GENESIS 2:17 - Edisana ñwed Abasi Ibom

¹⁷ Edi ama edi eto ifiɔk, eti ye idiɔk, kudia ke esit: koro ke usen eke afo adiade ke esit afo eyekpa mkpa.

GENESIS 2:17 ပူးပေါင်းရင်းမြစ်များ

GENESIS 2:9

Jehovah Abasi onyuŋ anam isɔŋ otibe kpukpru eto eke enemde ndise enyuŋ efɔnde ndidia; ye eto uwem ŋko ke ufɔt iŋwaŋ, ye eto ifiɔk eti ye idiɔk.

GENESIS 20:7

Yak ŋwan owo oro afiak, ndien; koro owo oro edide prophet, eyenyuŋ anam mkpe-ubɔk ɔnɔ fi, ndien afo eyedu uwem: edi ke muyakke enye afiak, fiɔk ete ke afo ye kpukpru se idide okuo eyekpaŋa.

GENESIS 3:11

Ndien Enye ete, Anie akasian fi ete ke afo edi iferi? Nte afo ama adia eto emi ŋkowukde fi nte, Kudia ke esit?

GENESIS 3:17

Ndien enye ɔdɔhɔ eren owo ete, Koro afo okopde uyo aŋwan fo, onyuŋ adiade mfri eto emi ŋkowukde fi, nte, Kudia ke esit: osuk ɔdiɔk ɔnɔ isɔŋ abaŋa fi; ke ukut ke afo edidia ke esit ke ofuri ini uwem fo:

GENESIS 3:19

Ke ibibiak iso fo ke afo edidia udia, tutu edifiak ke isɔŋ emi esiode fi ke esit: koro afo edide ntan, eyenyuŋ afiak ke ntan.

1 NDIDEM 2:37

Ama ekem ke usen eke afo ediwɔrɔde ebe idim Kedron, afo eyetim ɔfiɔk ete ke udutreke ndikpa: iyip fo eyedoro idemfo ke ibuot.

1 NDIDEM 2:42

Ndien edidem ɔdɔŋ ekekot Shimei edi, onyuŋ ɔdɔhɔ enye, ete, Nte ŋkanamke fi otomo Jehovah, ŋkonyuŋ ŋwukke fi, nte ke usen eke afo ediwɔrɔde aka ke ebiet ekededi, afo eyetim ɔfiɔk ete ke afo udutreke ndikpa. Nte afo ukonyuŋ udɔhɔke mi, ete, “Uyo emi ŋkopde ɔfɔn?”

JEREMIAH 26:8

Edikem adaŋoro Jeremiah ama eketiŋ kpukpru se Jehovah okowukde, ete enye etiŋ ɔnɔ kpukpru owo, ndien mme oku, ye mme prophet, ye kpukpru owo emum enye, ete, Afo emenyene ndikpa.

EZEKIEL 18:13

eke ɔbuɔtde ŋkpɔ adia usiene akaha, onyuŋ ɔbɔde akwa udori: nte enye eyedu uwem? Enye okudu uwem: enye amanam kpukpru mbubiam emi: iditreke ndikpa; iyip esie eyedoro enye ke idem.

EZEKIEL 18:32

Koro Ɔbɔŋ Jehovah ɔdɔhɔde, ete. Mkpa akpa-mkpa inemke mi esit: mbufo ekabare, ndien edu uwem.

EZEKIEL 18:4

Sese, kpukpru ukpɔŋ enyene mi; ukpɔŋ ete ebiet eke eyen, mmɔ edi okimmɔ: ukpɔŋ eke anamde idiɔk eyekpa mkpa.

EZEKIEL 33:14

Ndien ŋko ke ndɔhɔde idiɔk owo, nte, “Afo udutreke ndikpa”; ndien enye akabare ɔkpɔŋ mme idiɔk ido esie, onyuŋ anam edinen ido ye eti ido;

EZEKIEL 33:8

Ke ini ndidɔhɔde idiɔk owo, nte, Idiɔk owo, afo udutreke ndikpa; ndien afo mutiŋke unɔ enye, man asian idiɔk owo oro, ete enye ɔkpɔŋ usuŋ esie, enye idiɔk owo ama akpa ke idiɔk ido esie; ndien nyebup iyip esie ke ubɔk fo.

NUMBERS 26:65

Koro Jehovah ɔkɔdɔhɔde abaŋa mmɔ, ete ke mmɔ enyene ndikpa ke wilderness. Ndien baba owo mmɔ kiet isuhɔke, ibɔhɔke Caleb eyen Jephunneh, ye Joshua eyen Nun.

ŊWED MBON ROME 1:32

Okposuk edi nte mmɔ efiɔkde ewuhɔ Abasi, ete mme andinam oruk ŋkpɔ emi edot mkpa, mmɔ enam mme ido emi ke idem mmɔ, enyuŋ edara mmɔ emi enamde.

ŊWED MBON ROME 6:16

Ŋwaŋa nsa O! Nte mbufo ifiɔkke ite mme imɔ idi ifin inɔ ŋkpɔ ekededi eke mme imɔ iyakde ekededi eke mme imɔ iyakde idem inɔ ndisuk ibuot nnɔ enye, ye enye edide idiɔk-ŋkpɔ eke ɔsuŋɔde ke mkpa, ye enye edide nsuk-ibout eke ɔsuŋɔde ke edinen ido.

ŊWED MBON ROME 6:23

Koro ŋkpɔ-eyen-utom idiɔk-ŋkpɔ edi mkpa, edi enɔ Abasi edi nsinsi uwem ke Christ Jesus Ɔbɔŋ nnyin.

