GENESIS 18:19 - Edisana ñwed Abasi Ibom

¹⁹ enye ke idem? Koro mmemek enye, kpaŋ enye ekpeteme nditɔ esie ye ufɔk esie eke editienede enye, ete ekpeme usuŋ Jehovah, ndinam se ifɔnde inyuŋ inende; kpaŋ Jehovah akpada kpukpru se ɔkɔdɔhɔde abaŋa Abraham ɔsɔk enye.

GENESIS 18:19 ပူးပေါင်းရင်းမြစ်များ

GENESIS 12:2

ndiwutde fi: ndien nyenam fi akabare edi akamba idut, nnyuŋ ndiɔŋ fi, nnyuŋ nnam enyiŋ fo okpon; afo eyenyuŋ edi se ediɔŋde:

GENESIS 12:3

nyenyuŋ ndiɔŋ mmɔ eke edidiɔŋde fi, nnyuŋ nsuŋi mmɔ eke edidiɔkde ye afo: ndien oto fi kpukpru oruk ererimbot eyekut mfɔn.

GENESIS 17:9

Abasi onyuŋ ɔdɔhɔ Abraham ete, Afo eyenyuŋ ekpeme ediomi mi, afo ye ubon fo eke editienede fi, ke emana mmɔ.

GENESIS 22:18

kpukpru mme idut ke ererimbot eyenyuŋ ekut mfɔn eke otode ke ubon fo, koro afo ama okokop uyo mi.

GENESIS 35:2

Ndien Jacob ɔdɔhɔ ufɔk esie, ye kpukpru owo emi edude ye enye, ete, Mbufo esio kpukpru isen abasi eke edude ke otu mbufo efep, enyuŋ enam idem mbufo esana, enyuŋ ekpuhɔ edisine-ŋkpɔ mbufo.

2 SAMUEL 22:22

Koro ŋkpemede usuŋ Jehovah, mmenyuŋ ndiɔkke ŋkpɔŋ Abasi mi.

2 SAMUEL 7:20

Ndien nso ŋkpɔ eŋwen ke David edidɔhɔ fi? Ŋkɔm afo ɔmɔfiɔk owo fo, O Ɔbɔŋ Jehovah.

1 CHRONICLES 28:9

Ndien afo Solomon eyen mi, fiɔk Abasi usɔ, nyuŋ nam ŋkpɔ esie ke ofuri esit, ye ke ima ukpɔŋ: koro Jehovah ɔduŋɔde kpukpru esit owo, onyuŋ otim ɔfiɔk kpukpru se ekikere obotde: afo ama oyom enye, eyekut enye; edi ama ɔkpɔŋ enye, enye eyemen fi ɔduɔk tutu amama.

2 CHRONICLES 14:3

onyuŋ osioŋo mme itie-uwa isen abasi, ye mme edikoŋ ebiet efep, onyuŋ obom mme adaha, onyuŋ asiak mbio eto;

NEHEMIAH 9:7

Edi afo, O Jehovah Abasi, ekemek Abram, onyuŋ ada enye ke Ur mme Chaldean ɔwɔrɔ, onyuŋ osio enye enyiŋ Abraham;

ŊWED JOB 1:5

Edikem ke mme usen udia oro ekanarede ema, Job akam ɔdɔŋ ekekot mmɔ edi, ndien anam mmɔ esana, ndien ke eyo esierede, enye adaha ke enyɔŋ awa edifɔp uwa ke adaŋa ibat kpukpru mmɔ: koro Job ɔdɔhɔde, ete, Mme nditɔ mi ekenam idiɔk enyuŋ ekpɔŋ Abasi ke esit mmɔ. Ntem ke Job akam esinam kpukpru ini.

ŊWED MME PSALM 1:6

Koro Jehovah ɔfiɔkde usuŋ nti owo: edi usuŋ mme idiɔk owo eyebiara.

ŊWED MME PSALM 11:4

Jehovah odu ke edisana temple esie, ebekpo Jehovah odu ke enyɔŋ; enyin esie ese, mkpɔk eyin esie edomo nditɔ owo.

ŊWED MME PSALM 34:15

Enyin Jehovah ese mbon eti ido, utɔŋ esie onyuŋ ɔbiɔŋɔ ɔnɔ eseme mmɔ.

MME ŊKE 22:6

Tim teme eyenɔwɔŋ nte ekemde ye usuŋ esie: ke ini enye akabarede idem akani owo, enye idikpɔŋke enye.

