GENESIS 15:13 - Edisana ñwed Abasi Ibom

¹³ Ndien enye ɔdɔhɔ Abram, ete, Tim fiɔk ete ke ubon fo eyedi isen ke isɔŋ kiet eke midige eke mmɔ; eyenyuŋ enam ŋkpɔ enɔ mmɔ; mmɔ eyenyuŋ efik mmɔ ke isua ikie inaŋ:

GENESIS 15:13 ပူးပေါင်းရင်းမြစ်များ

GENESIS 15:16

Ndien ke ɔyɔhɔ emana inaŋ mmɔ eyenyɔŋ ken: koro mme idiɔkŋkpɔ mme Amorite mika-iyɔhɔke kaŋa.

GENESIS 17:8

Nyenyuŋ nda isɔŋ emi afo edide esen owo ke esit, kpa ofuri isɔŋ Canaan nnɔ fi, ye ubon fo eke editienede fi, ke nsinsi udeme; ndien ami nyedi Abasi mmɔ.

GENESIS 47:4

Mmɔ enyuŋ edɔhɔ Pharaoh ete, Ke nnyin imedi ndiduŋ ke isɔŋ emi; koro mbiet eke ufene nnyin ikɔt fo etade miduhe; koro akaŋ ɔsɔŋɔde oduk ke isɔŋ Canaan: mmɔdo, mbɔk, yak ikɔt fo etie ke isɔŋ Goshen.

ŊWED MME PSALM 105:42

Koro enye etide edisana uyo esie, ye Abraham owo esie;

EXODUS 1:11

Ndien mmɔ edori mme etubom mbon utom, ete ese mmɔ, man efik mmɔ ke mbiomo mmɔ. Ndien mmɔ ebɔp obio unim-ŋkpɔ enɔ Pharaoh, kpa Pithom ye Raamses.

EXODUS 1:13

Ndien nditɔ Egypt esin nditɔ Israel enam utom ke ufik:

EXODUS 1:14

enyuŋ enam uwem odoro mmɔ ke ɔkpɔsoŋ ufin, ke mbat, ye ke brick, ye ke kpukpru utom iŋwaŋ, ke ofuri utom mmɔ eke esinde mmɔ enam ke ufik.

EXODUS 2:24

Ndien Abasi okop mmum mmɔ, Abasi onyuŋ eti ediomi emi enye okodiomide ye Abraham, ye Isaac, ye Jacob.

EXODUS 22:21

Kufik esen owo, kunyuŋ utuk enye: koro mbufo ekedide isen owo ke isɔŋ Egypt.

EXODUS 23:9

Kunyuŋ ufik esen owo koro mbufo emefiɔk esit esen owo: koro mbufo ekedide isen ke isɔŋ Egypt.

EXODUS 3:10

Di, ndien, nyedɔŋ fi utom ke ɔtɔ Pharaoh, man afo osio ikɔt mi, kpa nditɔ Israel, ke isɔŋ Egypt efep.

EXODUS 3:17

Mmonyuŋ ndɔhɔ nte, Nyesio mbufo ke ukut Egypt, nda ŋka isɔŋ mme Canaanite, ye mme Hittite, ye mme Amorite, ye mme Perizzite, ye mme Hivite, ye mme Jebusite, ke isɔŋ emi ɔfiɔrɔde mmɔŋ-eba ye aran-ɔkwɔk.

EXODUS 3:8

mmonyuŋ nsuhɔre ndisio mmɔ nditɔ Egypt ke ubɔk, ndinyuŋ nda mmɔ ŋwɔrɔ ke isɔŋ oro, ndɔk ŋka isɔŋ emi ɔfɔnde, onyuŋ aŋwaŋade, ke isɔŋ emi ɔfiɔrɔde mmɔŋ-eba ye aran-ɔkwɔk; ke ɔtɔ mme Canaanite, ye mme Hittite, ye mme Amorite, ye mme Perizzite, ye mme Hivite, ye mme Jebusite.

LEVITICUS 19:34

Ebat esen eke oduŋde ye mbufo nte amana ke otu mbufo, nyuŋ ma enye nte idem fo: koro mbufo ekedide isen ke isɔŋ Egypt: ami ndi Jehovah Abasi mbufo.

NUMBERS 20:15

nte mme ete nnyin ekesuhɔrede ke Egypt, nnyin ikenyuŋ iduŋ ke Egypt anyan ini; nditɔ Egypt enyuŋ ediɔk ye nnyin, ye mme ete nnyin:

UTOM MME APOSTLE 7:17

Edi ke adaŋemi ini emi Abasi ɔkɔŋwɔŋɔde ɔnɔ Abraham ekperede, nditɔ Israel etɔt enyuŋ ewak eti-eti ke Egypt,

ŊWED MBON GALATIA 3:17

Mmɔdɔhɔ ntem nte, Ibet, eke edide ke isua ikie inaŋ ye edip ye duop ema ekebe, ibiatke ediomi eke Abasi ekebemde iso ɔbɔp, inyuŋ isinke uŋwɔŋɔ Abasi ɔwɔrɔ ikpikpu.

DEUTERONOMY 10:19

Mbufo ema ndien esen owo: koro mbufo ekedide isen ke isɔŋ Egypt.

DEUTERONOMY 5:15

Nyuŋ ti nte afo ekedide ofin ke isɔŋ Egypt, ndien Jehovah Abasi akada ɔkpɔsɔŋ ubɔk ye edimenere ubɔk osio fi ke esit: mmɔdo Jehovah Abasi fo okowukde fi ete onim usen sabbath.