ŊWED MBON ROME 8:2

Koro ibet Spirit uwem ke Christ Jesus ama anam mi mbɔhɔ ibet ndiɔk-ŋkpɔ ye mkpa.

1 ŊWED CORINTH 15:22

Koro nte kpukpru owo ekpaŋade ke Adam, kpa ntre ŋko ke Christ ke eyenam kpukpru owo edu uwem.

1 ŊWED CORINTH 15:56

O mkpa, ifɔt fo enye? Ifɔt mkpa edi idiɔk-ŋkpɔ. Odudu idiɔk-ŋkpɔ edi ibet;

ŊWED MBON GALATIA 3:10

Koro kpukpru mmɔ eke erinam utom ibet edu ke idak isuŋi: koro ewetde ete, Ɔdɔdiɔk ɔnɔ kpukpru owo emi miyireke ke kpukpru mme item eke ewetde ke ŋwed ibet, ite inim mmɔ.

ŊWED MBON EPHESUS 5:14

koro sededi eke eyararede akabare edi uŋwana. Mmɔdo ɔdɔhɔde ete, Demere, afo emi edede idap, Nyuŋ set ke mkpa, Ndien Christ eyeyama ɔnɔ fi.

DEUTERONOMY 27:26

Ɔdɔdiɔk ɔnɔ owo eke minimke kpukpru ikɔ mbet emi, inyuŋ inam mmɔ. Ndien yak kpukpru owo edɔhɔ ete, Amen.

DEUTERONOMY 30:15

Sese, mmada uwem, ye nti ŋkpɔ, ye mkpa, ye idiɔk, nnim fi ke iso mfin emi;

DEUTERONOMY 30:19

Mmowuk enyɔŋ ye isɔŋ, nte edi ntiense ebaŋa mbufo mfin emi; mmada uwem ye mkpa, eridiɔŋ ye isuŋi, nnim fi ke iso; mek uwem, ndien man afo ye nditɔ fo edu uwem:

ŊWED MBON COLOSSAE 2:13

Mbufo emi ekekpaŋade ke eribiat ibet, ye ke eritre ndina mbobi ke obukidem, kpa mbufo ke Abasi okonyuŋ anam edu uwem ye Enye: Enye emefen kpukpru eribiat ibet eke nnyin ikabiatde;

1ŊWED TIMOTHY 5:6

Edi ebe-akpa eke ɔduɔde oduk ke mbre amakpa ke eyo uwem.

JAMES 1:15

Ekem idiɔk udɔŋ ama oyomo, aman idiɔk-ŋkpɔ; idiɔk-ŋkpɔ ama ɔkɔkɔri, osioŋo mkpa.

1 JOHN 5:16

Edieke owo okutde eyen-ete esie anamde idiɔk-ŋkpɔ eke midaha mkpa idi, enye eyenam mkpe-ubɔk, ndien Abasi eyeda uwem ɔnɔ enye, kpa ɔnɔ mmɔ eke minamke idiɔk-ŋkpɔ mkpa. Idiɔk-ŋkpɔ emi adade mkpa edi odu; ndɔhɔke nte owo anam mkpe-ubɔk abaŋa utɔ idiɔk-ŋkpɔ emi.

ERIYARARE 2:11

Yak owo eke enyenede utɔŋ okop se Spirit ɔdɔhɔde mme ufɔk Abasi. Owo eke akande, udiana-akpa mkpa idifiomoke enye.

ERIYARARE 20:14

Enyuŋ emen mkpa ye obio ekpo eduɔk ke akwa ŋkpɔdiɔhɔ ikaŋ. Emi edi udiana mkpa, kpa akwa ŋkpɔdiɔhɔ ikaŋ.

ERIYARARE 20:6

Ɔfɔfɔn ɔnɔ owo emi enyenede udeme ke akpa eriset: enye edi edisana; udiana akpa mkpa inyeneke odudu ke idem mmɔ emi: edi mmɔ eyedi mme oku Abasi ye Christ, mmɔ eyenyuŋ eda ubɔŋ ye Enye ke tɔsin isua.

ERIYARARE 21:8

Edi ama edi mbon esit ndik, ye mmɔ emi minimke ke akpanikɔ, ye mmɔ emi emade mbubiam ido, ye mme owot owo, ye mbon use, ye mbia idiɔŋ, ye mme okpono ndem, ye kpukpru mme osu nsu, udeme mmɔ eyedu ke akwa mkpɔdiɔhɔ emi asakde ye ikaŋ ye brimstone, emi edide udiana mkpa.

JUDGES 3:2

man mme emana nditɔ Israel edi edifiɔk, man enyuŋ eteme mmɔ ekɔŋ, kpa mmɔ eke mikebemke iso ifiɔk enye;

1 SAMUEL 14:39

Koro, ma uwem Jehovah emi anyaŋade Israel, ama odu ye Jonathan eyen mi, enye iditreke ndikpa. Edi baba ofuri owo mmɔ kiet ibɔrɔke enye.

1 SAMUEL 14:44

Ndien Saul ɔdɔhɔ ete, Abasi osuk anam ntre, onyuŋ ɔdɔdiɔŋ anam ntre: afo udutreke ndikpa, Jonathan. Ndien kpukpru owo edɔhɔ Saul, ete,

1 SAMUEL 20:31

Koro adaŋa ini nte eyen Jesse edidude uwem ke isɔŋ, afo udusɔŋɔke uda, ubɔŋ fo idinyuŋ isɔŋɔke ida. Dɔŋ ndien ekeda enye esɔk mi: koro enye edide owo mkpa.

1 SAMUEL 22:16

Ndien edidem ɔdɔhɔ ete, Ahimelech, afo enyene ndikpa, afo, ye ofuri ufɔk usɔ.