GENESIS 15:18 - Edisana ñwed Abasi Ibom

¹⁸ Ke usen oro Jehovah odiomi ediomi ye Abram, ete, Ndada isɔŋ emi nnɔ ubon fo, ɔtɔŋɔde ke akpa Egypt, tutu osim akamba akpa, akpa Euphrates:

GENESIS 15:18 ပူးပေါင်းရင်းမြစ်များ

GENESIS 12:7

Ndien Jehovah ayarade idem esie ɔnɔ Abram ete, Nyemen isɔŋ emi nnɔ ubon fo; ndien enye anam itie uwa do ɔnɔ Jehovah emi akayararede idem esie ɔnɔ enye.

GENESIS 13:15

ye nnasia; koro nyeda ofuri isɔŋ emi afo okutde, nnɔ fi ye ubon fo ke nsinsi.

GENESIS 2:14

Ndien ɔyɔhɔ akpa inaŋ edi Euphrates.

GENESIS 24:7

Jehovah Abasi enyɔŋ, emi akadade mi ke ufɔk ete, ye ke idut emana mi efep, emi okonyuŋ ɔdɔhɔde mi onyuŋ ɔŋwɔŋɔde ɔnɔ mi, ete, Nyenɔ ubon fo idut emi; Enye eyedɔŋ angel esie ebem fi iso, ndien afo eyeda ŋwan ko ɔnɔ eyen mi.

GENESIS 26:4

nyenyuŋ nnam ubon fo ɔtɔt nte ntantafiɔŋ ke enyɔŋ, nnyuŋ nnɔ ubon fo mme idut emi kpukpru: ndien ofuri ekondo eyekut mfɔn

GENESIS 28:4

ndien enye ada eridiɔŋ emi enye ɔkɔdiɔŋde Abraham, ɔnɔ fi ye nditɔ fo ŋko; kpaŋ afo ekpenyene isɔŋ emi afo edide oduduŋ ke esit, emi Abasi ɔkɔnɔde Abraham.

GENESIS 35:12

isin; ndien isɔŋ emi ŋkɔnɔde Abraham ye Isaac, oro ke ndinɔ fi, nyenyuŋ nda isɔŋ oro nnɔ

GENESIS 50:24

Ndien Joseph ɔdɔhɔ nditɔ-ete esie, ete, Ami mmɔŋ ŋkpa: ndien Abasi eyedi ndise mbufo, eyenyuŋ osio mbufo ke isɔŋ emi, ɔdɔk aka ke isɔŋ emi Enye ɔkɔŋwɔŋɔde ɔnɔ Abraham, ye Isaac, ye Jacob.

2 SAMUEL 23:5

Koro nte ufɔk mi itiehe ntem ye Abasi? Koro enye amanam nsinsi ediomi ye ami, emi ediɔŋde ke kpukpru ŋkpɔ, enyuŋ enimde: koro nte enye idinamke ofuri erinyaŋa mi ye ima esit mi etibe?

2 SAMUEL 8:3

David onyuŋ asuan Hadadezer eyen Rehob, edidem Zobah, ke ini enye akade nditɔŋɔ ntak nnim ubɔŋ esie ke edem Akpa (Euphrates).

1 NDIDEM 4:21

Solomon onyuŋ akara kpukpru mme idut, ɔtɔŋɔde ke Akpa ye idut mme Philistine, tutu osim ke adaŋa Egypt: mmɔ etomo utomo; enyuŋ edi ikɔt Solomon ofuri ini uwem esie.

1 NDIDEM 5:1

EKEM Hiram edidem Tyre ɔdɔŋ mme isuŋ esie utom ke ɔtɔ Solomon: koro enye okokopde ete ke ema ekeyet enye aran enim ke edidem ke ibuot ete esie: koro Hiram ekedide ufan David kpukpru ini.

1 CHRONICLES 16:16

emi enye okodiomide ye Abraham, ye uŋwɔŋɔ oro enye ɔkɔŋwɔŋɔde ɔnɔ Isaac;

1 CHRONICLES 5:9

ndien enye oduŋ ke edem usiaha-utin, ɔtɔŋɔde ke akpa Euphrates tutu osim ebiet emi edukde wilderness; koro ufene mmɔ ewakde ke isɔŋ Gilead.

2 CHRONICLES 7:8

Ntre ke Solomon anam usɔrɔ ke ini oro ke ofuri usen itiaba, ye ofuri Israel ŋko, ata akwa esop eti-eti, ɔtɔŋɔde ke ebiet uduk Hamath, tutu osim ke akpa Egypt.

2 CHRONICLES 8:7

Ama edi kpukpru mme Hittite, ye mme Amorite, ye mme Perizzite, ye mme Hivite, ye mme Jebusite emi esuhɔde, emi midige Israel,

2 CHRONICLES 9:26

Enye onyuŋ akara kpukpru ndidem, ɔtɔŋɔde ke Akpa tutu osim ke isɔŋ mme Philistine, ye ke adaŋa Egypt.

EZRA 4:20

Mkpɔsɔŋ ndidem ekenyuŋ edu ke Jerusalem, enyuŋ eda ubɔŋ ke ofuri edem akpa emi; mmɔ enyuŋ edia utomo, ye comey, ye utip.

NEHEMIAH 9:8

afo okonyuŋ okut ete ke esit esie enyene akpanikɔ ke iso fo, afo onyuŋ odiomi ediomi ye enye, ete eyeda isɔŋ mme Canaanite, ye eke mme Hittite, ye eke mme Amorite, ye eke mme Perizzite, ye eke mme Jebusite, ye eke mme Girgashite, ete eyeda enye ɔnɔ ubon esie afo ama onyuŋ anam ke uyo fo ŋko; koro afo enende:

ŊWED MME PSALM 105:11

Nyenɔ fi isɔŋ Canaan, udeme emi edomode enɔ mbufo.

EXODUS 13:11

Ndien ama ekem, ke adaŋemi Jehovah edidade fi oduk ke isɔŋ mme Canaanite, nte emi enye ɔkɔŋwɔŋɔde ɔnɔ fi ye mme usɔ,

EXODUS 2:24

Ndien Abasi okop mmum mmɔ, Abasi onyuŋ eti ediomi emi enye okodiomide ye Abraham, ye Isaac, ye Jacob.

EXODUS 23:23

Koro angel mi eyebem fi iso, eyenyuŋ ada fi aka ebiet mme Amorite, ye mme Hittite, ye mme Perizzite, ye mme Canaanite, ye mme Hivite, ye mme Jebusite;

EXODUS 3:8

mmonyuŋ nsuhɔre ndisio mmɔ nditɔ Egypt ke ubɔk, ndinyuŋ nda mmɔ ŋwɔrɔ ke isɔŋ oro, ndɔk ŋka isɔŋ emi ɔfɔnde, onyuŋ aŋwaŋade, ke isɔŋ emi ɔfiɔrɔde mmɔŋ-eba ye aran-ɔkwɔk; ke ɔtɔ mme Canaanite, ye mme Hittite, ye mme Amorite, ye mme Perizzite, ye mme Hivite, ye mme Jebusite.

EXODUS 32:13

Ti Abraham, ye Isaac, ye Israel, ikɔt fo emi afo ɔkɔŋwɔŋɔde ma idem fo ɔnɔ mmɔ, okonyuŋ ɔdɔhɔde mmɔ ete, Nyenam ubon mbufo ewak nte ntantafiɔŋ enyɔŋ; nyenyuŋ nda ofuri isɔŋ emi ŋkɔdɔhɔde mbaŋa, nnɔ ubon mbufo, ndien mmɔ eyeda enye enyene ke nsinsi.

EXODUS 34:11

Tim kpeme se ami mmɔŋ nteme fi mfin emi: sese, mmɔŋ mbin mme Amorite, ye mme Canaanite, ye mme Hittite, ye mme Perizzite, ye mme Hivite, ye mme Jebusite, ke iso fo mfep.

EXODUS 34:24

Koro nyebin mme idut ke iso fo mfep, nnyuŋ nnam mme adaŋa fo etara: ndien baba owo kiet idiyomke isɔŋ fo, ke ini afo edidɔkde ndiwut Jehovah Abasi fo idem, utim ikata ke isua.

EXODUS 6:4

Mma nnyuŋ nnam ediomi mi ye mmɔ ada, nte nyenɔ mmɔ isɔŋ Canaan, isɔŋ idaŋ mmɔ, emi mmɔ ekedaŋde ke esit.

EXODUS 6:8

Nyenyuŋ nda mbufo nduk ke isɔŋ oro ŋkɔŋwɔŋɔde mbaŋa, nte, Nyeda enye nnɔ Abraham, ye Isaac, ye Jacob; Nyenyuŋ mmen enye nnɔ mbufo nte eda enyene: ami ndi Jehovah.

ISAIAH 27:12

Ndien ama ekem ke usen oro, Jehovah eyetuak, ɔtɔŋɔde ke isɔŋ akpa tutu osim ke idim Egypt, ndien eyetaŋ mbufo kiet kiet ebon, O nditɔ Israel.

ISAIAH 55:3

Mbufo ekpaŋ utɔŋ mbufo, enyuŋ edi etiene mi: ekop, ndien ukpɔŋ mbufo eyedu uwem; ndien nyenam nsinsi ediomi ye mbufo, kpa ŋkpɔ ima David eke edide akpanikɔ.