ISAIAH 38:19

Odu-uwem, idem odu-uwem eyekɔm fi, kpa nte ami nnamde mfin: Ete eyesian akpanikɔ fo ɔnɔ nditɔ.

LEVITICUS 14:42

ndien yak eda itiat efen, esin ke itie itiat oro; enyuŋ eda ntan efen etop ufɔk.

AMOS 3:2

Ŋkɔfiɔk mbufo ikpɔŋ-ikpɔŋ ke otu kpukpru oruk ererimbot: mmɔdo nyenɔ mbufo ufen kpukpru mme idiɔk ido mbufo.

MATTHEW 25:17

Kpasuk ntre ŋko owo emi ɔkɔbɔde iba aŋwana iba efen odori.

JOHN 10:14

Ami ndi eti ekpeme-erɔŋ; mmɔfiɔk se inyenede Mi, se inyenede Mi onyuŋ ɔfiɔk Mi kpa nte Ete ɔfiɔkde Mi,

JOHN 21:17

Jesus obup enye ɔyɔhɔ utim ikata, ete, Simon eyen John nte amama Mi? Peter ɔfuhɔ, koro Enye obupde ɔyɔhɔ ikata, ete, Nte amama Mi? Enye onyuŋ ɔdɔhɔ Jesus ete, Ɔbɔŋ, ɔmɔfiɔk kpukpru ŋkpɔ; Afo ɔmɔfiɔk ete mmama Fi. Jesus ete enye, Bɔk mme erɔŋ Mi.

UTOM MME APOSTLE 27:31

Paul ɔdɔhɔ etubom mbon-ekɔŋ ye mbon-ekɔŋ, ete, Edieke mmɔ emi misɔŋɔke itie ke ubom, mbufo idikemeke ndibɔhɔ.

ŊWED MBON EPHESUS 6:4

Ndien mbufo mme ete, ekufiomo nditɔ mbufo; edi ekama mɔ ke ntunɔ ye item Ɔbɔŋ.

DEUTERONOMY 32:46

ndien enye ɔdɔhɔ mmɔ, ete, Mbufo esin esit mbufo ke kpukpru ikɔ emi ami ntiŋde ke otu mbufo mfin emi, emi mbufo editemede nditɔ mbufo, man ekpeme ndinam kpukpru ikɔ mbet emi.

1ŊWED TIMOTHY 3:12

Mme deacon ekpedi ebe ŋwan kiet; mmɔ ekpetim ekara nditɔ mmɔ, enyuŋ ekama ufɔk mmɔ.

2 ŊWED TIMOTHY 1:5

Koro mmeti ata mbuɔtidem eke odude fi ke esit; eke ekebemde iso oduŋ ke esit eka eka fo Lois, ye ke esit eka fo Eunice, nnyuŋ nnim ke akpanikɔ nte enye etiene odu fi ke idem.

2 ŊWED TIMOTHY 2:19

Edi ɔkpɔsɔŋ isɔŋ, eke Abasi okowukde ufɔk Esie ke esit, ɔsɔŋɔ ada; ndien enyene idiɔŋɔ ke esit ntem, ete, Abasi ɔmɔfiɔk mmɔ emi enyenede Enye; Ye, Yak kpukpru owo emi esemede ekot enyiŋ Ɔbɔŋ edianare ekpɔŋ ukwaŋkpɔ.

2 ŊWED TIMOTHY 3:15

toto ke uyen afo ama ɔfiɔk Edisana Ŋwed Abasi, emi ekemede ndinam fi ɔwɔrɔ ɔniɔŋ ɔbɔ erinyaŋa ke eribuɔt idem ye Christ Jesus.

JOSHUA 24:15

ndien enam ŋkpɔ Jehovah. Edi mbufo mimaŋa ndinam ŋkpɔ Jehovah, emek ke idem mbufo ndien, mfin emi, enye eke mbufo edinamde ŋkpɔ esie: edide mme abasi emi mme ete mbufo, emi edude ke edem akpa oko, enamde ŋkpɔ enɔ mmɔ, onyuŋ edide mme abasi mme Amorite emi mbufo eduŋde ke isɔŋ mmɔ: edi ama edi ami ye ufɔk mi, nnyin iyenam ŋkpɔ Jehovah.

JUDGES 13:12

Ndien enye ete, Edi ami. Ndien Manoah ɔdɔhɔ ete, Ama osu ke uyo fo, nso ididi ido eyen, ye se ekpenamde ye eyen?