GENESIS 2:25 - Edisana ñwed Abasi Ibom

²⁵ Mmɔ mbiba, eren oro ye ŋwan esie, enyuŋ edi iferi, edi inyeneke but.

GENESIS 2:25 ပူးပေါင်းရင်းမြစ်များ

GENESIS 3:7

Ndien enyin mmɔ mbiba etara, mmɔ enyuŋ efiɔk ete ke mmimɔ idi iferi; ndien mmɔ ekim ikɔŋ fig edian, enam mbɔbɔ ke idem mmɔ.

ŊWED MME PSALM 25:3

Kuyak baba owo mmɔ kiet eke ebetde fi okut but: nam mmɔ eke ebiaŋade ke ikpikpu ekut but.

ŊWED MME PSALM 31:17

O Jehovah, kuyak but anam mi; koro nsemede nnɔ fi: yak mme idiɔk owo ekut but, yak mmɔ edop uyo ke obio ekpo.

EXODUS 32:25

Ndien Moses okut nte mmɔ enamde otime-otime: koro Aaron akayakde mmɔ enam otime-otime, man edi se mme asua mmɔ esakde.

ISAIAH 44:9

Kpukpru mmɔ eke esɔide mbiet edi ikpikpu; ŋkpɔ inemesit mmɔ idinyuŋ idoroke udori; ndien ntiense mmɔ kpa idem mmɔ idikwe, idinyuŋ ifiɔkke, man but anam mmɔ.

ISAIAH 47:3

Eyefuhɔre iferi fo, eyenyuŋ ekut but fo ŋko: nyesio usiene, ndinyuŋ nsoboke ye owo baba kiet.

ISAIAH 54:4

Kufehe: koro but midinamke fi; kunyuŋ uyak nsia oyomo fi: koro afo mudukwe esuene: koro afo eyefre but uyen fo; udunyuŋ utihi aba itie-ebe-akpa fo.

JEREMIAH 17:13

Idori-enyin Israel edi Jehovah, but eyenam kpukpru mmɔ eke ekpɔŋde fi. Eyewet kpukpru mmɔ eke ekabarede ekpɔŋ mi esin ke ntan-isɔŋ koro mmɔ ekpɔŋde Jehovah, idim mmɔŋ uwem.

JEREMIAH 6:15

But akpanam mmɔ, koro mmɔ enamde oburobut ido; edi but inamke mmɔ baba, mmɔ inyuŋ ifiɔkke ndikop but: mmɔdo mmɔ eyeduɔŋɔ ke otu mmɔ eke eduɔŋɔde: ke ini eke ndinɔde mmɔ ufen mmɔ eyeduɔŋɔ; Jehovah ɔdɔhɔ.

EZEKIEL 16:61

Ndien afo eyeti usuŋ fo, onyuŋ okop but, ke ini afo ɔbɔde nditɔ-uka iban emi ekponde ekan fi, ɔkɔrɔ ye mmɔ emi ekpride ekan fi: ndien nyeda mmɔ nnɔ fi ke nditɔ-iban, edi idisaŋake ke ediomi fo.

JOEL 2:26

Ndien mbufo eyedia eyuhɔ, enyuŋ etoro enyiŋ Jehovah Abasi mbufo, emi akanamde mme utibe ŋkpɔ ye mbufo: ndien ikɔt mi idikwe but ke nsinsi.

MARK 8:38

Eyen owo eyekop but ye enye, ke ini Enye edide ke ubɔŋ Ete Esie ye ndisana angel Esie.

LUKE 9:26

Koro owo ekededi eke edikopde but ye Ami ye ikɔ Mi, Eyen Owo eyekop but ye enye, ke ini Enye edidide ke ubɔŋ Esie ye Ubɔŋ Ete Esie ye eke ndisana angel.

ŊWED MBON ROME 10:11

Koro Ŋwed Abasi ke ɔdɔhɔ ete, Owo ekededi eke ɔbuɔtde idem ye Enye idikwe but.