GENESIS 2:2 - Edisana ñwed Abasi Ibom

² Abasi onyuŋ anam utom esie emi enye akanamde, okure ke ɔyɔhɔ usen itiaba; ndien ke ɔyɔhɔ usen itiaba enye odop kpukpru utom esie emi enye akanamde.

GENESIS 2:2 ပူးပေါင်းရင်းမြစ်များ

GENESIS 1:31

Ndien Abasi okut kpukpru se enye akanamde, ndien, sese efɔn eti eti. Ndien mbubreyo ye usenubɔk edi ɔyɔhɔ usen itiokiet.

GENESIS 2:3

Ndien Abasi ɔdiɔŋ ɔyɔhɔ usen itiaba, onyuŋ anam enye edi edisana; koro ke esit ke enye odop kpukpru utom esie emi Abasi okobotde okonyuŋ anamde.

EXODUS 23:12

Nam utom fo ke ofuri usen itiokiet, ndien ke ɔyɔhɔ itiaba dop; man enaŋ fo ye ass fo etie suŋ, man eyen ofin aŋwan fo ye esen owo enyuŋ eduɔk odudu.

EXODUS 31:15

Yak enam utom ke usen itiokiet; edi ɔyɔhɔ usen itiaba edi akakan sabbath, edisana usen Jehovah kpukpru owo eke enamde ubɔk-utom ke usen sabath, iditreke ndikpa mkpa.

EXODUS 31:17

Enye edi idiɔŋɔ ke ufɔt mi ye nditɔ Israel ke nsinsi: koro Jehovah akadade usen itiokiet anam enyɔŋ ye isɔŋ, ndien odop, onyuŋ ɔduɔk odudu ke ɔyɔhɔ usen itiaba.

ISAIAH 58:13

Afo ama akabare ukot fo osio ke sabbath efep, ke erinam utom fo ke edisana usen mi: ama onyuŋ okot sabbath, ete, inemesit, okot edisana usen Jehovah, ete, ŋkpɔ ukpono; ama onyuŋ okpono enye ke eritre ndinam ido fo, ndinyuŋ ntiene utom fo, nnyuŋ ndɔhɔ ikɔ:

JOHN 5:17

Edi Jesus ɔbɔrɔ mmɔ ete, Ete Mi ke ananam utom tutu osim emi,

DEUTERONOMY 5:14

edi ɔyɔhɔ usen itiaba edi sabbath Jehovah Abasi fo: kunam baba utom ke esit, afo, ye eyen-eren fo, ye eyen fo aŋwan, ye ofin eren fo, ye ofin aŋwan fo, ye enaŋ fo, ye ass fo, ye baba ufene fo kiet, ye esen owo fo eke odude ke obio mbufo; man ofin eren fo ye ofin aŋwan fo eduɔk odudu kpa nte afo.

MME HEBREW 4:10

Koro owo ama okoduk ke nduɔk-odudu Abasi, enye odop utom esie, kpa nte Abasi okodopde utom Esiemɔ.

MME HEBREW 4:4

Koro Enye ɔdɔhɔ ke ebiet kiet abaŋa ɔyɔhɔ usen itiaba ntem ete, Ndien ke ɔyɔhɔ usen itiaba Abasi ɔkɔduɔk odudu ke kpukpru utom Esie: