GENESIS 15:1 - Edisana ñwed Abasi Ibom

¹ KE ŋkpɔ emi ema ekebe, ikɔ Jehovah osim Abram ke ŋkukut, ete, Kufehe ndik, Abram: Ami ndi otu ekɔŋ fo, utip fo awak eti-eti.

GENESIS 15:1 ပူးပေါင်းရင်းမြစ်များ

GENESIS 15:2

Ndien Abram ɔdɔhɔ, ete, Jehovah Ɔbɔŋ, afo edinɔ mi nso ŋkpɔ, sia ami nsaŋa ntem nnyeneke eyen, ndien adia ufɔk mi edi Eliezer Damascus?

GENESIS 15:4

Ndien, sese, ikɔ Jehovah osim enye, ete, Idige owo emi edidia akpa fo: edi owo emi afo edibonde edidia akpa fo.

GENESIS 21:17

Ndien Abasi okop uyo eyen oro, angel Abasi ke enyɔŋ onyuŋ okot Hagar, ete enye, Nsinam fi Hagar? kufehe, koro Abasi omokop uyo eyen oro ke ɔtɔ emi enye odude.

GENESIS 22:1

EDIKEM ke ŋkpɔ oro ama ekebe, Abasi odomo Abraham; ndien ɔdɔhɔ enye, ete, Abraham. Ndien enye ete,

GENESIS 22:20

Edikem ke ŋkpɔ oro ama ekebe, etiŋ enɔ Abraham, ete, Sese, Milcah ŋko ama onyuŋ aman

GENESIS 26:24

Ndien Jehovah owut enye idem ke okoneyo oro, onyuŋ ɔdɔhɔ, ete, Ami ndi Abasi Abraham usɔ, kufehe, koro ndude ye afo, nyenyuŋ ndiɔŋ fi, nnyuŋ nnam ubon fo ewak, mbaŋa Abraham owo mi.

GENESIS 31:7

ofuri odudu mi. Edi ete mbufo ama abiaŋa mi, ama onyuŋ ɔkpuhɔre utip mi utim ikoduop: edi Abasi ikayakke enye anam mi

2 SAMUEL 22:3

Abasi akwa itiat mi; nyebuɔt idem mi ye enye: otu-ekɔŋ mi, ye nduk erinyaŋa mi, edikoŋ tower mi, ye ebiet ubɔhɔ mi, andiyaŋa mi; afo anyaŋa mi osio ke nnama.

2 NDIDEM 1:15

Ndien angel Jehovah ɔdɔhɔ Elijah, ete, Tiene enye suhɔre: kufehe enye. Ndien enye adaha ke enyɔŋ, asaŋa ye enye aka ebiet edidem.

1 CHRONICLES 28:20

Ndien David ɔdɔhɔ Solomon eyen esie, ete, Sɔŋ idem, sɔŋ esit, nyuŋ nam: kufehe, kunyuŋ udikhe: koro Jehovah Abasi, Abasi mi, odude ye afo; enye idimenke fi iduɔk, idinyuŋ ikpɔŋke fi, tutu afo ama ofuri utom usɔ ufɔk Jehovah.

ŊWED MME PSALM 115:10

O Ufɔk Aaron, mbufo ebuɔt idem ye Jehovah: enye edi andinyaŋa mmɔ ye otu-ekɔŋ mmɔ.

ŊWED MME PSALM 119:114

Afo edi ebiet-udibe mi ye otu-ekɔŋ mi: mmebet uyo fo.

ŊWED MME PSALM 142:5

Nseme ŋkot fi, O Jehovah: ndɔhɔ nte ke afo edi ubɔhɔ mi, ye udeme mi ke isɔŋ mme andidu uwem.

ŊWED MME PSALM 18:2

Jehovah edi akwa itiat mi, ye ufɔk ekɔŋ mi ye andinyaŋa mi; Abasi mi edi akwa itiat mi; nyebuɔt idem mi ye enye; otu-ekɔŋ mi, ye nduk erinyaŋa mi, ye edikoŋ ebiet mi.

ŊWED MME PSALM 27:1

JEHOVAH edi uŋwana mi, ye erinyaŋa mi; ndifehe anie?

ŊWED MME PSALM 3:3

Ndien afo, Jehovah, edi otuekɔŋ eke akande mi okuk; ubɔŋ mi, ye andimenere ibuot mi ke enyɔŋ.

ŊWED MME PSALM 3:4

Nda uyo mi mfiori ŋkot Jehovah, Ndien enye etie ke edisana obot esie eyere mi. [Selah.]

ŊWED MME PSALM 5:12

Koro afo, Jehovah, eyediɔŋ owo edinen ido; eyeda mfɔnido nte otu-ekɔŋ akan enye okuk.

ŊWED MME PSALM 58:11

Ndien owo eyedɔhɔ, ete, Kakpan ndinen owo edia mfri: kakpan Abasi eke ekpede ikpe ke ererimbot, omodu.

