GENESIS 19:9 - Edisana ñwed Abasi Ibom

⁹ Ndien mmɔ ete, Daha ke usuŋ. Enyuŋ edɔhɔ, ete, Owo kiet emi edi oduduŋ, ndien enye edikpe obio: nnyin iyekam idiɔk ye afo ikan mbon emi. Ndien mmɔ ebere owo oro, idem Lot, eti-eti, enyuŋ esaŋa ekpere ete ibuŋ

GENESIS 19:9 ပူးပေါင်းရင်းမြစ်များ

GENESIS 11:6

Ndien Jehovah ete, Sese, mbio emi edi kiet, kpukpru mmɔ enyuŋ enyene usem kiet; enyuŋ etɔŋɔ ndinam emi: ndien ke emi idikpanke mmɔ baba ŋkpɔ kiet eke mmɔ edikerede ndinam.

GENESIS 13:12

Abram etie ke isɔŋ Canaan, Lot onyuŋ etie ke obio una-isɔŋ oro, onyuŋ owuk tent esiemɔ osim Sodom.

EXODUS 2:14

Ndien enye ɔdɔhɔ ete, Anie odori fi ete edi ɔbɔŋ ye ebiere-ikpe ke otu nnyin? Nte afo ɔmɔŋ oyom ndiwot mi, kpa nte okowotde eyen Egypt oro? Ndien Moses edige, ete, Emi! ke ŋkpɔ emi ayarare.

MME ŊKE 14:16

Enyene-ibuot owo efehe ndik, onyuŋ ɔwɔŋɔre ɔkpɔŋ idiɔk: edi ndisime owo eseri iseri, onyuŋ ɔsɔŋ enyin.

MME ŊKE 17:12

Ɔfɔn bear eke ewotde nditɔ esie, osobo ye owo, akan ndisime owo ke ebiɔ esie.

MME ŊKE 27:3

Itiat ke odobi, ntan onyuŋ edi mbiomo; edi iyatesit ndisime odobi akan mbiba.

ECCLESIASTES 10:13

eritɔŋɔ ikɔ inua esie edi ndisime: ndien utit inua esie edi idiɔk idat.

ECCLESIASTES 9:3

Emi ɔdiɔk ke kpukpru se mmɔ enamde ke idak utin, emi ŋkpɔ kiet ɔnɔmɔde kpukpru: ndien ŋko idiɔk ɔyɔhɔ nditɔ owo ke esit, idat onyuŋ odu mmɔ ke esit, ke uwem mmɔ; ndien ke ini oro ebede, mmɔ eka mkpa.

ISAIAH 65:5

Da do, kusaŋa ukpere mi, koro nsanade ŋkan fi. Mmɔ emi edi nsuŋikaŋ ke ibuo mi, ikaŋ eke asakde ke ofuri usen.

JEREMIAH 3:3

Mmɔdo ekekpande ukwɔ, ukperedem edim mikonyuŋ idige; ndien afo emenyene ɔkpɔ-iso akpara, unyimeke ndikut but.

JEREMIAH 6:15

But akpanam mmɔ, koro mmɔ enamde oburobut ido; edi but inamke mmɔ baba, mmɔ inyuŋ ifiɔkke ndikop but: mmɔdo mmɔ eyeduɔŋɔ ke otu mmɔ eke eduɔŋɔde: ke ini eke ndinɔde mmɔ ufen mmɔ eyeduɔŋɔ; Jehovah ɔdɔhɔ.

JEREMIAH 8:12

But akpanam mmɔ koro mmɔ enamde ŋkpɔ mbubiam: edi but inamke mmɔ baba ŋko, mmɔ inyuŋ ifiɔkke but iso: mmɔdo mmɔ eyeduɔŋɔ ke otu mmɔ eke ediduɔŋɔde; ke ini eke edade ufen mmɔ eyeduɔŋɔ.

EZEKIEL 16:49

Sese, emi ekedi idiɔk ido Sodom eyen-uka, iseri, ke uyuhɔ udia, ye ata ifure ekenyene enye ye nditɔ-iban esie, ndien enye isɔŋke eyen ukut ye ubuene ubɔk.

MATTHEW 7:6

Ekumen edisana ŋkpɔ enɔ ebua, Ekunyuŋ eduɔŋɔ ŋkpɔ-uto mbufo ke iso mme edi, mbak mmɔ edi-digi ŋkpɔ oro ke ikpat, enyuŋ ewɔŋɔre ediwai mbufo.

1 SAMUEL 17:44

Philistine onyuŋ ɔdɔhɔ David, ete, Diken, ndien nyeda obukkidem fo nnɔ mme inuen enyɔŋ, ye mme unam ikɔt.

1 SAMUEL 2:16

Ndien edieke owo oro ɔdɔhɔde enye, ete, Yak ekutre ndifɔp ikpɔŋ idahemi, ndien afo ada adaŋa nte esit fo oyomde; ndien enye ɔbɔrɔ, ete, Ih ih; kam nɔ ke emi: ndien munɔŋɔ, nyeda ke ŋkanubɔk.

1 SAMUEL 25:17

Fiɔk ndien, nyuŋ kere se afo edinamde: koro emeduak idiɔk-ŋkpɔ enɔ ete nnyin, ye ofuri ufɔk esie: enye onyuŋ edi oburobut owo akan nte owo ekemede ndidɔhɔ ikɔ ye enye.