GENESIS 19:17 - Edisana ñwed Abasi Ibom

¹⁷ Edikem ke adaŋemi mmɔ edade mmɔ ewɔrɔ ke edem obio, enye ɔdɔhɔ, ete, Bɔhɔ ye uwem fo; kuse edem fo kunyuŋ uda ke ofuri una-isɔŋ: bɔhɔ ka ke obot, mbak

GENESIS 19:17 ပူးပေါင်းရင်းမြစ်များ

GENESIS 13:10

Ndien Lot emenere enyin esie, ese ofuri una isɔŋ Jordan, nte mmɔŋ awakde ke esit kpukpru, ke Jehovah mika isoboke kaŋa Sodom ye Gomorrah, nte iŋwaŋ Jehovah, nte isɔŋ Egypt, ke edem Zoar.

GENESIS 14:10

Ndien obube bitumen ewak ke itihere Siddim; ndien ndidem Sodom ye Gomorrah efeŋe itɔk, ekeduɔŋɔ do; ndien mmɔ ekesuhɔde efeŋe eka ikpɔ obot.

GENESIS 18:22

Ndien mbon oro ekabare ekpɔŋ ɔtɔ oro, eka ke Sodom: edi Abraham ada kaŋa ke iso Jehovah.

GENESIS 19:18

edisobo fi. Ndien Lot ɔdɔhɔ mmɔ, ete, Mbɔk, Ɔbɔŋ mi kuyak edi ntre.

GENESIS 19:22

Wawara bɔhɔ ka do; koro mme-ŋkemeke ndinam ŋkpɔ tutu afo osim ko: mmɔdo enyiŋ obio oro ekerede Zoar.

GENESIS 19:26

Ekem ŋwan esie ɔwɔŋɔre ese edem, ndien akabare edi adaha inuŋ.

GENESIS 19:30

Ekem, Lot ɔkpɔŋ Zoar, ɔdɔk aka okoduŋ ke obot oro, nditɔ-iban esie iba enyuŋ edu ye enye; koro enye efehede ndiduŋ ke Zoar: ndien enye oduŋ ke aba-itiat kiet, ye nditɔ-iban esie iba.

1 NDIDEM 1:12

Mbɔk kam di, yak nteme fi item, man afo anyaŋa uwem fo, ye uwem Solomon eyen fo.

1 NDIDEM 19:3

Ndien adaŋemi enye okutde, enye adaha ke enyɔŋ, efehe ke uwem esie, aka ke Beersheba, emi enyenede Judah, ndien ɔkpɔŋ akparawa esie do.

ŊWED MME PSALM 121:1

MMƆŊ mmenere enyin mi nse ikpɔ obot. Erinyaŋa mi oto mmɔŋ?

JEREMIAH 48:6

Mbufo efeŋe, enyaŋa uwem mbufo, enyuŋ ebiet juniper ke wilderness.

NUMBERS 16:26

Ndien enye ɔdɔhɔ mbon esop, ete, Mbɔk edaŋa ke mme tent mme idiɔk owo emi, ekunyuŋ etuk baba ŋkpɔ kiet eke mmɔ enyenede, mbak edisobo mbufo ke kpukpru mme idiɔk ido mmɔ.

MATTHEW 3:7

Edi ke ini enye okutde ediwak mme Pharisee ye mme Sadduccee edide edina baptism ke ubɔk esie, enye ete mmɔ, Mbufo nditɔ urukikɔt, anie eketeme mbufo efeŋe ebɔhɔ iyaresit eke edide?

LUKE 12:23

Uwem akan udia, ikpɔhidem onyuŋ akan edisine-ŋkpɔ.

LUKE 9:62

Edi Jesus ɔdɔhɔ enye ete, Baba owo kiet emi akabarede ese edem, ke enye ama ekesin ubɔk ke ufuŋ-isɔŋ, ikemke ndinam utom Ubɔŋ Abasi.

MME HEBREW 2:3

Nnyin idinam didie ibɔhɔ edieke nnyin isinde erinyaŋa eke okponde ntem? eke Ɔbɔŋ ekebemde iso etiŋ, mmɔ emi ekekopde Enye enyuŋ esɔŋɔ ikɔ oro enɔ nnyin;

1 SAMUEL 19:11

Ndien Saul ɔdɔŋ mme isuŋutom ke ufɔk David, ete ekekpeme ewot enye ke usenubɔk: ndien Michal aŋwan David asian enye ete, Ke afo munyaŋake uwem fo ke okoneyo emi, mkpɔŋ afo eyekpa.