ŊWED MME PSALM 84:11

Koro Jehovah Abasi edide utin ye otu-ekɔŋ: Jehovah ɔmɔnɔ ufɔn ye ubɔŋ: ama edi mmɔ eke eneŋerede esaŋa, enye isinke mmɔ nti ŋkpɔ.

ŊWED MME PSALM 84:9

O Abasi otu-ekɔŋ nnyin, se tiŋ enyiŋ ke iso Messeiah fo.

ŊWED MME PSALM 91:4

Enye eyeda ntaŋ esie ofuk fi, afo eyenyuŋ efehe oduk ke idak mba esie: akpanikɔ esie edi otu-ekɔŋ eke ekpemede fi.

EXODUS 14:13

Ndien Moses ɔdɔhɔ kpukpru owo, ete, Mbufo ekufehe ndik, etuak eda, enyuŋ ekut erinyaŋa Jehovah, emi enye edinyaŋade mbufo mfin emi: koro nte emi mbufo ekutde nditɔ Egypt mfin emi, mbufo idikwe aba mmɔ ke nsinsi.

MME ŊKE 11:18

Idiɔk owo anam utom ikpikpu: edi owo eke ɔtɔde eti ido itreke ndidia utip.

MME ŊKE 30:5

Kpukpru se Abasi ɔdɔhɔde edi edisana: enye edi otu-ekɔŋ mmɔ eke ebuɔtde idem ye enye.

ISAIAH 35:4

Mbufo edɔhɔ mbon nnyekesit, ete, Mbufo esɔŋ esit, ekudikhe: sese Abasi mbufo: ufen ke edi, usiene Abasi; enye eyedi edinyaŋa mbufo.

ISAIAH 40:10

Sese, Ɔbɔŋ Jehovah eyeda odudu edi, ubɔk esie eyenyuŋ akara ɔnɔ enye: sese, utip esie odu ye enye, ŋkpɔ-eyen-utom onyuŋ odu enye ke iso.

ISAIAH 41:10

Kudige, koro ami ndude ye afo: kunyek idem, koro ami ndide Abasi fo: nyesɔŋɔ fi idem; nditreke ndinyaŋa fi; nditreke ndimum fi ŋkama ke edinen ubɔk nnasia mi.

ISAIAH 41:14

Kufehe, afo Jacob utuŋ, ye mbufo mbio Israel; Jehovah ɔdɔhɔ ete, Ami mmaŋwam fi; ndien andifak fi edi Edisana Abasi Israel.

ISAIAH 43:1

NDIEN ntem ke Jehovah, emi akanamde fi, Jacob, okonyuŋ obotde fi, Israel, ɔdɔhɔ ete, Kufehe; koro ami mfakde fi, ŋkosio fi enyiŋ; afo edi okimmɔ.

ISAIAH 43:5

Kufehe, koro ami ndude ye afo: nyeda ubon fo ke edem usiaha-utin ndi, nyetaŋ fi ke edem usop-utin mbon:

ISAIAH 44:2

Jehovah emi akanamde fi, okonyuŋ obotde fi ke idibi, emi ediŋwamde fi, ɔdɔhɔ ntem, ete, Owo mi Jacob, kufehe ndik, Jerusalem emi mmekde kunyuŋ ufehe.

ISAIAH 44:8

Mbufo ekudige, ekunyuŋ enyek idem: nte ŋkobukke nnɔ fi, nnyuŋ ntiŋ nnɔ fi ini oko? Nte mbufo inyuŋ idige ntiense mi? Nte Abasi odu ke mibɔhɔke ami? Ŋkɔm akwa itiat iduhe du; mfiɔkke baba kiet.

ISAIAH 51:12

Ami, ami, ndi enye emi ndɔŋde mbufo esit: afo edi anie eke ekpefehede owo emi edikpade, efehe eyen owo emi edinimde enye nte mbiet;

JEREMIAH 39:17

Ndien nyenyaŋa fi ke usen oro, Jehovah ɔdɔhɔ; mmɔ idinyuŋ idaha fi isin ke ubɔk mme mmɔ emi afo edikhede ke iso mmɔ.

ŊWED ESEME 3:24

Ukpɔŋ mi ɔdɔhɔ ete, Jehovah edi udeme mi: mmɔdo nyedori enyin ye enye.

EZEKIEL 1:1

EDIKEM ke ɔyɔhɔ isua edip ye duop, ke ɔyɔhɔ ɔfiɔŋ inaŋ, ke ɔyɔhɔ usen ɔfiɔŋ ition, ke ini ami ndude ke otu mbon ntaŋ-mfep ke mben akpa Chebar, enyɔŋ okubɔre, ndien ŋkut ŋkukut Abasi.

