GENESIS 19:5 - Edisana ñwed Abasi Ibom

⁵ Ndien mmɔ efiori Lot, ete enye, Enye mbon emi edide ke ebiet fo ke mbubreyo emi? da mmɔ wɔrɔ di nɔ nnyin, man nnyin ifiɔk mmɔ.

GENESIS 19:5 ပူးပေါင်းရင်းမြစ်များ

GENESIS 19:6

Ndien Lot ɔwɔrɔ etiene mmɔ ke enyin usuŋ, onyuŋ eberi itim ke edem esie, onyuŋ ɔdɔhɔ

1 NDIDEM 14:24

Ndien mbon-use-sodom edu ke idut oro ŋko: mmɔ enam kpukpru mbubiam mme idut oro Jehovah okosiode ke iso nditɔ Israel ɔduɔk.

1 NDIDEM 22:46

Enye onyuŋ ɔkpɔri mbon-use-sodom eke esuhɔde, eke ekekpɔŋde ke eyo Asa ete esie, ke isɔŋ efep.

ISAIAH 1:9

Ke mikpedige Jehovah mme udim ɔsuhɔ ata ekpri nsuhɔ ɔnɔ nnyin, nnyin ikpekabare itie nte Sodom, ibiet Gomorrah.

ISAIAH 3:9

Ŋwud-iso mmɔ ɔbɔrɔ abaŋa mmɔ; mmɔ enyuŋ eyarare idiɔk ido mmɔ nte eke Sodom, idipke. Ifɔnke fɔn inɔ ukpɔŋ mmɔ! koro mmɔ enamde idem mmɔ idiɔk.

JEREMIAH 3:3

Mmɔdo ekekpande ukwɔ, ukperedem edim mikonyuŋ idige; ndien afo emenyene ɔkpɔ-iso akpara, unyimeke ndikut but.

JEREMIAH 6:15

But akpanam mmɔ, koro mmɔ enamde oburobut ido; edi but inamke mmɔ baba, mmɔ inyuŋ ifiɔkke ndikop but: mmɔdo mmɔ eyeduɔŋɔ ke otu mmɔ eke eduɔŋɔde: ke ini eke ndinɔde mmɔ ufen mmɔ eyeduɔŋɔ; Jehovah ɔdɔhɔ.

EZEKIEL 16:49

Sese, emi ekedi idiɔk ido Sodom eyen-uka, iseri, ke uyuhɔ udia, ye ata ifure ekenyene enye ye nditɔ-iban esie, ndien enye isɔŋke eyen ukut ye ubuene ubɔk.

EZEKIEL 16:50

Ndien mmɔ ekok idem, enyuŋ enam mbubiam ke iso mi: ndien ami mbin mmɔ mfep, ke ini ŋkutde.

EZEKIEL 16:51

Samaria ŋko ikanamke baba ubak idiɔk ido fo; edi afo amanam mbubiam fo awak akan mmɔ, omonyuŋ akan nditɔ-uka iban ke kpukpru mbubiam fo emi afo akanamde.

LEVITICUS 18:22

Kunyuŋ udaŋ ye eren nte edaŋde ye ŋwan: mbubiam edi oro.

LEVITICUS 20:13

Ndien edieke eren owo adaŋde ye eren owo, nte emi edaŋde ye ŋwan, mmɔ mbiba emenam ata oburobut ŋkpɔ: mmɔ enyene ndikpa: iyip mmɔ ɔsɔp mmɔ.

1 ŊWED CORINTH 6:9

mbufo enyuŋ enam ntem ye nditɔ-ete mbufo. Mme nte mbufo ifiɔkke ite, mme anam-ukwaŋido ididaha Obio Ubɔŋ Abasi inyene? Ekubiaŋa idem mbufo. Mbon-use, ye mme okpono-ndem, ye mme esin-efibe,

DEUTERONOMY 23:17

Baba akpara kiet okudu ke otu nditɔ-iban Israel, baba ekpe akpara kiet okunyuŋ odu ke otu nditɔ-iren Israel.

1ŊWED TIMOTHY 1:10

ye mme oburobut owo ye mme owot-ete ye mme owot-eka, ye mme owot-owo, ye mbon use, ye mme anam obukpo ido, ye mme eyip-owo, ye mme osu-nsu, ye mme ada uŋwɔŋɔ ke abiaŋa, ye mme anam ido eŋwen ekededi eke ɔbiɔŋɔde eti erikpep,

2 ŊWED TIMOTHY 3:13

Edi ndiɔi owo ye mbon abiaŋa eyedɔdiɔŋ ediɔk eka iso, ebiaŋa owo, owo eyenyuŋ ebiaŋa mmɔ.

2 PETER 2:2

Ediwak owo eyenyuŋ etiene mmɔ ke mbukpo ido mmɔ: oto mmɔ ke owo eyenyuŋ etiŋ idiɔk edian usuŋ akpanikɔ.

2 PETER 2:7

onyuŋ anyaŋade Lot, edinen owo oro, emi ɔfuhɔde abaŋa mbukpo ido mme anam-idiɔk

JUDE 1:7

Kpasuk ntre ŋko ke Enye ama osio Sodom ye Gomorrah ye ŋkpet-ŋkpet obio eken, emi ekonyuŋ etienede mmɔ esin idem ke use ye ido eke mikemke, onim nte uwut-ŋkpɔ, mmɔ enyuŋ ekut ufen nsinsi ikaŋ.

JUDGES 19:22

Ke ini mmɔ edatde esit ntre, sese, mbio-obio eke edide mme oburobut owo, edikan ufɔk ekuk, etuak usuŋ, enyuŋ edɔhɔ akani-eren oro, ete ufɔk, ete, Da eren oro okodukde ke ufɔk fo, wɔrɔ di, man nnyin ifiɔk enye.