GENESIS 2:21 - Edisana ñwed Abasi Ibom

²¹ Ekem Jehovah Abasi anam ɔkpɔsɔŋ idap omum Adam, ndien enye ede: ndien osio ɔkpɔ-ŋkaŋ esie kiet, onyuŋ esiri obuk ke itie esie;

GENESIS 2:21 ပူးပေါင်းရင်းမြစ်များ

GENESIS 15:12

Ekem ke ini eyo oyomde ndikut, ɔkpɔsɔŋ idap edimun Abram; ndien, sese, akamba ekim ɔduɔ enye ke idem, ndik onyuŋ omum enye.

ŊWED JOB 33:15

Ke ndap, ke ŋkukut okoneyo, ke ini ɔkpɔsɔŋ idap ɔduɔde owo ke idem: ke eride idap ke bed;

ŊWED JOB 4:13

Ke ekikere emi etode ke ŋkukut ke okoneyo, ke ŋkpɔsɔŋ idap ɔduɔde owo ke idem.

MME ŊKE 19:15

Ifu anam ɔkpɔsɔŋ idap ɔduɔ owo ke idem: ndien owo nuɔn eyetie biɔŋ.

DANIEL 8:18

Ndien ke ini enye ɔdɔhɔde ye ami, ami ŋkubi iso mi ke isɔŋ nde ɔkpɔsɔŋ idap; ndien enye otuk mi, onyuŋ eneŋere mi onim ke itie mi.

1 ŊWED CORINTH 11:8

Koro ikosioho erenowo ke idem ŋwan, edi esio ŋwan ke idem erenowo;

1 SAMUEL 26:12

Ntre ke David emen eduat, ye abaŋ mmɔŋ, ke ɔtɔ udoribuot Saul; ndien mmɔ enyɔŋ, edi baba owo kiet ikwe, baba owo kiet inyuŋ ifiɔkke, baba kiet inyuŋ idemekede: koro kpukpru mmɔ edede idap; koro ɔkpɔsɔŋ idap Jehovah ɔduɔde mmɔ ke idem.