JEREMIAH 32:22

onyuŋ ɔnɔ mmɔ isɔŋ emi afo ɔkɔŋwɔŋɔde ɔnɔ mme ete mmɔ, ete iyenɔ mmɔ, isɔŋ eke ɔfiɔrɔde mmɔŋeba ye aran-ɔkwɔk:

JEREMIAH 32:40

Nyenyuŋ nnim nsinsi ediomi ye mmɔ, nte ndikabakede ŋkpɔŋ mmɔ, ntre ndifɔn ye mmɔ; nyenyuŋ nda uteŋe mi nsin mmɔ ke esit, man ekukabare ekpɔŋ mi.

LEVITICUS 26:42

nyeti ndien ediomi mi emi ŋkodiomide ye Jacob, nyenyuŋ nti ediomi mi emi ŋkodiomide ye isaac, ye ediomi mi emi ŋkodiomide ye Abraham; nyenyuŋ nti isɔŋ oro.

LEVITICUS 26:45

Ndien nyeti ediomi mme ete mmɔ mbaŋa mmɔ, Koro ŋkosiode mmɔ ke isɔŋ Egypt ke iso mme idut, kpaŋ ŋkpedi Abasi mmɔ: Ami ndi Jehovah.

NUMBERS 34:5

ndien adaŋa ɔkpɔŋ Azmon, ɔwɔŋɔre aka ke akpa Egypt, ndien ɔkɔwɔrɔ ke inyaŋ.

UTOM MME APOSTLE 7:5

edi inɔŋɔ enye udeme do, inɔŋɔ enye baba ɔtɔ kiet nte enye esinde ikpat ke esit: edi ɔŋwɔŋɔ ete, Imɔ iyeda isɔŋ oro inɔ enye enyene, ye ubon esie eke editienede ke edem, kpa ke ini enye mika-inyeneke kaŋa eyen.

DEUTERONOMY 11:24

Kpukpru ebiet eke ikpat ukot mbufo edidigide ke esit, eyenyene mbufo: adaŋa mbufo eyetɔŋɔ ke wilderness, ye ke Lebanon, ye ke akpa, idem akpa Euphrates, tutu akatuak ke inyaŋ ke edem usop-utin.

DEUTERONOMY 12:20

Ke adaŋemi Jehovah Abasi fo edinamde mme adaŋa fo etara, kpa nte enye ɔkɔŋwɔŋɔde ɔnɔ fi, ndien afo eyedɔhɔ ete iyeta unam: koro esit fo amade unam ndita; ta unam ekededi eke esit fo amade ma.

DEUTERONOMY 19:8

Ndien edieke Jehovah Abasi fo anamde adaŋa fo atara, kpa nte enye ɔkɔŋwɔŋɔde ɔnɔ mme usɔ, edinyuŋ ɔnɔde fi ofuri isɔŋ emi enye ɔkɔdɔhɔde ete iyenɔ mme usɔ;

DEUTERONOMY 34:4

Ndien Jehovah ɔdɔhɔ enye, ete, Emi edi isɔŋ emi ŋkɔŋwɔŋɔde nnɔ Abraham, ye Isaac, ye Jacob, nte, Nyeda enye nnɔ ubon fo: mmayak fi okut ke enyin, edi udubehe uka do.

DEUTERONOMY 7:1

KE adaŋemi Jehovah Abasi fo edidade fi oduk ke isɔŋ emi afo akade do ndida enye nnyene, edinyuŋ ebinde ediwak mme idut ke iso fo efep, mme Hittite, ye mme Girgashite, ye mme Amorite, ye mme Canaanite, ye mme Perizzite, ye mme Hivite, ye mme Jebusite, mme idut itiaba emi ekponide enyuŋ ewakde ekan fi;

MME HEBREW 13:20

Ndien Abasi emem, emi akanamde akwa Ekpeme-erɔŋ asaŋa ye iyip nsinsi ediomi eset ke mkpa,

JOSHUA 13:3

ye ofuri Geshuri, ɔtɔŋɔde ke Shihor emi anade ke iso Egypt, tutu osim adaŋa Ekron ese edem edere, emi ebatde ke eke mme Canaanite: mbɔŋ mme Philistine ition; mme Gazite, ye mme Ashdodite, ye mme Ashkelonite, ye mme Gittite, ye mme Ekronite;

JOSHUA 15:4

ndien ebe aka Azmon, ndien ediwɔrɔ ke akpa Egypt; ndien adaŋa oro etre ke mben inyaŋ. Emi edidi adaŋa mbufo ke edem usuk.

ERIYARARE 9:14

ɔdɔhɔ ɔyɔhɔ angel itiokiet oro enyenede ukorowo, ete, Kpɔhɔre mme angel inaŋ oro ekɔkɔbide enim ke akwa akpa Euphrates.