mkpuhɔ ye ke nsio-nsio usuŋ ɔnɔ mme ete nnyin ke eyo oko,

MME HEBREW 13:4

Yak kpukpru owo ebat ndɔ ke ŋkpɔ eke ekponode ekunyuŋ esabare bed ndɔ; koro Abasi eyekpe ikpe ye mbon use ye mme esin-efibe.

1 JOHN 5:16

Edieke owo okutde eyen-ete esie anamde idiɔk-ŋkpɔ eke midaha mkpa idi, enye eyenam mkpe-ubɔk, ndien Abasi eyeda uwem ɔnɔ enye, kpa ɔnɔ mmɔ eke minamke idiɔk-ŋkpɔ mkpa. Idiɔk-ŋkpɔ emi adade mkpa edi odu; ndɔhɔke nte owo anam mkpe-ubɔk abaŋa utɔ idiɔk-ŋkpɔ emi.

1 SAMUEL 12:19

Ndien kpukpru owo edɔhɔ Samuel, ete, Kpe Jehovah Abasi fo ubɔk nɔ ikɔt fo, man nnyin ikukpaŋa: koro nnyin imada idiɔkŋkpɔ ke eriyom edidem ikɔrɔ ye mme idiɔk ido nnyin efen.

1 SAMUEL 12:23

Ndien ama edi ami, nsa mi! nduehe Jehovah ke eritre ndikpe enye ubɔk nnɔ mbufo: edi nyeteme mbufo eti ye edinen usuŋ:

1 SAMUEL 7:5

Ndien Samuel ɔdɔhɔ ete, Mbufo ebon ofuri Israel ke Mizpah, man ŋkpe Jehovah ubɔk nnɔ mbufo.

1 SAMUEL 7:8

Ndien nditɔ Israel edɔhɔ Samuel, ete, Kutre ndiseme nnɔ Jehovah Abasi nnyin unɔ nnyin, ete enye anyaŋa nnyin osio mme Philistine ke ubɔk.