EZEKIEL 11:24

Ndien spirit emen mi, onyuŋ ada mi ke ŋkukut ke spirit Abasi aka ke Chaldea ke ɔtɔ mbon ntaŋ-mfep. Ndien ŋkukut emi ŋkokutde ɔkpɔŋ mi ɔdɔk.

EZEKIEL 3:4

Ndien enye ɔdɔhɔ mi, ete, Eyen owo, ka ketiene ufɔk Israel, nyuŋ men ikɔ emi tiŋ nɔ mmɔ.

NUMBERS 12:6

Ndien enye ɔdɔhɔ ete, Mbufo ekop ndien ikɔ mi: edieke prophet ediduŋde ke otu mbufo, ami Jehovah nyeyarare idem mi nnɔ enye ke ŋkukut, nnyuŋ ndɔhɔ ye enye ke ndap.

NUMBERS 18:20

Jehovah onyuŋ ɔdɔhɔ Aaron, ete, Afo udunyeneke udeme ke isɔŋ mmɔ, udunyuŋ unyeneke ubak ke otu mmɔ: ami ndi ubak fo, ye udeme fo, ke otu nditɔ Israel.

NUMBERS 24:4

Uyo andikop ikɔ Abasi, emi okokutde ŋkukut Ata Ɔkpɔsɔŋ, nte enye ɔduɔde, ke enyin anana:

MATTHEW 28:5

Edi angel ɔbɔrɔ iban oro, ete, Mbufo ekufehe ndik: koro mmɔfiɔk nte mbufo eyom Jesus emi ekowotde ke cross.

MATTHEW 8:26

Enye ete mmɔ, Nsinam mbufo efehede ndik, O mbufo nditɔ ekpri mbuɔtidem? Ekem Enye adaha ke enyɔŋ, asua ɔnɔ ofim ye inyaŋ; inyaŋ onyuŋ ana suŋ.

LUKE 1:13

Edi angel ɔdɔhɔ enye ete, Kufehe ndik, Zechariah; koro ema ekop mkpe-ubɔk fo; ndien ŋwan fo Elizabeth eyeman eyen eren ɔnɔ fi, afo eyeyuŋ osio enye enyiŋ John.

LUKE 1:30

Ndien angel ɔdɔhɔ enye ete, Kufehe ndik, Mary: koro afo ama okut mfɔn-iso ke iso Abasi.

LUKE 12:32

Ekufehe ndik, ekpri otu erɔŋ; koro edide eti uduak Ete mbufo ndida Obio Ubɔŋ oro nnɔ mbufo.

UTOM MME APOSTLE 10:22

Ndien mmɔ ete, Edisana angel eteme Cornelius centurion, emi edide eti owo onyuŋ abakde Abasi, emi onyuŋ ɔwɔrɔde eti etop ke ofuri oruk mme Jew, ete, enye ɔdɔŋ edikot fi edi ke ufɔk esie, onyuŋ okop ikɔ ke inua fo.

1 ŊWED CORINTH 3:22

edide Paul mme Apollos, mme Cephas, onyuŋ edide ererimbot, mme uwem, mme mkpa, mme se idude ke emi, mme se ididude; kpukpru enyene mbufo;

DEUTERONOMY 18:2

Ndien mmɔ ekunyene udeme ke otu nditɔ ete mmɔ: edi Jehovah edi udeme mmɔ, kpa nte enye ɔkɔdɔhɔde mmɔ.

DEUTERONOMY 31:6

Mbufo esɔŋɔ idem, enyuŋ enyene esit, ekudikhe, ekunyuŋ ebak mmɔ: koro edi Jehovah Abasi fo asaŋa ye afo: enye idikpɔŋke fi, idinyuŋ iduɔkke fi.

MME HEBREW 1:1

ABASI, emi akadade mme prophet etiŋ ikɔ mkpuhɔ-mkpuhɔ ye ke nsio-nsio usuŋ ɔnɔ mme ete nnyin ke eyo oko,

ERIYARARE 1:17

Ndien ke adaŋemi ŋkutde Enye, nduɔ Enye ke ukot nte akpa-mkpa. Ndien Enye odori mi ubɔk nnasia Esie ke idem, ete, Kufehe;

RUTH 2:12

Jehovah osuk ɔnɔ fi usiene utom fo, Jehovah Abasi Israel emi afo edide ndibuɔt idem fo ke idak mba esie, osuk ɔnɔ fi ofuri ŋkpɔ eyen-utom fo ŋko.

1 SAMUEL 15:10

Ekem uyo Jehovah osim Samuel,ete,

1 SAMUEL 9:9

Ke eyo oko ke Israel, owo ɔdɔhɔ ntem, adaŋemi enye akade ndibup Abasi ŋkpɔ, ete, Edi, nnyin ika ke ɔtɔ owo ŋkukut: koro owo emi ekerede prophet ke emi, akam ekere owo ŋkukut ke eyo oko.