GENESIS 11:4 - Edisana ñwed Abasi Ibom

⁴ Ndien mmɔ edɔhɔ ete, Ekam eyak nnyin ibɔp obio inɔ idem nnyin, ye edikoŋ ufɔk eke ibuot esie edisimde ke enyɔn; inyuŋ inam enyiŋ inɔ idem nnyiŋ, mbak idisuana ke iso ofuri ererimbot.

GENESIS 11:4 ပူးပေါင်းရင်းမြစ်များ

GENESIS 6:4

Ata ikpɔ owo ekedu ke isɔŋ ke ini oro; ndien ke nditɔ iren Abasi ema eketiene nditɔ-iban owo ŋko, mmɔ enyuŋ emande nditɔ enɔ mmɔ, mmɔ edi ata mkpɔsɔŋ owo uko, emi edude ke eyo oko, mbon etop.

2 SAMUEL 8:13

Ndien David ɔwɔrɔ etop ke adaŋemi enye ama oto ndiwot Aram tɔsin owo efureta ke itihere inuŋ afiak edi.

ŊWED MME PSALM 107:26

Mmɔ edɔk ke enyɔŋ, esuhɔre ke udem: ukpɔŋ atara mmɔ ke nnaenyin.

ŊWED MME PSALM 92:9

Koro sese, mme asua fo, O Jehovah, koro, sese, eyesobo mme asua fo; kpukpru mme anam-idiɔk eyesuana.

MME ŊKE 10:7

Ke ini etide eti owo, eyetoro enye: edi enyiŋ mme idiɔk owo eyebu.

JEREMIAH 51:53

Koro Babylon ɔdɔkde ke enyɔŋ, koro enye onyuŋ ɔsɔŋɔde edikoŋ odudu esie, owo eke edibiatde eyeto mi esim enye. Emi edi uyo Jehovah.

DANIEL 4:11

Eto oro ɔkɔri onyuŋ ɔsɔŋɔ, idaha esie onyuŋ osim ke enyɔŋ, ndise esie onyuŋ osim utit ofuri ererimbot: ikɔŋ esie eye,

DANIEL 4:22

O edidem, edi enye emi oforode onyuŋ ɔsɔŋɔde, uforo fo onyuŋ ɔdɔdiɔŋ aka iso tutu osim ikpaenyɔŋ, ubɔŋ fo onyuŋ osim utit ererimbot.

DANIEL 4:27

Yak item mi, ndien, O edidem, ɔfɔn ke iso fo; da eti ido kibi mme idiɔk ido fo fep, kibi mme ukwaŋ-ŋkpɔ fo fep ke eritua mme ubuene mbɔm; mme oro eyenam ifure fo ebigi.

DANIEL 4:30

Edikem ɔbɔrɔ onyuŋ ɔdɔhɔ, ete, Nte idige emi edi akamba Babylon emi ndade akwa odudu mi mbɔp nnim ke ufɔk ubɔŋ mi, ye ke eke uyai ubɔŋ mi?

LUKE 1:51

Enye akada ubɔk Esie ayarare odudu; Enye akasuan mbon ntaŋidem ke ekikere esit mmɔ.

JOHN 5:44

Mbufo edikeme didie ndinim ke akpanikɔ, kpa mbufo emi ebɔde ubɔŋ ke ubɔk kiet eken, ndien miyomke ubɔŋ eke otode ke Abasi kierakiet?

DEUTERONOMY 1:28

Nnyin ididɔk ika mmɔŋ? Nditɔ-ete nnyin emenam nsia oyomo nnyin, ete, Mbon oro ekponi enyuŋ ekoŋ ekan nnyin; mme obio ekponi, ibibene mmɔ enyuŋ esim enyɔŋ; nnyin ikenyuŋ ikut nditɔ mme Anakim do.

DEUTERONOMY 4:27

Ndien Jehovah eyesuan mbufo ke otu mme idut, ndien mbufo eyesuhɔ esisit ke otu mme idut emi Jehovah adade mbufo aka do.

DEUTERONOMY 9:1

O ISRAEL kop: afo ɔmɔŋ edibe Jordan mfin emi okoduk, man ada mme idut emi ekponide enyuŋ esɔŋde ekan fi, enyene, ikpɔ obio emi enyenede ŋkokoŋo ibibene.